Al la enhavo
Respondi

Inversigeblaj radikoj

de sergejm, 2009-decembro-28

Mesaĝoj: 14

Lingvo: Esperanto

sergejm (Montri la profilon) 2009-decembro-28 11:53:59

En Esperanto estas radikoj kiuj inversigitaj ankaŭ restas radikoj. Trovu tiujn kaj faru frazojn kiuj enhavas vortojn kun ambaŭ originala kaj inversigita radiko:
Revo ofte ne iĝas vero.

horsto (Montri la profilon) 2009-decembro-28 12:37:50

Mi miras, ĉu tio estas formo de rimo?

el_edu (Montri la profilon) 2009-decembro-31 16:46:06

Mia koro, kiel roko, estas malvarma kaj malmola. Mi buse iris suben. Mi trovis tri vortojn! okulumo.gif

Hispanio (Montri la profilon) 2009-decembro-31 19:32:42

Mi fartas malbone pro la trafo.

Vilinilo (Montri la profilon) 2009-decembro-31 20:12:02

Reto kunigas la Tero.

Luno estas tiel ronda, kiel nulo en ĉielo.

Li diras ke ŝi ridis multe.

Metu la kafon en tiun fakon.

Kiu estas la nomo de brazila mono?

Romao amoras.

Filu (Montri la profilon) 2010-januaro-03 15:46:02

• Lame? Male!
• Knabo forkuras el la banko post ŝtelado.
• Ĝeno pro l' neĝo tro abunda.

Al tiuj mi ŝerceme dezirus deviigi la proponon de Sergejm:
• Vero ofte ne troviĝas en ReVo.

fizikisto (Montri la profilon) 2010-januaro-03 22:33:43

Vulpo ne ŝatas pluvon.
Mi alportas bulkon al klubo.
Mia brako estas nigra kiel karbo.
Kuko ĉiam restas kuko.
Ĉu gnuo havas ungon?
En barko navigas krabo.
Mi trafis, do mi bone fartis.
En marto mi veturis per tramo.
La truto kaj la turto renkontiĝis.

horsto (Montri la profilon) 2010-januaro-04 00:58:59

fizikisto:Vulpo ne ŝatas pluvon.
Mi alportas bulkon al klubo.
Mia brako estas nigra kiel karbo.
Kuko ĉiam restas kuko.
Ĉu gnuo havas ungon?
En barko navigas krabo.
Mi trafis, do mi bone fartis.
En marto mi veturis per tramo.
La truto kaj la turto renkontiĝis.
Bonege! Ĉu vi uzis programon pro trovi tion?
Ĝis nun neniu trovis radikon havantan 5 aŭ pli da literoj.

Filu (Montri la profilon) 2010-januaro-04 02:04:53

Pasinta mardo okazis dramo kafkaeska: mia fratino fariĝis ĝirafo. Sed eĉ pli bedaŭrinda fatalaĵo estis venonta: monstrofakuloj, forlasante siajn studojn pri l' genaro de ranegoj kaj similspecaj kuriozaĵoj, senprokraste venis niahejmen, kaj la fratinon forkaptis!

Jen du kvinliteraj ekzemploj, sed mi ne tute respektis la radikan unuecon (far-iĝ, gen-ar, ran-eg).

Ĉu tamen akceptindas?

sergejm (Montri la profilon) 2010-januaro-04 09:31:47

Filu:Jen du kvinliteraj ekzemploj, sed mi ne tute respektis la radikan unuecon (far-iĝ, gen-ar, ran-eg).

Ĉu tamen akceptindas?
Mi pensas ke akceptindas, des pli vi faris rakonton el tiaj frazoj.

Reen al la supro