horsto:la folioj movas sin estus malĝusta

Mi ne dirus malĝusta, ĉar movi sin povas uziĝi eĉ kiam estas alia agento kiu kaŭzas la movon, ekzemple la vento. En PMEG troviĝas ekzemplo Ĉiuj flagoj sin movadis en la aero, kaj la difino de la verbo en ReVo montras aliajn tiajn uzojn.

tommjames:

horsto:la folioj movas sin estus malĝusta

Mi ne dirus malĝusta, ĉar movi sin povas uziĝi eĉ kiam estas alia agento kiu kaŭzas la movon, ekzemple la vento. En PMEG troviĝas ekzemplo Ĉiuj flagoj sin movadis en la aero, kaj la difino de la verbo en ReVo montras aliajn tiajn uzojn.

Ankaŭ en la germana lingvo oni diras la folioj movas sin aŭ la flagoj movas sin, kaj eble pro tio tiaj frazoj ekzistas. Sed, laŭ logiko, tio ne estas ĝusta, ĉu ne?

horsto:Sed, laŭ logiko, tio ne estas ĝusta, ĉu ne?

Nu se ni pensus surbaze de antaŭsupozo ke transitiva ago kiel "movas sin" implicas/implicu intencon aŭ aktivecon de la aganto, jes, tio ŝajnus nelokiga kaj eĉ evitinda. Sed malgraŭ la ebla valideco de tia supozo, la bezonon aŭ devigon tiel pensi ne spegulas la tradicioj de la lingvo, kiom mi povas vidi. Ne nur gravas la logiko (afero pri kiu parolantoj de diversaj lingvodevenoj havos malsamajn ideojn), sed ankaŭ realvivaj normoj. Ĉar ĉi tiaj formoj kiel "movas sin" por flago blovata de la aero estas de longe hejmaj en la lingvo, ŝajnas al mi dubinde aserti ke ili estas malĝustaj.

Kiel multaj mi pensas "rideti" tre stranga formo, ĉar rideto certe ne estas eta rido. Mi ofte ridetas kun nepre neniu ajn spuro de rido. Sed mi ne dirus ĝin malĝusta ĉar ĝi estas parto de la lingvo, malgraŭ ĉiu ebla logika argumento kontraŭ ĝi (kaj apoge de ĝi).

Dirinte tion, mi mem preferas vian logikon, kaj ĉar pli multaj nuntempe uzas "moviĝas" anstataŭe, ĝi probable estas rekomendinda.

Ĉu adverbo ĉu adjektivo, povas estis foje tikla demando.

Komparu jenajn frazojn:
Dum kelkaj sekundoj ili staris senmovaj
Dum kelkaj sekundoj ili staris senmove.

Nu, ne estas eble stari senmove sen esti senmova.

Cetere, senmoveco estas portempa kvalito, do ne grave ĉu oni atribuas tion al la subjekto aŭx ĉu oni konceptas tion kiel kvalifiko de la starado.

Aliflanke oni certe dirus 'la viktimo kuŝis morta sur la strato' - ne 'kuŝis morte'.

Mi supozas ke oni povus 'senti sin bone' sen esti bona (sen esti bona homo).

Se oni aldonas ion en la frazo kiu indikas la portempecon de la boneco - ekz 'mi sentas min pli bona nun' - tiam la adjektiva formo ŝajnas pli akceptebla.

Alia ekzemplo. Ĉu diri 'Mi estas fraŭlo kaj loĝas sole' aŭ 'Mi estas fraŭlo kaj loĝas sola'