Estus helpe, se oni povus krei ligilon al certa mesaĝo (kaj ne nur al certa fadeno aŭ paĝo) en la forumo.

Efektive jam eblas krei tiajn ligilojn. Se oni kopias la nombron en la retadreso, kiun oni ricevas klakinte "Respondi", kaj aldonas tiun al la retadreso de la paĝo post la signo #, oni havas tian ligilon.

Ekzemple, jen certa mesaĝo tiel alligita.

Do jen mia propono: Kreu butonon "Ligi tien ĉi" (aŭ simile), kiun oni povas simple klaki por ricevi taŭgan ligilon.

darkweasel:

Tion mi ja trovus utila!

Sed prefere la mesaĝo aperu iomete rulumita supren, por ke la nomo de la afiŝinto kaj afiŝdato ktp estu legeblaj, malkiel en via ekzempla ligilo.