Kwa maudhui
Kujibu

La homoj ne komprenas la gravecon de la lingvoj kaj de la lingvistiko

ya BrunoBram, 7 Julai 2011

Ujumbe: 13

Lugha: Esperanto

BrunoBram (Wasifu wa mtumiaji) 7 Julai 2011 3:44:42 asubuhi

Mi ĉiam pensis, ke la homoj, la registaroj kaj la tuta homaro ĝenerale ne komprenas sufiĉe la gravecon de la lingvoj. Kaj mi ne volas diri, ke ili ne kaptas valorojn kiel la beleco aŭ la ebleco ĝui ilin kiel hobio, sed ke ili ne komprenas, ke la lingvoj estas PRESKAŬ ĈIO EN LA VIVO. Sen lingvoj oni estus nenio, oni nek povus pensi, nek paroli, nek fari nenion. Per la lingvo elkreskis religioj, ideologioj, literaturoj, registaroj, sciencoj... Ĉio. Eĉ la Biblio komencas dirante, ke en la komenco estis la Verbo. Do, lingvoj devus esti rigardataj kiel oni rigardas la evoluon de la specoj, la grandecon de la kosmo, la mekanismon de la homa korpo. Kiel io ege grava kaj serioza, kaj ne kiel bagatelaĵo, simpla hobio aŭ perilo por gajni monon.

maratonisto (Wasifu wa mtumiaji) 7 Julai 2011 4:03:36 alasiri

Ni alkutimiĝis al lingvo, kiel al aero. Samtiel Vi povas diri, ke ni ne komprenas la gravecon de aero, kiun ni spiras kaj manĝaĵoj.

BrunoBram (Wasifu wa mtumiaji) 7 Julai 2011 4:16:31 alasiri

maratonisto:Ni alkutimiĝis al lingvo, kiel al aero. Samtiel Vi povas diri, ke ni ne komprenas la gravecon de aero, kiun ni spiras kaj manĝaĵoj.
Bona observo.

Koracio (Wasifu wa mtumiaji) 11 Julai 2011 5:44:39 alasiri

Por kompreni la gravecon de la lingvo, oni povas legi la librojn de Susana Schaller, kiu trovis surdulojn sen lingvo, eĉ sen signolingvo, kaj lernis ilin signumi kaj paroli.

Koracio (Wasifu wa mtumiaji) 18 Julai 2011 6:41:48 alasiri

Tiuj homoj:
laboris en la agrikulturo
riparis kompleksajn ilojn
evitis la homojn de la Enmigrada Oficejo
ludis kartoludojn
amuzis unu la alian per pantomimaj rakontojn
kaj suferis je la malriĉeco de la komunikado.

cellus (Wasifu wa mtumiaji) 22 Julai 2011 10:23:52 asubuhi

Koracio:Tiuj homoj:
laboris en la agrikulturo
riparis kompleksajn ilojn
Iam mi legis ke en grupoj de surduloj ofte evoluas propran signo-lingvon.

Se la surduloj estus senditaj al surdullernejoj ili tie ekhavus lingvon. Ĉu estas certe ke Suzana Schaller ne komprenis ke ili eble havas sian propran lingvon?

Mi ne scias kiagrade signumoj povas ekaperi spontane. Mi scias ke la diversaj lernejoj por surdaj infanoj tra la jaroj evoluis specialajn lingvojn, kaj en Svedujo estas iom diferencaj formoj de la sveda signolingvo, depende de en kiu lernejo la surdulo lernis la lingvon.

sudanglo (Wasifu wa mtumiaji) 25 Julai 2011 9:42:40 alasiri

Laŭ la Biblio, en la komenco estis la Verbo???

Ne! En la komenco estis nenio. Do, certe en la komenco estis la Substantivo.

Solulo (Wasifu wa mtumiaji) 25 Julai 2011 11:09:51 alasiri

sudanglo:

Ne! En la komenco estis nenio. Do, certe en la komenco estis la Substantivo.
Kaj Dio vidis, ke la substantivo estis bona, kaj Dio diris; estu verbo, kaj fariĝis verbo. Kaj estis substantivo kaj verbo, la simpla frazo. Kaj Dio diris; estu adjektivoj kaj prepozicioj kaj... ktp, ktp, ktp...

Ryuuichi (Wasifu wa mtumiaji) 25 Julai 2011 11:17:56 alasiri

Se vi parolas pri Dio [kiu estas Dio?], mi ne plu interesiĝos pri tiu ĉi fadeno. Ĝis!

Solulo (Wasifu wa mtumiaji) 26 Julai 2011 2:40:31 alasiri

Ryuuichi: [kiu estas Dio?]
Ĉi tio estas la demando kiun mi starigis al mia kara patrineto kiam mi estis kvinjara knabeto. rideto.gif

Kurudi juu