miĥil:

Kodegadulo:
Kial ni havas "konstelacio", dum "stelaro" sufiĉus?

Supozeble pro la 15a regulo. Krome mi povas imagi ke fakulo ŝatus emfazi ke konstelacio estas nur kelkaj steloj kiuj hazarde ŝajnas grupiĝi laŭ nia vidpunkto de la tero. Tiun ideon ne enhavas la simpla 'stelaro'.

Ne nepre, fakte derivaĵoj kiel en -ar ja formu novan nocion, ekz. vortaro, homaro aŭ ŝiparo ne estas nur iuj hazardaj aroj da vortoj/jomoj/ŝipoj, ĉu ne?
Do per konvencio oni povus difini stelaro = konstelacio. Ĉi-lastan uzu la fakuloj, dum la unua utilas en ĉiutaga lingvaĵo.

Kirilo81:Ne nepre, fakte derivaĵoj kiel en -ar ja formu novan nocion, ekz. vortaro, homaro aŭ ŝiparo ne estas nur iuj hazardaj aroj da vortoj/jomoj/ŝipoj, ĉu ne?
Do per konvencio oni povus difini stelaro = konstelacio. Ĉi-lastan uzu la fakuloj, dum la unua utilas en ĉiutaga lingvaĵo.

Vi tute pravas. Sed mi dubas ĉu vere estas pli facile havi du terminojn por unu koncepto. Mi pensas ke eĉ fakuloj povu kontenti kun 'stelaro', sed ke ili rajtas pedanti kaj apliki la 15an. Tiel do ni ĉiuokaze havus 2 vortojn, do ni same bone povus dekomence uzi 'konstelacio'....

miĥil:Mi pensas ke eĉ fakuloj povu kontenti kun 'stelaro', sed ke ili rajtas pedanti kaj apliki la 15an. Tiel do ni ĉiuokaze havus 2 vortojn, do ni same bone povus dekomence uzi 'konstelacio'....

astronomio = stelscienco
astronomo = stelsciencisto
hospitalo = malsanulejo, resanigejo
stalo = ĉevalejo

kaj multaj aliaj. Se ni ne ŝatas "hospitalon", tiam neniu povas malpermesi al ni la uzadon de "malsanulejo". Do kia problemo? Vi ne ŝatas ion, vi ne uzas tion, kaj ni komprenas tiel aŭ alie.

geo63: Se ni ne ŝatas "hospitalon", tiam neniu povas malpermesi al ni la uzadon de "malsanulejo". Do kia problemo? Vi ne ŝatas ion, vi ne uzas tion, kaj ni komprenas tiel aŭ alie.

La problemo estas ke lingvo temas pri antaŭa interkonsento pri la signifoj de vortoj. Ne ŝajnas al mi tre konvene devi scii du difinojn por tiaj vortoj. Ekz. ŝajne ni do ĉiuokaze devas almenaŭ rekoni 'stalo', eĉ se ni mem preferus simplan 'ĉevalejon', alikaze la komunikado pri tio simple ne funkcias. Oni povas simple diri ke oni komprenas 'tiel aŭ alie' sed tio al mi simple ne ŝajnas vera.