Messages: 22
Language: Esperanto
erinja (User's profile) August 28, 2011, 8:13:02 PM
La temo estas tute bona, kaj tiuj uzantoj kiuj volas diskuti tiun temon en Esperanto estas bonvenaj diskuti tion - en Esperant-lingva forumo!
La fadenoj en naciaj lingvoj ekzistas ĉefe por helpi al komencantoj kiuj ankoraŭ ne regas Esperanton sufiĉe por demandi kaj havi helpon en la esperantaj forumoj. Kompreneble ĉiuj personoj estas bonvenaj partopreni en tiuj nacilingvaj forumoj. Sed kiam la lernu-teamo starigis la regulojn pri la forumoj, ili intence elektis malpermesi esperant-lingvan konversaciadon en la nacilingvaj forumoj, por permesi ke komencantoj povu plene partopreni en tiuj forumoj.
Mi notu ke vi certe povas afiŝi en Esperanto en nacilingva forumo - se vi inkluzivos tradukon en la lingvo de tiu forumo (en ĉi tiu okazo, afiŝi en la japana, kun esperanta traduko).
Junpe (User's profile) August 29, 2011, 5:39:34 AM
erinja:Mi notu ke vi certe povas afiŝi en Esperanto en nacilingva forumo - se vi inkluzivos tradukon en la lingvo de tiu forumo (en ĉi tiu okazo, afiŝi en la japana, kun esperanta traduko).Mi ĝojas, ke vi opinias tion.
Mi vidis en la forigita fadeno multe da mesaĝojn en la japana kun esperanta traduko. Tial mi demandis, ĉu la persono komprenis la japanan.
Ĉu ne eblas rekrei fadenojn unufoje forigitajn?
Mi volas, ke la lernu-teamo respektu dirojn de partoprenantoj en la forumo, kaj ke ĝi ne forigu mesaĝojn tiel facile sen diri ion ajn (la teamo povus averti per afiŝi en la fadeno). Subite forigi mesaĝojn ŝajnas al mi perforte kaj ne bonmaniere. (Kaj mi ne opinias, ke la kialo taŭgas.) Oni devas respekti dirojn de aliaj homoj, ĉu ne?
erinja (User's profile) August 29, 2011, 2:23:13 PM
En aliaj okazoj en kiu oni atentigis pri la devo afiŝi en la ĝusta lingvo, uzantoj kelkfoje plendis pri tio kaj plu afiŝis en la malĝusta lingvo.
Mi ne scias ĉu eblas restarigi la fadenon sed mi kredas ke ne.
Junpe (User's profile) August 30, 2011, 2:29:38 PM
Mi ne memoras lastajn mesaĝojn, sed mi kredas, ke estus facile komenci afiŝi kaj en la japana kaj en Esperanto ree denove, ĉar unu triono da mesaĝoj en la formo estis en la ambau lingvoj.
Tial mi opinias, ke la kialo de forigado de la fadeno ne taŭgas.
La maniero de la agado ankaŭ ne taŭgas.
La teamo forigis la fadenon sen atentigi.
Ĉu oni rajtas perforte forigi, nur ĉar atentigado en aliaj okazoj vanis? Ĉu oni do povas rezigni paroli kaj perforte agi?
Mi ne opinias, ke tia agado bonas por la paĝaro lernu!
Mi petas ree:
BONVOLE RESTARIGU LA FADENON.
aŭ, se tio maleblas, mi petas, ke la teamo diru, "Pardonu nin. Ni eraris kaj bedaŭras. Ni ne plu agos tiel" en la japana forumo. Mi tradukos tion al la japana.
Pensu, ke multaj mesaĝoj de komencantoj de la paĝaro troviĝis en la forumo!
Krome, mi imagas, ke severe obeigi al uzantoj la "regulojn" malkuraĝigos komencantojn de la paĝaro, kiuj ne tre bone konas la "regulojn", partopreni.
erinja (User's profile) August 30, 2011, 5:10:37 PM
Ne eblas restarigi la fadenon. Plendoj kaj argumentoj kaj kialoj ne ŝanĝas la situacion.
En la nova lernu, estos pli da ebloj en la forumoj. Sed la nuna foruma softvaro ne permesas tion.
Junpe (User's profile) September 1, 2011, 3:42:23 PM
"Almenaŭ unu trionoj" signifas preskaŭ duono. Proksimume duono de la mesaĝoj, kiuj ne havas problemon, foriĝis de la teamo.
Laŭ mi forigi fadenon estas pli kruele ol forigi konton de iu, ĉar ne nur la nomo de la skribanto malaperas, sed la mesaĝoj mem malaperas.
Sed kiam vi, la teamo, volos diri "Pardonon", vi bonvenos en la japana forumo.
Jev (User's profile) September 1, 2011, 5:02:33 PM
Junpe:Laŭ mi forigi fadenon estas pli kruele ol forigi konton de iu, ĉar ne nur la nomo de la skribanto malaperas, sed la mesaĝoj mem malaperas.Dankon pro via opinio.
erinja (User's profile) September 2, 2011, 3:09:33 AM
Junpe:Laŭ mi forigi fadenon estas pli kruele ol forigi konton de iu, ĉar ne nur la nomo de la skribanto malaperas, sed la mesaĝoj mem malaperas.Estas ege simple.
Se vi kondutas laŭ la [url=http://lernu.net/pri_lernu/reguloj_kondiĉoj.php]Reguloj kaj kondiĉoj[/url] de la paĝaro, neniu forigos vian konton kaj neniu nuligos viajn meaĝojn.
Se ies konto aŭ fadeno nuliĝas pro malobeo de la reguloj, tiu persono kulpigu nur sin mem.
Junpe (User's profile) September 4, 2011, 7:01:20 AM
erinja:Estas ege simple.Ne ege simple, ĉar ankaŭ mesaĝoj de tiuj, kiuj kondutas laŭ la regulojn, nuliĝas, se la teamo forigas tutan fadenon.
Se vi kondutas laŭ la [url=http://lernu.net/pri_lernu/reguloj_kondiĉoj.php]Reguloj kaj kondiĉoj[/url] de la paĝaro, neniu forigos vian konton kaj neniu nuligos viajn meaĝojn.
Se ies konto aŭ fadeno nuliĝas pro malobeo de la reguloj, tiu persono kulpigu nur sin mem.
Mi ĝojas, ke la vorto "avertita" troviĝas en la reguloj.
"Specifaj reguloj por la forumoj de lernu!"[url=http://eo.lernu.net/pri_lernu/reguloj_kondiĉoj.php]Reguloj kaj kondiĉoj[/url]
8. Ne enmetu rubaĵojn.Obeu la administrantojn de la paĝaro. Se vi estis avertita traduki vian mesaĝon aŭ korekti ĝin, ĉar ĝi ne obeas la regulojn, faru tion. Aliokaze viaj mesaĝoj estos forĵetitaj, kaj poste vi estos blokita, kaj ne plu povos uzi la paĝaron.
("c" kaj "x" devas anstataui "ĉ")
zan (User's profile) September 4, 2011, 9:00:15 AM
en.lernu.net/komunikado/forumo/temo.php?t=5272
en.lernu.net/komunikado/forumo/temo.php?t=5272&p=2
en.lernu.net/komunikado/forumo/temo.php?t=5272&p=3
La unua mesaĝo komenciĝis jene:
Mi estas rusa. Mi havas la amikon el Japan. Li nun loĝas en Rusujo kaj povas paroli ruse, sed ne tre libere. Mi ŝatas la japanan kulturon, kaj Japanojn kaj amas mian karan Masaŝin. Mi ne parolas japane. Nun mi komencis lerni Esperanto. Mi ŝatas tiun lingvon, volas paroli kun mia amiko esperante, tial mi volas scii: kial japanoj lernas Esperanto?.....Ĉar la skribinto volis demandi al japanoj, li ne povis meti ĉi tiun mesaĝon en "internacia" forumo, kie efektive ne aktivas japanoj. Li ne celis diskuton sed interamikiĝon kun japanoj.
Ankaŭ aliaj alilandanoj skribis japane, ke li aŭ ŝi lernas la japanan kaj Esperanton. Al tio japanoj respondis japane. Kiaj ĉarmaj interamikiĝoj okazis en Lernu! Tion jam oni ne povas legi pro tro rigida regulo. Teamanoj, bonvolu legu "koron" ne nur literojn.