Sadržaj
Odgovori

Objekto kaj la verbo "ŝajni"

od yyaann, 1. studenoga 2008.

Poruke: 11

Jezik: Esperanto

yyaann (Prikaz profila) 1. studenoga 2008. 10:14:35

Saluton ĉiuj!

Kiu propozicio estas ĝusta?

1/ "La studo ŝajnas vera ludo"

aŭ

2/ "La studo ŝajnas veran ludon"

Alivorte, ĉu la verbo "ŝajni" same funkcias al la verbo "esti" aŭ ĝi same funkcias al aliajn verbojn?

Dankon anticipe ! sal.gif

horsto (Prikaz profila) 1. studenoga 2008. 11:09:30

La verbo "ŝajni" estas netransitiva, do la dua frazo estas malĝusta. Mi ne certas ĉu la unua estas ĝusta. En mia vortaro mi nur trovis jenajn uzadojn:
Ŝajnas (al mi) ke la stud(ad)o estas vera ludo.
La studo (laŭ)ŝajne estas vera ludo.
La studo ŝajnas (al mi) kvazaŭ vera ludo.

Filu (Prikaz profila) 1. studenoga 2008. 13:34:02

Laŭ ekzemploj el la ReVo, via unua frazo estus ja ĝusta. Tamen, se en unu frazo estus neklare, kio ŝajnas esti kio, versioj kiel Horsto proponis estus elektindaj. Sed viaekzemple, ĉar ne estis adjektivo ligita kun studo, facile kompreneblas, ke ja la studo ŝajnas kvazaŭ vera ludo, kaj ne kvazaŭ la studo ŝajnas vera ludo.

yyaann (Prikaz profila) 2. studenoga 2008. 11:04:13

Multajn dankojn por viaj respondoj! sal.gif

horsto (Prikaz profila) 2. studenoga 2008. 12:01:58

Filu:Laŭ ekzemploj el la ReVo ...
Dankon por via atentigo pri la ReVo, mi antaŭe ne ofte uzis ĝin, sed mi nun vidis ke gi entenas multajn ekzemplojn por la uzado de la vorto. Mi ne komprenas kial mia normale bonega vortaro ne montras la plej bazan formon. malgajo.gif
Mi eĉ ankaŭ trovis klarigon pri la diferenco inter "iĝi" kaj "fariĝi", kion mi jam delonge serĉis. rideto.gif
yyaann:
Multajn dankojn por viaj respondoj!
Per Esperanto vi povas doni eĉ multajn dankojn, tio ne eblas per la germana, ĉar ne ekzistas pluralo por la vorto danko.

diogotux (Prikaz profila) 2. studenoga 2008. 12:41:50

horsto:Per Esperanto vi povas doni eĉ multajn dankojn, tio ne eblas per la germana, ĉar ne ekzistas pluralo por la vorto danko.
Vi parolas pri "Vielen dank!", ĉu ne?

horsto (Prikaz profila) 2. studenoga 2008. 12:52:40

diogotu'x:
Vi parolas pri "Vielen dank!", ĉu ne?
Jes, vi pravas, "Vielen Dank" signifas "multan dankon", sed vi ne povas rekte traduki "multajn dankojn".

Rudolf F. (Prikaz profila) 4. studenoga 2008. 16:38:12

yyaann:"La studo ŝajnas vera ludo"
La frazo estas ĝusta. Ĝi estas mallongigo de
"La studo ŝajnas ESTI vera ludo"

Sed nun analizu la frazon:
"La trompisto ŝajnigis sin stultulo." demando.gif
(Ankaŭ tiu estas ĝusta.)

Filu (Prikaz profila) 4. studenoga 2008. 18:55:17

Rudolf F.:Sed nun analizu la frazon:
"La trompisto ŝajnigis sin stultulo." demando.gif
(Ankaŭ tiu estas ĝusta.)
Interesege! Ĉu temas pri spektanto stulta imitanta la trumpetludiston sur la scenejon, aŭ pri la trumpetisto faranta stultaĵojn???

Ĉu estas ĝusta interpreto? Aŭ ĉu oni juĝu laŭ la kunteksto (kiun mi ne konas)?

Miland (Prikaz profila) 4. studenoga 2008. 19:01:33

Rudolf F.:.. nun analizu la frazon:
"La trompisto ŝajnigis sin stultulo." )
La trompisto igis sin ŝajni (esti) stultulo.

Jes, la frazo estas ĝusta!

Natrag na vrh