去目錄頁
回应

malgranda kaj eta

从 crescence, 2009年3月21日

讯息： 10

语言: Esperanto

crescence (显示个人资料) 2009年3月21日上午9:29:16

Saluton,

Ĉu estas diferenco inter la vortoj "malgranda" kaj "eta" ? Ĉu oni povas ilin interŝanĝi ?

Espi (显示个人资料) 2009年3月21日上午10:30:36

crescence:Saluton,

Ĉu estas diferenco inter la vortoj "malgranda" kaj "eta" ? Ĉu oni povas ilin interŝanĝi ?
Saluton crescence,

mi opinias, ke "malgranda" signifas korpan, materian malgrandecon, sed "eta" malgrandan, malintensan aferon aŭ minjonigon.

Amike
Klaus-Peter

crescence (显示个人资料) 2009年3月21日上午11:05:50

Dankon, Klaus-Peter,

Mi ne komprenas la subtilon, la nuancon inter la du vortoj, kion vi provas krarigi al mi.

tommjames (显示个人资料) 2009年3月21日上午11:39:25

crescence:Saluton,

Ĉu estas diferenco inter la vortoj "malgranda" kaj "eta" ? Ĉu oni povas ilin interŝanĝi ?
Kutime ili estas interŝanĝeblaj, sed ili havas diferencajn nuancojn.

Malgranda estas ĉefe por fizika grandeco, sed ĝi povas ankaŭ rilati al kvalito aŭ boneco. Ekzemple malgranda viro povas esti kaj fizike malgranda kaj iom aĉa viro, malgranda en boneco, laŭ la kunteksto.

Eta devenas el la sufiko et kiu povas malgrandigi en grandeco sed ankaŭ en intenseco. Estas ekzemplo en Reta Vortaro eta pluvo kiu signifas "malintensa pluvo", ne tion ke la pluveroj mem estas malgrandaj.

crescence (显示个人资料) 2009年3月21日下午12:15:14

Dankon pro viaj klarigoj.

jchthys (显示个人资料) 2009年3月22日上午3:43:00

Oni ankaŭ povas uzi "eta", se oni volas uzi pli mallongan vorton: "Le petit prince" ekzemple estas "La eta regido".

Senegaùlo (显示个人资料) 2009年3月22日上午5:31:29

Malgranda signifas la malon de granda, kiu signifas la malon de eta... Tio estas ke ili havas strikte saman sencon sed unu devenas de mala adjektivo kaj alia estas sufikso samsignifa...

Vidu mem:

malgranda = eta
malgrandeta = eteta = etmalgranda
granda = maleta = ega
egeta = maleteta
etgranda = grandeta
maletgranda = grandega
eggranda = maletmalgranda

Kaj tiel plu infinite...

KoLonJaNo (显示个人资料) 2009年3月22日上午6:42:23

Saluton!

jchthys:Oni ankaŭ povas uzi "eta", se oni volas uzi pli mallongan vorton: "Le petit prince" ekzemple estas "La eta regido".
Ĝi devus esti reĝido, sed la fama verko de Antoine DE SAINT-EXUPÉRY fakte titoloĝis La Eta Princo.

Evidente oni preferis eta al la pli "peza" malgranda.

Kaj en la franca prince uziĝas ne nur por reĝido, sed ankaŭ por princo, do altranga nobelo, kiu regas kiel suvereno en sia propra teritorio.

(En Eŭropo la ŝtatoj Monako kaj Liĥtenŝtejno estas princlandoj.)

Ĉar la ĉefrolulo de la libro fakte ne estas reĝido (kiel en multaj fabeloj), la vorto princo ja estas ĝusta elfrancigo.

Nek reĝide nek prince,
Kolonjano

darkweasel (显示个人资料) 2009年3月22日上午9:15:49

Mi ne povas bone paroli la francan, sed ĉu "eta" ne estas kiel "peu" kaj "malgranda" kiel "petit"?

KoLonJaNo (显示个人资料) 2009年3月22日下午12:40:24

Saluton!

darkweasel:Mi ne povas bone paroli la francan, sed ĉu "eta" ne estas kiel "peu" kaj "malgranda" kiel "petit"?
Se mia memoro ne tute trompas min kaj mia vortaro franca-germana almenaŭ iomete ( okulumo.gif ) fidindas, peu estas adverbo, kiu pli-malpli tradukeblas per iom(ete) [da].

Kolonjano

回到上端