Al la enhavo
Respondi

Reformita Esperanto de 1894

de patrik, 2011-oktobro-06

Mesaĝoj: 39

Lingvo: Esperanto

patrik (Montri la profilon) 2011-oktobro-06 14:15:16

Ĉi tiu fadeno estas por diskuti la detalojn de la 1894 reform-projekto de Zamenhof mem. Jen la fonto: Esperanto 1894

Ĝuu~!

Solulo (Montri la profilon) 2011-oktobro-06 15:43:22

Mi pensas ke tiu Reformita E-O taŭgus nur certagrade pri traduko el etnaj lingvoj de verkoj kiuj enhavas, egzemple, dialogoj en etnaj dialektoj.
La pola verkisto Władysław Reymont verkis "La Kamparanoj" (Premio Nobel 1924). Klare, ke la ĉefroruloj de la verko parolas en ĉarma pola dialekto kio kreas en la verko specifan klimaton. Kial do traduki tian verkon al E-O?
Ne eblas. Ia dialekto do, estus ege bezonata.
Memkompreneble, oni povus uzi tiun "dialekton" tre , singardeme kaj rare, nur por literaturaj celoj.

Tia estas mia vidpunkto.

flipe (Montri la profilon) 2011-oktobro-06 16:36:17

patrik:Ĉi tiu fadeno estas por diskuti la detalojn de la 1894 reform-projekto de Zamenhof mem. Jen la fonto: Esperanto 1894

Ĝuu~!
Pardonu al mi, sed mi ne kredas ke tiu estas reformita esperanto, tio ŝajnas al mi kiel alia lingvo ne kreita de Zamenhoff.

darkweasel (Montri la profilon) 2011-oktobro-06 16:39:04

flipe:
patrik:Ĉi tiu fadeno estas por diskuti la detalojn de la 1894 reform-projekto de Zamenhof mem. Jen la fonto: Esperanto 1894

Ĝuu~!
Pardonu al mi, sed mi ne kredas ke tiu estas reformita esperanto, tio ŝajnas al mi kiel alia lingvo ne kreita de Zamenhoff.
Kredu, kion vi volas, sed tio fakte ja estas Zamenhofa propono. Miascie, li lanĉis voĉdonon pri tiu reformo (sed nur la tuta reformo; oni ne povis diri, ke oni volas konservi la akuzativon, sed ne la ĉapelitajn literojn, ekzemple) en gazeto, kaj la plimulto malaprobis ĝin, kaj tial ni ankoraŭ havas la multe pli bonan (nur rigardu la tabelvortojn!) version.

maratonisto (Montri la profilon) 2011-oktobro-06 16:55:35

Dankon al Dio, ke tiu reformo ne estis aprobita. Nekredeble, ke Zamenhof proponis tiom radikan reformon, tamen laŭdire estas fakto. Ni ne scias, ĉu Ido estas pli radika reformo de Esperanto.

darkweasel (Montri la profilon) 2011-oktobro-06 17:50:52

maratonisto:Nekredeble, ke Zamenhof proponis tiom radikan reformon, tamen laŭdire estas fakto.
Nu, lin instigis diversaj esperantistaj malkontentaj pri la tradicia formo - do li simple elskribis iliajn proponojn kaj lanĉis voĉdonon. Montriĝis do, ke la plejmulto ne ŝatas ilin kaj jen tiaj reformproponoj ne plu havis demokratian bazon.
maratonisto:
Ni ne scias, ĉu Ido estas pli radika reformo de Esperanto.
Simile radikala.

zan (Montri la profilon) 2011-oktobro-07 00:35:04

darkweasel:Miascie, li lanĉis voĉdonon pri tiu reformo (sed nur la tuta reformo; oni ne povis diri, ke oni volas konservi la akuzativon, sed ne la ĉapelitajn literojn, ekzemple) en gazeto, kaj la plimulto malaprobis ĝin, kaj tial ni ankoraŭ havas la multe pli bonan (nur rigardu la tabelvortojn!) version.
darkweasel:Nu, lin instigis diversaj esperantistaj malkontentaj pri la tradicia formo - do li simple elskribis iliajn proponojn kaj lanĉis voĉdonon. Montriĝis do, ke la plejmulto ne ŝatas ilin kaj jen tiaj reformproponoj ne plu havis demokratian bazon.
Tiamaniere li rezignigis al tiaj plendemuloj reformi Esperanton. Li proponis sensencajn reformojn kaj postulis, ke oni akceptu ĉion.
Kia intrigulo li estis!

Rimarkinde, unu el la proponoj estas: La difinita artikolo "la", kiu aperas ofte en Esperanto, estas komplete forigita el la reformita lingvo.

Tiu reformo eble ĝojigus japanojn. Sed nepre ne eŭropanojn, ĉu ne?

patrik (Montri la profilon) 2011-oktobro-07 03:03:41

maratonisto:Dankon al Dio, ke tiu reformo ne estis aprobita. Nekredeble, ke Zamenhof proponis tiom radikan reformon, tamen laŭdire estas fakto. Ni ne scias, ĉu Ido estas pli radika reformo de Esperanto.
Ankaŭ mi tiel pensas. Tiu ĉi reformprojekto eble estas farita nur por esti malakceptita de la tiama esperantistaro. Korelativoj pli komplikaj, nelibera vortordo, trosimpligita verb-sistemo... Kia monstraĵo~!

nikko (Montri la profilon) 2011-oktobro-07 04:12:07

Interesega informo. El kie ĝi estas? Mi interesiĝas pri esperantologio, kaj scias pri reformo, sed neniam mi vidis nek materialon, nek ĝian fonton.

nikko (Montri la profilon) 2011-oktobro-07 04:24:28

Esperanto sen akuzativo eĉ ne logus mian atenton. Ekzistas miloj da senakuzativaj projektoj, kaj ili estas enuaj plejaparte, malgraŭ plia facileco. Mi gajas, ke aspiro al formoriĉeco kaj "elasto" venkis en Esperanto.

Reen al la supro