Kwa maudhui
Kujibu

Ĉu vi iam havis Esperantan krizon,

ya Solulo, 14 Oktoba 2011

Ujumbe: 41

Lugha: Esperanto

mihxil (Wasifu wa mtumiaji) 15 Oktoba 2011 9:20:10 asubuhi

Solulo:Ĉu vi iam havis Esperantan krizon
Senĉese.

Solulo:Nur la majstro Zamenhof estis perfekta.
Jen unu el la kialoj.

Solulo:rideto.gif
Ah, feliĉe.

maratonisto (Wasifu wa mtumiaji) 15 Oktoba 2011 9:59:38 asubuhi

Ne ni, esperantistoj, havas kulpon. La mondo estas stulta.
La Eŭropa komunumo elspezas 350 miliardojn da eŭroj ĉiujare por instrui la anglan. Por Esperanto sufiĉus 70-100 miliardoj ĉiujare. Nun kalkulu, kiom da monoj povus havi ĉiu:

250 (350-100) miliardoj / 500 milionoj loĝantoj = 500 eŭroj jare povus ŝpari ĉiu (!) eŭropano.

Solulo (Wasifu wa mtumiaji) 15 Oktoba 2011 3:51:41 alasiri

Kaj kiom da mono oni elspezas ĉiujare por tradukistoj kaj interpretistoj dum kongresoj, konferencoj, politikaj kontaktoj ktp, mondskale?
Ĉu ĉi tio ne povas kaŭzi ĉe ni ian lingvan deprimon? Vera malbeno de la Turo de Babel.

dobri (Wasifu wa mtumiaji) 16 Oktoba 2011 4:52:09 alasiri

Neniam mi havis E-krizon kaj eĉ venonte mi ne havos ĝin. Per la aliaj lingvoj mi kelkfoje DEVAS paroli, sed per Esperanto mi POVAS!
Plu mi opinias tion amuza!

Altebrilas (Wasifu wa mtumiaji) 16 Oktoba 2011 5:14:12 alasiri

Mi ne havis "krizojn", sed en iuj periodoj, mi malpli aktivis ol en aliaj. Tio dependas de la ĉirkaŭaĵo. Kiam mi havas okazon partopreni al iu afero interesa kaj alloga (renkonto, kongreso, spektaklo, ktp), mia entuziasmo revigliĝas. Estas kiel la vetero: post la pluvo, la suno. Sed mi ne malesperas kiam pluvas, mi nur atendas la revenon de la suno.

Chainy (Wasifu wa mtumiaji) 16 Oktoba 2011 9:04:57 alasiri

Solulo:kaj volis forlasi la ideon, lingvon, tuton, resulte de seniluziĝo, laciĝo ktp.
Mi nur havas dubojn pri mia partopreno en Esperantujo, kiam mi renkontas homojn kiel vin kaj viajn amikojn barat kaj Targanook.

Vi insistas plendaĉi tuttempe pri la angla lingvo kaj eĉ pri ĝiaj denaskaj parolantoj. Mi ne komprenas kial, laŭ vi, devas esti 'ili' (anglaparolantoj) kontraŭ 'ni' (ĉiuj ceteraj).

Solulo:Kiamaniere vi venkis ĉi tiun senton?
Mi provas esperi, ke homoj kiel vi reprezentas nur tre malgrandan elcenton de Esperantistoj. Sed bedaŭrinde mi ne certas pri tio.

targanook (Wasifu wa mtumiaji) 16 Oktoba 2011 9:35:28 alasiri

Chainy:
Solulo:kaj volis forlasi la ideon, lingvon, tuton, resulte de seniluziĝo, laciĝo ktp.
Mi nur havas dubojn pri mia partopreno en Esperantujo, kiam mi renkontas homojn kiel vin kaj viajn polajn amikojn barat kaj Targanook.

Vi insistas plendaĉi tuttempe pri la angla lingvo kaj eĉ pri ĝiaj denaskaj parolantoj. Mi ne komprenas, kial laŭ vi devas esti 'ili' (anglaparolantoj) kontraŭ 'ni' (ĉiuj ceteraj).

Solulo:Kiamaniere vi venkis ĉi tiun senton?
Mi provas esperi, ke homoj kiel vi reprezentas nur tre malgrandan elcenton de Esperantistoj. Sed bedaŭrinde mi ne certas pri tio.
Kara, estimata, saĝa Chainy. Haltu vian batalon kun ni. Tiu fadeno temas pri la krizo en uzado/lernado de Esperanto. Ne pri viaj rilatoj al ceteraj uzantoj de tiu ĉi forumo. Mi amas vin, same Barat kaj Solulo. Do ne plendaĉu, amu nin. Ni estu fratoj, ne malamikoj.

Chainy (Wasifu wa mtumiaji) 16 Oktoba 2011 9:55:08 alasiri

targanook:Tiu fadeno temas pri la krizo en uzado/lernado de Esperanto. Ne pri viaj rilatoj al ceteraj uzantoj de tiu ĉi forumo.
Laŭ la vortoj de Solulo mem, ĉi tiu fadeno temas pri tio, ĉu ni iam "volis forlasi la ideon, lingvon, tuton, resulte de seniluziĝo, laciĝo ktp.".

Vi, Solulo kaj barat tre bone donas al mi multe da kialoj por seniluziiĝo kaj laciĝo ktp, do mia komento estis tute laŭ la temo.

targanook:Mi amas vin, same Barat kaj Solulo. Do ne plendaĉu, amu nin. Ni estu fratoj, ne malamikoj.
Nu ĉio dependas de via estonta konduto. Ni vidos.

targanook (Wasifu wa mtumiaji) 16 Oktoba 2011 10:00:22 alasiri

Chainy:Vi, Solulo kaj barat tre bone donas al mi multe da kialoj por seniluziiĝo kaj laciĝo ktp, do mia respondo estis tute laŭ la temo.
Sed imagu, ke tio estas reciproka. Ne kontraŭbatalu malbonon per alia malbono. Tio nur kondukas al la ekscito de la konflikto. Kaj neniu el ni vere tion volas.

targanook (Wasifu wa mtumiaji) 16 Oktoba 2011 10:07:06 alasiri

Kaj returnante al la temo. Mi ne havis esperantan krizon. Mi lernas tiun ĉi lingvon tro mallonge (nur ses monatojn) por havi iun krizon. La lingvo estas tre simpla, tamen tre potenca. Mi povas facile esprimiĝi esperante - tian liberecon mi havas en neniu alia fremda lingvo.

Kurudi juu