Към съдържанието
Отговор

Kiom da fojoj estas pli facile Esperanto ol la angla?

от Francisko1, 29 октомври 2011

Съобщения: 42

Език: Esperanto

Paulinho (Покажи профила) 30 октомври 2011, 18:37:57

Lerni estas kunvivi. En tia senco la angla estas pli facila, kial ni estas ĉiutage inundataj per tunoj da informaĵoj en la angla. Sed esperante oni legas selekte... Post tio la lingvo faciliĝas iom post iome.

Lom (Покажи профила) 31 октомври 2011, 00:15:44

Ĉu pli ol 9000? ^^

antoniomoya (Покажи профила) 01 ноември 2011, 19:38:53

Mi ne scias kiomfoje Esperanto estas pli facila ol la angla. Mi nur povas rakonti mian personan sperton: Dum multaj jaroj, mi studis kaj legis la anglan, sed neniam kapablis formi frazojn kiel tiuj ĉi kiujn vi legas tiumomente en Esperanto.

Do, por mi evidentiĝas ke E-o estas plurfoje pli facila ol la angla.

Amike.

Altebrilas (Покажи профила) 01 ноември 2011, 20:26:36

Mi de longtempe legadas en la esperanta gazetaro ke ekzistas studaĵo de Dro Franck en la universitato de Paderborn, kiu asertas, ke 1500 horoj necesas al franco por lerni la anglan, 2000 por la germanan, kaj nur 150 por esperanton.

Do, laŭ tiu studaĵo, esperanto estas 10 foje pli facila ol la la angla (almenaŭ por franco).rideto.gif

Sed bedaŭrinde mi ne trovis la tekston de tiu studaĵo. Ĉu iu scias, kie ĝi estas trovebla? ploro.gif

darkweasel (Покажи профила) 01 ноември 2011, 21:46:23

Altebrilas:Mi de longtempe legadas en la esperanta gazetaro ke ekzistas studaĵo de Dro Franck en la universitato de Paderborn, kiu asertas, ke 1500 horoj necesas al franco por lerni la anglan, 2000 por la germanan, kaj nur 150 por esperanton.

Do, laŭ tiu studaĵo, esperanto estas 10 foje pli facila ol la la angla (almenaŭ por franco).rideto.gif

Sed bedaŭrinde mi ne trovis la tekston de tiu studaĵo. Ĉu iu scias, kie ĝi estas trovebla? ploro.gif
Tio almenaŭ menciiĝas tie ĉi: L’enseignement des langues étrangères comme politique publique

EdRobertson (Покажи профила) 02 ноември 2011, 17:49:14

La eblecoj listigitaj estas ridindaj.

La angla, kiel ĉiu alia lingvo, ne estas pli ol 5- ĝis 10-oble pli malfacila ol Esperanto.

Notu: la ĝusta afikso kiun vi bezonas ĉi-kontekste estas -oble, ne -foje.

Bonvolu lerni Esperanton antaŭ ol fanfaroni pri ĝia facileco.

Propaganda hiperbolo simple igas nian proponon aspekti kiel la babilaĵo de idiotoj.

maratonisto (Покажи профила) 02 ноември 2011, 19:43:50

EdRobertson:Propaganda hiperbolo simple igas nian proponon aspekti kiel la babilaĵo de idiotoj.
Mi konsentas.

Francisko1 (Покажи профила) 03 ноември 2011, 12:01:50

Dankon pro via kunlaboro por ĉi tiu interesa enketo.

Altebrilas (Покажи профила) 03 ноември 2011, 12:32:49

darkweasel:
Tio almenaŭ menciiĝas tie ĉi: L’enseignement des langues étrangères comme politique publique
Tiu ligilo kondukas al Raporto GRIN, kiu citas B. Flochon:
Flochon, Bruno, 2000 : « L'espéranto », in Gauthier, Guy (ed.) Langues: une guerre à mort, Panoramiques. 4e trim. 48: 89-95.
Sed mi ŝatus konsulti la originalan dokumenton de la Universitato de Paderborn

Francisko1 (Покажи профила) 05 ноември 2011, 18:31:30

Do, poiome ni atingas la konkludon ke Esperanto estas inkluzive pli facila ol ni kredis en la komenco. Dankon pro via kunlaboro.

Обратно нагоре