K vsebini
Odgovori

Denaskuloj

od Altebrilas, 02. november 2011

Sporočila: 28

Jezik: Esperanto

Scratch (Prikaži profil) 01. december 2011 03:01:17

robbkvasnak:Interese ke la denaskuloj faris erarojn kun la -n finaĵo. Mi naskiĝis en Usono sed mia unua lingvo estas la germana. Kiel infano mi faris erarojn kun la akuzativo en la germana kaj nur lernis uzi ĝin korekte kiam mi vizitis kursojn de la germana. Eble tiuj denaskuloj ne havis formalan edukadon en Esperanto.
Eble Esperanto ne povas halti la evoluon de lingvo. Jen ligilo kun esploro pri denaskuloj -- http://www.icsi.berkeley.edu/~bbergen/NEJCL.pdf

Niamondo (Prikaži profil) 01. december 2011 15:43:24

Iu povus traduki unu parto el la dokumento, bonvole?

"But were NE to become the norm taught to children, we would expect the accusative to disappear, as well as for dialects to emerge, as there would be extreme variation in its use. In other words, it would behave as naturally as any other native language, artifical or not."

Tradukilo ne povis bone traduki malgajo.gif

darkweasel (Prikaži profil) 01. december 2011 16:27:20

Niamondo:Iu povus traduki unu parto el la dokumento, bonvole?

"But were NE to become the norm taught to children, we would expect the accusative to disappear, as well as for dialects to emerge, as there would be extreme variation in its use. In other words, it would behave as naturally as any other native language, artifical or not."

Tradukilo ne povis bone traduki malgajo.gif
"Sed se denaska Esperanto fariĝus la normo instruata al infanoj, ni atendus, ke la akuzativo malaperos, kaj ke dialektoj aperos, ĉar estus ekstrema variado en ĝia uzo. Alivorte, ĝi kondutus same kiel ĉiu alia denaska lingvo, ĉu artefarita aŭ ne."

sergejm (Prikaži profil) 01. december 2011 16:27:43

Niamondo:"But were NE to become the norm taught to children, we would expect the accusative to disappear, as well as for dialects to emerge, as there would be extreme variation in its use. In other words, it would behave as naturally as any other native language, artifical or not."
Se denaskula Esperanto iĝus la normo instruata al infanoj, ni espektus malaperon de akuzativo, same aperon de dialektoj kaj ekstremajn variojn en ĝia uzado. Alivorte, ĝi [Esperanto] kondutos same nature kiel aliaj lingvoj lernataj denaske, negrave ĉu artefaritaj aŭ ne.

sudanglo (Prikaži profil) 01. december 2011 23:20:35

Ĝusta traduko: Mi estas lingvisto kaj tial kredas min kvalifikita por (tute sen pruvo) edikti pri Esperanto sen ajna kompreno pri la stabiligaj fortoj kiuj venas de ĝia destinita rolo, asociitaj valoroj kaj artefarita naturo.

(Ali-vorte, mi konas lingvojn, Esperanto estas lingvo, ĝi devas esti samkiel naturaj lingvoj, tial mi komprenas kiel Esperanto devas konduti. Mi komprenas ĉion kaj vi Esperantistoj nenion.)

Matthieu (Prikaži profil) 02. december 2011 00:15:02

Scratch:Eble Esperanto ne povas halti la evoluon de lingvo. Jen ligilo kun esploro pri denaskuloj -- http://www.icsi.berkeley.edu/~bbergen/NEJCL.pdf
Ĉi tiu esploro estas stranga — mi konas plurajn denaskulojn kaj mi rimarkis nenion nekutiman kun ilia akuzativo.

sudanglo (Prikaži profil) 02. december 2011 11:35:27

Kiel stulta estas tiu komento de la alt-estimata lingvisto.

Metante flanken ĉu oni povas konkludi ion ajn el la eraroj de manpleno da infanoj kiuj spertis la malbon-sorton esti naskitaj en Esperantistan familion, oni rajtas demandi en kia mondo oni instruus al infanoj la fuŝ-Esperanton de aliaj infanoj.

Ne en iu realisme imagebla mondo!

Cetere, antaŭ ol tiri konkludojn, necesus ekzameni la kontrol-kondiĉon rilate aliajn lingvojn, kiujn nur sporade aŭdas la infano.

Eble infano (loĝanta en Francujo) de rusa patro kaj franca virino, parolus fuŝan varion de la rusa, se tiu infano nur de tempo al tempo estus alparolata en la rusa far la patro.

Neniu infano parolas korekte ekde la unua tago, kaj la tempo necesa por mastri tiun aŭ alian trajton de iu lingvo varias.

Ĉi-rilate estas interesi noti la komenton de Robb pri ne-mastrado de la akuzativo de la Germana dum infanaĝo.

Altebrilas (Prikaži profil) 02. december 2011 13:43:53

Tio estas interesa. Tio ŝajnas konfirmi la teoriojn de Chomsky, ke la infano lernas la "parametrojn" de sia gepatra lingvo.

Se via hipotezo estas vera, oni povas pensi ke aŭdante paroli lingvon kun ordo SVO po pli ol 95%, eble la infano preteratentas akuzativon kaj forgesas ĝis, aŭ mismetas ĝin post ĉion, kio aperas post la verbo sen prepozicio.

robbkvasnak (Prikaži profil) 02. december 2011 15:00:39

Mi devas aldoni al mia mesaĝo, ke mi nun tute korekte uzas la akuzativon en la germana. Mi opinias ke tiu konsciiĝo pri korekta uzo de la akuzativo influas ankaŭ mian uzon de la akuzativo en Esperanto.

sudanglo (Prikaži profil) 02. december 2011 20:10:52

Altebrilas, kio, precize, konfirmas la teoriojn de Chomsky?

Nazaj na začetek