Al la enhavo
Respondi

utilaj frazoj

de Dorinha, 2011-novembro-25

Mesaĝoj: 31

Lingvo: Esperanto

Dorinha (Montri la profilon) 2011-novembro-25 00:26:46

Saluton
Mi ĵus legi la frazon en ĉipaĝo: Kio estas via nomo? Ĉu tiu frazo estas ĝusta? Ŝajnas al mi ke ne...mi pensas ke la ĝusta frazo estas: Kiu estas via nomo?

Chainy (Montri la profilon) 2011-novembro-25 00:59:57

Dorinha:Kio estas via nomo? Ĉu tiu frazo estas ĝusta?
jes, ĝi estas ĝusta.

Chainy (Montri la profilon) 2011-novembro-25 01:04:01

Dorinha: Kiu estas via nomo?
"Kiu el ĉi tiuj dek nomoj estas la via?"

Oni jam multfoje diskutis ĉi tiun temon en la Lernu-forumo. Vi certe trovos ion per la Guglo-serĉilo.

Chainy (Montri la profilon) 2011-novembro-25 01:16:11

Vidu ĉi tiun paĝon: Kio aŭ Kiu?

Sahaquiel (Montri la profilon) 2011-novembro-25 02:23:06

Estas ĝusta, sed per kiu ankaŭ estas ĝusta mi pensas.

antoniomoya (Montri la profilon) 2011-novembro-25 07:50:15

Estas interesa la klarigo de Bertilo (dankon, Chainy).

Miaflanke, mi preferas diri "kiu estas via nomo", aŭ prefere "kiel vi nomiĝas"?

Amike.

sudanglo (Montri la profilon) 2011-novembro-25 10:04:56

Vi marŝas en la strato kun amiko. Vi gestas kaj demandas 'Kiu estas via aŭto'. 'Tiu tie, la ruĝa' respondas la amiko.

Vi scivolas pri la marko de aŭto de via amiko. 'Kio ĝi estas?' - 'Ĝi estas Ford Fiesta dizela', venas la respondo.

La diferenco estas klara, ĉu ne?

Cetere, mi neniam aŭdis Esperantiston respondi al 'Kio estas via nomo' per 'Ĝi estas tio, per kio mi nomas min'

marcuscf (Montri la profilon) 2011-novembro-25 10:53:10

Oni ne forgesu ke "kiu" ankaŭ estas ĝusta (kaj laŭ mi preferinda)

Dorinha (Montri la profilon) 2011-novembro-25 10:53:59

Ni tre dankas al ĉiuj pro la gramatika klarigo...sed mi preferas uzi Kiu estas via nomo, ĉar mi volas scii unu specifan nomon (vian nomon)el ĉiuj ekzistantaj en la mondo.

sudanglo (Montri la profilon) 2011-novembro-25 11:37:55

Oni prefere limigu 'kiu estas', por konservi kontraston kun 'kio estas'.

Kiu estas via numero? La dua en la listo.

Kio estas via numero? 41234.

Reen al la supro