Skip to the content
Reply

Ĉu vi enuas je ..

by sudanglo, December 16, 2011

Messages: 39

Language: Esperanto

sudanglo (User's profile) December 16, 2011, 10:53:46 AM

Ĉu vi enuas je la diskutoj en la Forumoj pri 'plibonigoj' aŭ 'reformoj' de Esperanto fare de komencantoj?

Kaj ankaŭ, ĉu tedas vin la stranguloj kiuj volas diskutigi pri iu ŝatata planlingva projekto en Forumoj dediĉitaj al tiuj kiuj volas lerni Esperanton?

AlfRoland (User's profile) December 16, 2011, 10:55:54 AM

sudanglo:Ĉu vi enuas je la diskutoj en la Forumoj pri 'plibonigoj' aŭ 'reformoj' de Esperanto fare de komencantoj?

Kaj ankaŭ, ĉu tedas vin la stranguloj kiuj volas diskutigi pri iu ŝatata planlingva projekto en Forumoj dediĉitaj al tiuj kiuj volas lerni Esperanton?
JES!

Greedn (User's profile) December 16, 2011, 11:16:22 AM

..kaj je rakontoj pri morto de Eo aŭ ke Eo estas faŝista lingvo

hebda999 (User's profile) December 16, 2011, 11:34:11 AM

La problemo estas pli profunda - ĉar Esperanto ne apartenas al iu nacio, oni penasas, ke ĝi povas esti reformita, ke ĝi mankas ion. Certe tiu vidpunkto estas erara - la plimulto da esperantistaro ne permesos tiujn ĉi reformaĉojn de la komencantoj.

mallumcavio (User's profile) December 16, 2011, 1:58:44 PM

Tute jes. Mi ja enuas pri tio.

Mi opinias, ke estas normale, ke kiam oni komencas aŭ progresas, oni trovas ŝajnajn malperfektaĵojn de la lingvo. Tio okazas ĉar oni ne komprenas la lingvon kaj ĝian filozofion plenplene. Ni klarigu tion al la komencantoj.

Verŝajne kelkaj lernantoj ne volas lerni Esperanton, ili volas esti kvazaŭ Zamenhofaj geherooj, la plibonigontoj de la lingvo.

Ni, la lernantoj, komprenu ke "lernu!" estas por lerni, ne por famosiĝi.

(Korektaĵoj estas bonvenaj)

darkweasel (User's profile) December 16, 2011, 2:35:25 PM

sudanglo:Ĉu vi enuas je la diskutoj en la Forumoj pri 'plibonigoj' aŭ 'reformoj' de Esperanto fare de komencantoj?
jes.

kontraŭe diskutoj pri aliaj planlingvoj min tute ne ĝenas, se ili okazas en la ĝusta loko.

sudanglo (User's profile) December 16, 2011, 3:01:58 PM

Precize! En la ĝusta loko

darkweasel (User's profile) December 16, 2011, 3:03:59 PM

sudanglo:Precize! En la ĝusta loko
= la forumparto "pri aliaj lingvoj".

tommjames (User's profile) December 16, 2011, 3:25:48 PM

Jes dirus ankaŭ mi se mi plu legadus tiajn senutilajn diskutojn. Sed mi lernis aŭtomate preterrigardi ilin, do de ili mi ne plu enuiĝas, dankinde.

Eble mi estas nur mensfermita konservemulo, sed nuntempe pli ĝenas min tiuj kiuj emas paroli kaj antaŭenigi sian propran specon de Esperanto, kun dubinda uzo de nekutimaj vortoj/esprimoj, en ia vana klopodo porti pli da "logiko" al la lingvo. Esperanto jam funkcias tutsufiĉe bone de pli ol 100 jaroj. Estas vante trudi siajn personajn preferojn al lingvo kiu havas siajn proprajn evoluintajn normojn kaj karakteron. Bedaŭrinde faras tion ofte spertuloj, ne nur komencantoj, do estas iom malpli facile (kaj pli tede) refuti la kondutaĉon.

Sed mi ne pensas ke parolado pri aliaj lingvoj estas necese stranga en esperantejo, kvankam tio estas sendube en la malĝusta loko. Nek mi volus nomi certajn personojn strangaj, eĉ se tion mi iam konkludas. rideto.gif

mihxil (User's profile) December 16, 2011, 4:12:39 PM

sudanglo:Ĉu vi enuas je la diskutoj en la Forumoj pri 'plibonigoj' aŭ 'reformoj' de Esperanto fare de komencantoj?
Ne.

sudanglo:Kaj ankaŭ, ĉu tedas vin la stranguloj kiuj volas diskutigi pri iu ŝatata planlingva projekto en Forumoj dediĉitaj al tiuj kiuj volas lerni Esperanton?
Nek.

Mi pensas ke estas laŭdinde ke oni klopodas rigardi sian novan hobion iom kritike. Ja, foje estas iom naive, kaj tio eble iomete ĝenas, sed baze mi ne kontraŭas ke komencantoj iomete cerbumas ĉu ĉio ja vere estas tiom perfekte kiel kelkaj sugestus.

Back to the top