Mi subite ekdeziris lerni E2 kaj ididon

neniun planlingvon

Ekzistas iu planlingvo por ĝermanlingvanoj - nur hobie interesus min lerni iom da ĝi ĉar helpus eble al mi kun la konstruo de novaj esprimoj en la germana, mia gepatra lingvo.

robbkvasnak:Ekzistas iu planlingvo por ĝermanlingvanoj - nur hobie interesus min lerni iom da ĝi ĉar helpus eble al mi kun la konstruo de novaj esprimoj en la germana, mia gepatra lingvo.

Ekzistas diversaj da tiaj. La Folksprak-projekto estas provanta krei unuigitan version nuntempe.

Mi lernis iom da Ido antaŭ mi komecis la esperanta. Mi pli ŝatas la esperantan.

Mi povas legi la Interlingua.

Post mi lernis Esperanton, mi studis la Sonan lingvon. Mi ŝatas ĝin pro la simpleco, kaj mi ne elektis la simplan lingvon Tokiponon ĉar mi sentas ke ĝi ne estas kompleta lingvo. Sed pro la malaktiveco, mi ne jam sukcesis lerni ĝin pro la mankego de materialoj.

Min interesas Interlingvao pro la aserto ke se oni scipovas ĝin, oni povus kompreni la aliajn latinidajn lingvojn. Sed Interlingvao estas pli natura ol Esperanto, do pli malfacilas lerni ĝin. Pro tiu kaj ankaŭ pro la manko de aktiveco, mi ne jam sukcesis lerni ĝin.

Post tiuj planlingvoj, mi ekstudis Loĵbanon. Ĝi koniĝas kiel malfacila lingvo ĉar ĝi estas logika lingvo kiu estas tre malsimila ol la naturaj lingvoj kiujn ni konas.

Post mi finlernis Esperanton ĝis B1 nivelo, mi komencis lerni planlingvon Neo de Arturo Alfandari. Al mi ŝajnas ĝi estas tre interesa kaj bela lingvo, bedaŭrinde preskŭ forgesita.

Eĉ la Esperanta kurso de Neo estas havebla en la Internet!

Alia Tokiponano ĉi tie Mi lernis Tokiponon ĉar oni diris, ke oni povus lerni ĝin en unu tago, do mi pensis, kial ne provi? Sed por mi efektive necesis multe pli ol unu tago, haha! Estis malfacile memori vortojn kiel "kala", "sewi", "utala", ktp kiuj ne similis al vortoj kiujn mi jam konis. Kaj post kiam mi lernis la vortojn kaj gramatikon, necesis eĉ pli da tempo por kutimiĝi al la esprim-maniero, kiu tre malsamas de tio de lingvoj kun multege da vortoj. Sed, nun mi estas membro de Fejsbuka grupo en kiu oni parolas nur Tokiponon, kaj ni sukcesas komuniki sufiĉe bone . Kvankam necesis pli ol unu tago, certe estis malpli da tempo, ol necesis por plene lerni alian lingvon!

Mi eklernis Loĵbanon ĉar oni diris, ke ĝi estas tre regula kaj logika, kaj reguleco kaj logikeco plaĉas al mi. Ĝi estas, laŭ mia sperto, pli malfacila ol Esperanto, iufoje ĉar logiko ne ĉiam estas tute intuicia, alifoje ĉar estas malfacile memori la "loka strukturo" de la radikvortoj, ekzemple "klama", "x1 iras al x2 disde x3 laŭ vojo x4 per veturilo x5" (fakte mi devis rigardi vortaron ĝuste nun por tajpi tion), precipe en konversacio, kaj iufoje simple pro la simileco de la vortoj, ekzemple "barja" (trinkejo) kt. "bajra" (kuras), "ki'u" (ĉar) kt. "ku'i" (sed tamen), "ratcu" (rato) kt. "ractu" (kuniklo), ktp. Do, por mi nun, Loĵbano pli bone funkcias kiel mensa ekzerco, ol komunikilo. Tamen ĝi estas tre interesa mensa ekzerco, kaj plaĉas al mi . Almenaŭ, ĝi plaĉas al mi kiam mi ignoras la reformulojn.

Mi eklernis la Klingonan, ĉar oni diris "do, simila al la Klingona?" ĉiam, kiam mi provis klarigi, kio estas Esperanto. Do mi volis scii, kia estas tiu Klingona pri kiu oni tiom parolas. Do kvankam mi ne spektas Star Trek (mi tre malmulte spektas filmojn ĝenerale, kaj preskaŭ neniam televidon), mi scias iomete la Klingonan lingvon, ekzemple mi povas diri "mi estas terano, sed mi lernas la Klingonan lingvon" (tera'ngan jIH, 'ach tlhIngan Hol vIghoj). Tre profunda diraĵo, ĉu ne?

Interesas min Volapuko, ĉar ĝi tre interese aspektas, sed verŝajne mi neniam vere lernos ĝin. Mi ŝatus lerni Solresolon, ĉar la ideo de lingvo bazita sur muziko tre interesas min, sed estas ege malfacile trovi lernilojn en la angla aŭ Esperanto, kaj mi ne scipovas la francan .

Ivan Titkov:Post mi finlernis Esperanton ĝis B1 nivelo, mi komencis lerni planlingvon Neo de Arturo Alfandari. Al mi ŝajnas ĝi estas tre interesa kaj bela lingvo, bedaŭrinde preskŭ forgesita.

Eĉ la Esperanta kurso de Neo estas havebla en la Internet!

Tre interese, sed kie troviĝas vortaro?

Amikoj de Neo:La lernanto, kiu trastudis ĉi tiun koncizan kurson, kapablos skribi kion ajn en Neo helpe de la vortaro.

Christa627:
Tre interese, sed kie troviĝas vortaro?

Oni povas elŝuti la librojn en la branĉo "Rapid korso". Ili enhavas la vortarojn Anglan, Francan, Germanan kaj Hispanan.

http://amikos-de-neo.blogspot.com/p/vita-kurso.htm...

Krom, vi povas uzi retan anglan vortaron.

https://sites.google.com/site/amikosdeneo/dixonar