본문으로

Forpasis lingvohelpanto rdmiller3

글쓴이: erinja, 2012년 3월 3일

글: 12

언어: Esperanto

erinja (프로필 보기) 2012년 3월 3일 오전 11:40:12

Kun bedaŭro, mi informas ke ĉi-matene mi ricevis novaĵon ke subite forpasis lernu-lingvohelpanto rdmiller3, alinome Rik', ĉe sia hejmo en Muskego, Viskonsino, Usono.

Rik' estis grava parto de nia lernu-komunumo; diligenta lingvohelpanto kaj tre bona persono. Li certe mankos al ni.

Mi ricevis la mesaĝon pri lia forpaso de lia familiano, kiu donis ankaŭ retpoŝt-adreson. Se iu havas mesaĝon por sendi al la familio, bv. kontakti min kaj mi donos al vi tiun adreson. Kredeble ili aprezus aŭdi ion de liaj eksaj lernantoj ĉe lernu.

Chainy (프로필 보기) 2012년 3월 3일 오후 12:49:00

Tio estas tre trista novaĵo. Mi memoras, ke Rik' ofte helpis min kiam mi komencis lerni Esperanton ĉe tiu ĉi paĝaro. Mi estas tre dankema al li pro tio.

La forpaso de Rik' ankaŭ estas al mi tute neatendita, ĉar li havis, laŭ lia profilo, nur 45 jarojn.

Dum mia partoprenado ĉe tiu ĉi paĝaro, Rik' ĝenerale ne ofte skribis en la forumo, sed li certe multege kontribuis kiel lingvohelpanto - mi ofte vidis lian nomon en la lingvohelpantejo. Mi konsentas, ke li tre mankos al ni.

Fotinka (프로필 보기) 2012년 3월 3일 오후 1:13:12

Mi tre bedaŭras.

erinja (프로필 보기) 2012년 3월 3일 오후 1:38:13

Chainy:La forpaso de Rik' ankaŭ estas al mi tute neatendita, ĉar li havis, laŭ lia profilo, nur 45 jarojn.
Ŝajnas ke estis neatendite ankaŭ al lia familio. Granda ŝoko ankaŭ al ili. Li estis sola patro de kvar infanoj, do vere ĉi tio portos nekredeble grandan malfacilaĵon al lia familio.

Chainy (프로필 보기) 2012년 3월 3일 오후 2:24:32

Mi vidas, ke Rik' sendis mesaĝon kiel lingvohelpanto antaŭ nur kelke da tagoj - nome mardon.

Erinja, ĉu vi scias, kio kaŭzis, ke li tiel subite forpasis? Estas vere tre ŝoka novaĵo.

Tjeri (프로필 보기) 2012년 3월 3일 오후 2:24:57

Mi bedaŭras, kaj kondolencas.
Mi metis mesaĝon en lian salutpaĝon ĉe Ipernity:
http://www.ipernity.com/home/rdmiller3

erinja (프로필 보기) 2012년 3월 3일 오후 5:14:25

Chainy:Erinja, ĉu vi scias, kio kaŭzis, ke li tiel subite forpasis? Estas vere tre ŝoka novaĵo.
Mi tute ne scias, mi ne demandis al la familio. Mi povus demandi sed mi iel hezitis demandi; finfine, ili povus vidi tion kiel privatan aferon, kaj iusence apenaŭ gravas, ĉar scii la precizan problemon bedaŭrinde neniel povus revivigi lin.

Desit1 (프로필 보기) 2012년 3월 3일 오후 6:31:19

Malgrandiĝas la movado ploro.gif
Miaj kondolecoj al la familio kaj aliaj eksaj lernantoj.

erinja (프로필 보기) 2012년 3월 5일 오전 7:54:34

Chainy:Erinja, ĉu vi scias, kio kaŭzis, ke li tiel subite forpasis? Estas vere tre ŝoka novaĵo.
Mi hieraŭ ricevis informon de lia familio ke li mortis pro grandega koratako, pro kompleta kolesterola blokiĝo de lia maldekstra vejno.

Epovikipedio (프로필 보기) 2012년 3월 8일 오후 1:25:59

Tute miaj kondoleancoj.

Li partoprenis ĉe Esperanta Wikipedia.

다시 위로