Substrato slava en Esperanto
de oneironaŭto, 2012-marto-20
Mesaĝoj: 19
Lingvo: Esperanto
oneironaŭto (Montri la profilon) 2012-marto-20 09:11:19
La Esperanto naskiĝis en Eŭropo orienta. Ĝia sintakso, multe da punkoj gramatikaj kaj dirmanieroj, la stilo la plej kutima atestas efektive de iu grava substrato slava. (Langue occidentale, l'espéranto?)Post tio li donas ekzemplon ke la sufikso -ar havas originojn slavajn. Ekzemple en rusan, vorto = slovo, kaj, vortaro = slovar.
Mi trovas ĝin tre interesa sed mi estas komencanto en Esperanto kaj ne scias multe de slavlingvoj. Kio pensas vi? Ĉu vi pensas ke estas vere?
sudanglo (Montri la profilon) 2012-marto-20 09:42:08
Sed 'strato' estas vojo. Oni povas loĝi substrate, sed mi dubas ke lingvo povus havi substraton. Estas malofta vorto 'stratumo' kiu havas la sencon de tavolo.
oneironaŭto (Montri la profilon) 2012-marto-20 11:04:02
N-true (Montri la profilon) 2012-marto-21 11:54:46
Mi ja komprenas, kion la aŭtoro celas, sed tamen ne ŝatas la esprimon en tiu ĉi kunteksto. Esperanto ja ne kreskiĝis el lingvokontakto, kie iu malforta (aŭ malfortigita) lingvo influis iomete iun pli grandan, sed estis verkita de aŭtoro, kiu ankaŭ uzis slavajn fontojn en sia kreaĵo.
Do, dependas de la ekzaktan difinon, kiu Piron alprenis por validigi sian esprimon "substrato" en sia kazo. Povas taŭgi, sed kutime oni ja uzas ĝin por aliaj fenomenoj de la lingva kontakto.
N-true (Montri la profilon) 2012-marto-21 12:02:07
sudanglo:sed mi dubas ke lingvo povus havi substraton.Ĝi povas havi. Ekzemple, la angla havas sufiĉe fortan latinan kaj francan substraton. Kutime, kreolaj lingvoj havas kelkajn substratojn. La superstrato de Tok Pisin, ekzemple, estas klare la angla, dum la substratoj estas ekz. la germana, la aŭstronezaj lingvoj kaj la portugala, se mi ne eraras. Eble ankaŭ kelkaj papua-novgvineaj lingvoj...
Esperanto ja iomete similas al artefarita kreola lingvo, do... nu, depende de la difino, "substrato" povus ankaŭ taŭgi por Esperanto.
sudanglo (Montri la profilon) 2012-marto-21 15:38:52
Chainy (Montri la profilon) 2012-marto-21 19:11:21
ReVo donas jenan ekzemplon pri 'subtavolo':
la plej influa subtavola lingvo estas kutime la lingvo parolata kun la samklasanoj kaj kunludantoj dum la jaroj lernejajEble iu povus diri, kiam 'substrat/o' pli taŭgas, sed mi mem ne certas...
Chainy (Montri la profilon) 2012-marto-21 19:17:12
Chainy (Montri la profilon) 2012-marto-21 19:34:52
Komputeko sugestas 'maletendi' por 'collapse', sed tio ial ne plaĉis al mi, precipe la formo 'maletendebla'. Do, mi serĉis, kiel oni tion tradukis en la rusan. Oni uzis la vorton 'сворачивать', tio estas 'kunvolvi', kiu ŝajnas al mi tre taŭga vorto. Do, mi decidis uzi 'kunvolvebla kategorio'.
sudanglo (Montri la profilon) 2012-marto-21 21:52:34
Kaj vi pravas Chainy ke 'substrat' estas registrita en NPIV kiel radiko. Sed kiam mi vidis 'substrato', mi tuj pensis pri sub-strato.
Kiam oni parolas pri lingvo estus pli kompreneble, paroli pri bazo au fundamento.
Mi konsentas N-true ke la metaforo ne ŝajnas taŭga rilate Esperanton. Historie, ne estis pra-formo de la lingvo, kiu estis slaveca, kaj al kiu aldoniĝis trajtoj de aliaj lingvoj.
Cetere, por mi, ne konante slavajn lingvojn, Esperanto ŝajnas franceca.