Al la enhavo
Respondi

Anglemuloj invadante liberajn spacojn

de Paquillo, 2012-majo-01

Mesaĝoj: 16

Lingvo: Esperanto

Paquillo (Montri la profilon) 2012-majo-01 09:10:47

Mi povis konstati ke la defendantoj de lingvegoj kiel la ĉina, la rusa, la araba, ktp estas tre respektemaj kaj dignaj, kaj preskaŭ neniam parolas pri siaj lingvoj.
Tamen anglemulaj propagandistoj respektas neniun spacon. Ilia fanatika propagando atingas ĉiujn lokojn de la tero, ili ekz. libere uzas spacojn por paroli nur pri eo en lernu.net, kaj neniam hontas, eĉ se ili bezonas invadi landon por atingi siajn celojn.

robbkvasnak (Montri la profilon) 2012-majo-05 21:11:07

Jes, vi pravas - sed ekzistas certa elito en la mondo kiu ŝatas uzi la anglan por diri al siaj kunloĝantoj: "Rigardu ke mi povas uzi la anglan kaj vi estas ĉiuj tiom stultaj ke vi ne komprenas!" Eble antaŭ cent jaroj la franclingvemuloj agis simile.

lagtendisto (Montri la profilon) 2012-majo-05 21:36:44

Mi ne sentas minacigis de angla lingvo.

robbkvasnak (Montri la profilon) 2012-majo-05 21:55:55

Tiuj kiuj parolas denaske ĝermanan lingvon havas avantaĝon - la gramatikoj de la ĝermanaj lingvo - kaj la angla estas ĝermana lingvo - ege similas. Por la denaskaj parolantoj de aliaj lingvoj la angla estas tre malfacila lingvo. Sed eĉ la parolantoj de la germana uzas la vortojn de la angle tre mise. Mi rigardas Deutsche Welle en la germana ĉitie en Florido. Mi kaj mia edzo ofte ridas pri la uzo de anglaj vortoj en la germana en misa maniero. La trejnisto de piedpilka teamo diris pri ludo kontraŭ alia tre forta teamo "Mi ĝojas ke tiu 'highlight' (akcento) estas malantaŭ ni!" Li volis diri 'hurdle' (hurdo), mi kredas.

lagtendisto (Montri la profilon) 2012-majo-05 23:10:12

robbkvasnak:Tiuj kiuj parolas denaske ĝermanan lingvon havas avantaĝon - la gramatikoj de la ĝermanaj lingvo - kaj la angla estas ĝermana lingvo - ege similas.
Do. Jes. Tamen, la angla kaj la germana lingvo ne havas "dialektecan parencon". Ekzemple. Multaj vortoj de la nederlanda lingvo. Mi povas "kompreni laŭ supozo". Tiu ne funkcias kun angla lingvo. (Mi estas germanan denaskulon.)

robbkvasnak:Sed eĉ la parolantoj de la germana uzas la vortojn de la angle tre mise.
Mi konsentas. Kun uzo de ELF. Tiel oni ofte ne orientas laŭ la reguloj de anglaj denaskuloj.

sudanglo (Montri la profilon) 2012-majo-06 09:51:55

La vidpunkto de la ordinara anglo, se li eĉ pensas pri la afero, estas ke se fremduloj volas lerni la anglan kaj uzi ĝin kiel internacian lingvon, do tio estas ilia decido.

Cetere, pri la invado en certajn landojn lastatempe, ne ĉiuj angloj facilanime akceptis tion, kaj estis surstrataj manifestacioj kontraŭ la decidoj de la angla parlamento.

Feliĉe, tamen, nia registaro decidis resti ekster la Eŭro-zono, preferante reteni la pundon.

Mi trovas, ke vi iom troigas Paquillo.

darkweasel (Montri la profilon) 2012-majo-06 10:17:31

Al tiuj, kiuj eble legas tiun ĉi fadenon sen tiu kunteksto: Al mi ŝajnas, ke tiu ĉi fadeno estas rezulto de tio, ke en la hispanlingva forumparto de lernu! estas kelkaj fadenoj pri lernado de la angla, kaj en tiuj fadenoj Paquillo montris sian malintereson pri fadenoj pri la angla en forumo pri Esperanto.

erinja (Montri la profilon) 2012-majo-06 11:42:32

Ŝajnas al mi ke la fadeno pri la angla plejparte havas mesaĝojn kiuj parolas pri la malfacileco de la angla. Eble tio estas taŭga, por tiuj kiuj interesiĝas pri pli facila internacia lingvo (Esperanto, kompreneble). Kelkaj partoprenantoj en tiu fadeno re-direktis la atenton al Esperanto - kio estas tre bona.

Do mi ne vidas apartan problemon pri tiu fadeno, krom ekzemple la malĝentilajn mesaĝojn de Paquillo. Bonŝance la aliaj forumanoj ignoris ilin, anstataŭ respondi al ili per alia malĝentila mesaĝo.

Paquillo (Montri la profilon) 2012-majo-06 11:48:49

erinja:Ŝajnas al mi ke la fadeno pri la angla plejparte havas mesaĝojn kiuj parolas pri la malfacileco de la angla. Eble tio estas taŭga, por tiuj kiuj interesiĝas pri pli facila internacia lingvo (Esperanto, kompreneble). Kelkaj partoprenantoj en tiu fadeno re-direktis la atenton al Esperanto - kio estas tre bona.

Do mi ne vidas apartan problemon pri tiu fadeno, krom ekzemple la malĝentilajn mesaĝojn de Paquillo. Bonŝance la aliaj forumanoj ignoris ilin, anstataŭ respondi al ili per alia malĝentila mesaĝo.
ŝajnas ke mi estas nun la sola malĝentilulo de la forumo!!

Paquillo (Montri la profilon) 2012-majo-06 12:02:57

eble mi estas malĝentilulo, mi iam parolis pri eblaj malbonaj kondutoj de aliuloj, sed tamen mi neniam menciis la nomon de tiuj personoj. neniam mi atakis persone iun ajn, sed nur mi menciis ke "io" ne estas korekta.

Tamen, kiel iu hispana verkisto diris: "ke ili parolu pri vi, eĉ malbone". do, mi adoptas la saman filozofion kiun havas tiuj propagandistoj de la angla.

Reen al la supro