Skip to the content
Reply

Ĥ kontraŭ K: Kiun preferas vi ?

by Tempodivalse, June 25, 2012

Messages: 31

Language: Esperanto

Tempodivalse (User's profile) June 25, 2012, 4:25:53 AM

Relegante kelkajn el miaj malnovaj EO-lernlibroj, mi rimarkis ke la litero Ĥo uzatis neete pli ofte tiam ol en la hodiaŭa erao.

En la originala zamenhofa uzado, oni literumis aron da vortoj per Ĥo: ĥameleono, psiĥologio, orĥestro, epoĥo, ktp. Sed nun ŝajnas ke ĝi apenaŭ ekzistas.

Do, du demandoj: Kiel, precize, falis ĝi for de la kutima uzado? Kaj ankaŭ, Ĉu iu el vi ankoraŭ daŭras uzi Ĥ-on (kiel mi)? Aŭ ĉu vi kredas, ke ĝi estas superflua, nebezonata ŝarĝo en la lingvo? Mi interesiĝas ekscii viajn opiniojn.

Tjeri (User's profile) June 25, 2012, 5:08:37 AM

Ĥ estas malaperanta litero, kaj tio bonas.

黄鸡蛋 (User's profile) June 25, 2012, 6:09:14 AM

Mi ankoraŭ uzas ĥ, kaj ne opinias ke ĝi estas superflua.
K pli kaj pli anstataŭas ĝin, ĉar por multaj la prononco estas malfacila, kaj oftege ŝanĝo de ĥ al k ne kaŭzas konfuzon. Tamen mi ne sentas malfacilecon prononci ĝin.

antoniomoya (User's profile) June 25, 2012, 6:47:10 AM

Tempodivalse:Do, du demandoj: Kiel, precize, falis ĝi for de la kutima uzado? Kaj ankaŭ, Ĉu iu el vi ankoraŭ daŭras uzi Ĥ-on (kiel mi)? Aŭ ĉu vi kredas, ke ĝi estas superflua, nebezonata ŝarĝo en la lingvo? Mi interesiĝas ekscii viajn opiniojn.
Vi demandas kiel la literon ĥ falis de la kutima uzado. Mi scias nenion. Sed
mi ne bedaŭras tiun faladon ĉar, kvankam tiu liter-prononco ekzistas en la hispana (sub la sono "j" = jota), mi preferas la literon "k". Ĝi estas, ni diru, pli facil-prononcebla. Kaj ŝajnas (estas fakto) ke la ĝenerala esperantistaro opinias la samon, preferante "k" anstataŭ "ĥ".

Amike.

zan (User's profile) June 25, 2012, 8:04:29 AM

Vortoj, kiuj bezonas la literon ĥ, estas eĥo(ne ek!) kaj ĥoro(nek koro nek horo). Aliaj estas nacilingvaj vortoj: ĉeĥo(ne ĉeko),kazaĥo(kazakho?) kaj aliaj laŭokaze bezonataj nomoj...
Ili estas malmultaj, sed ne eblas tute forigi ilin.

Tjeri (User's profile) June 25, 2012, 8:56:25 AM

Vi povas uzi resonon aŭ spegulsonon kaj koruson, aŭ eĉ krei novan vorton eho...mi certas ke nek la ĉeskoj nek la kazahoj vere protestos.

vidas vandenis (User's profile) June 25, 2012, 1:50:51 PM

Mi rigardis vortaron,kaj:
Ĥakasio = Kakasio
ĥano = kano
ĥato = kato
ĥoto = koto
ĥorano = korano
ĥoro = koro
? ? ?
Se anstataŭ 'k' ni skribus 'c', kiel nemaloftaj okcidentuloj ŝatas, estos ankoraŭ pli amuze:
Cacasio, cano, cato, coto, corano, coro...
Mi pensas, se oni povas perfekte ellerni Esperantan gramatikon (inkluzive la akuzativon), prononci
'ĥ' estos nur bagatelo.
Eble iu geamiko baldaŭ proponos 'p' anstataŭ 'f'? Ĉar 'f' ankaŭ sonas ne tre bele.
Ekz.: foto = poto
fajfi = pajpi
K.t.p.

Bruso (User's profile) June 25, 2012, 2:02:38 PM

Savu la ĥ!

Unu el miaj preferataj specoj de muziko estas pibroĥo. Ne "pibroko".

Zafur (User's profile) June 25, 2012, 2:25:06 PM

Mi ŝatas la literon Ĥ. Ĥ unikigas esperanton. Ĝi ne estas pli malfacila ol R.

Epovikipedio (User's profile) June 25, 2012, 3:11:35 PM

mi preferas k, sed la litero ĥ estas endanĝerita.

Back to the top