إلى المحتويات
رد

London-aj Olimpiaj Ludoj 2012

من Demian, 11 يوليو، 2012

المشاركات: 9

لغة: Esperanto

Demian (عرض الملف الشخصي) 11 يوليو، 2012 8:59:55 ص

La Olimpikoj en Londono komenciĝos en la 27-a de julio 2012, proksimume du semajnoj ekde tiu ĉi momento. La publika intereso en Olimpiaj Ludoj estas malmulta. Barato estas lando, kie nur kriketo gravas. Futbalo kaj teniso estas iomete popularaj, sed plejparte kriketo regas ĉie.

La intereso estas tiom malmulta, ke dum la Beijing Olimpikoj barataj ludistoj gajnis unu oran medalon, kaj oni esperas nuntempe ke niaj ludistoj povas ricevi kvin orajn medalojn.

Mi interesiĝas scii, ĉu multaj personoj en via nacio, regiono, urbo interesiĝas pri Olimpiaj Ludoj?

dobri (عرض الملف الشخصي) 11 يوليو، 2012 1:55:56 م

Estas malfacile diri, ĉu multaj aŭ malmultaj. Mi kaj mia edzino interesiĝas pri Olimpikoj, ĉiutage ni spektos ilin en televido kiel antaŭ 4 jaroj kaj eĉ pli frue. Sincere dirite en kelkaj drinkejoj estadas pli multe spektataj futbalaj matĉoj ol ekzemple atletismo. Tamen en ĵurnaloj oni ofte mencias la ludojn.

cellus (عرض الملف الشخصي) 11 يوليو، 2012 4:54:57 م

En Svedujo la olimpiaj ludoj, Olimppiko, se vi volas, estas granda afero. Amaskomunikiloj raportas de ili. La intereso pri atletismo estas sufiĉe granda en Svedujo. Por mia parto mi perdis la intereson pri la olimpikoj. La lastan fojon mi vidis raportaĵojn de iu estis de tiu en Moskvo, aŭ ĉu Losanĝeleso? Ili fariĝis tro grandaj, tro kompercaj, tro profesiaj. Mi perdis la intereson. Mi praktikas iom da kurado mem, nur je mia propra bezono kaj je tre malalta nivelo. Tio sufiĉas.

robbkvasnak (عرض الملف الشخصي) 11 يوليو، 2012 7:01:09 م

Mi ŝatas la paradojn de sportemuloj el diversaj landoj kun siaj flagoj. Sed la unuopaj sporteventoj ne interesas min.

MarCin83 (عرض الملف الشخصي) 11 يوليو، 2012 7:31:55 م

Mi ege interesiĝas pri olimpikaj ludoj, kaj mi jam antaŭĝojas ilin. Feliĉe la
germana televido tre vaste raportas pri la Olimpikoj: La du publikrajtaj televidstacioj
ARD kaj ZDF alterne raportas pri ili tuttage. Mi plej ŝatas la malpezatletikon kaj
naĝadon (ĉe someraj olimpikoj) respektive skisaltadon (ĉe vintraj olimpikoj).

fajrkapo (عرض الملف الشخصي) 11 يوليو، 2012 11:41:49 م

Mi tute ne ŝatas la olimpikon. Estas enue, peze, stulte kaj tute ne profiteble. Nur servas por la urba turismo kie ili faras tiun enuaĵon, mi preferus rigardi al la plafono antaŭ ol vidi la olimpikon. Mi kutime ne vidas homojn en Hispanio vidante la olimpikon, tute male al la futbalo.

nigra_rivereto (عرض الملف الشخصي) 27 يوليو، 2012 1:38:12 م

Demian:La Olimpikoj en Londono komenciĝos en la 27-a de julio 2012, proksimume du semajnoj ekde tiu ĉi momento. La publika intereso en Olimpiaj Ludoj estas malmulta. Barato estas lando, kie nur kriketo gravas. Futbalo kaj teniso estas iomete popularaj, sed plejparte kriketo regas ĉie.

La intereso estas tiom malmulta, ke dum la Beijing Olimpikoj barataj ludistoj gajnis unu oran medalon, kaj oni esperas nuntempe ke niaj ludistoj povas ricevi kvin orajn medalojn.

Mi interesiĝas scii, ĉu multaj personoj en via nacio, regiono, urbo interesiĝas pri Olimpiaj Ludoj?
Kvankam la malferma ceremonio okazos hodiaŭ, Olimpikoj komenciĝis antaŭ du tagoj. Jam okazis matĉoj futbalo (vira kaj ina) kaj la brazilaj teamoj venkis en siaj unuaj matĉoj, ĉu ĉifoje ni gajnos la oran medalon?
En Brazilo la Olimpiaj Ludoj vekas sufiĉe grandan intereson - ĉiuj amaskomunikiloj raportas pri ĝi, granda televidstacio elsendas la ludojn. Mi intencas spekti ne nur futbalon sed la sportajn konkurojn ĝenerale. Brazilo ne estas ia sporta potenco sed tamen ni esperas pri ricevo de kelkaj medaloj. Pli da ŝancoj ni havas en kelkaj sportoj: volejbalo, plaĝa volejbalo, futbalo, velado, atletiko, naĝado, judô, tekvondo.

Altebrilas (عرض الملف الشخصي) 27 يوليو، 2012 1:53:04 م

ju malpli da panem, des pli da circenses.

ju malpli da pano, des pli da distraĵoj.

kujichagulia (عرض الملف الشخصي) 1 أغسطس، 2012 1:27:51 ص

Altebrilas:ju malpli da panem, des pli da circenses.

ju malpli da pano, des pli da distraĵoj.
Kio? Mi ne komprenas.

Pri la demando... Mi ŝategas sporton, do mi spektas la Olimpiajn Ludojn. La lando de mia nacieco, Usono, kompreneble atendas sukceson en multaj sportoj. Tamen la lando kie mi nun loĝas, Japanio, ĝis nun sukcesas en naĝado kaj iomete ĵudo.

Mi tre volas spekti korbopilkado, precipe la Usona korbopilkada teamo, sed en Japanio ne estas multa intereso pri ĝi.

عودة للاعلى