Mergi la conținut
Răspunde

Kiel aliel? Kie alie?

de efilzeo, 8 iunie 2013

Contribuții/Mesaje: 33

Limbă: Esperanto

Mimich6120 (Arată profil) 1 decembrie 2017, 10:08:32

Mi pripensis pri ĝi kaj... oni povus proponi alian komencaĵon anstataŭ "ali-".

Kial ne fari la komencaĵon "otri-" el la hispana samsignifa adjektivo "otro" / "otra"

otriu(jn) = aliulo / iu alia (afero)
otria(jn) = alispeca, alieca
otries = de alia (persono), aliula
otrio(jn) = io alia
otrie(n) = aliloke(n)
otriam = alifoje, aliokaze
otriel = alie, alimaniere
otrial =alikaŭze, ial alia
otriom (da) = alikvante; alia kvanto (da)

"otri-" povas stari por la ideo de "ali-" , samkiel "ĉi-" kaj "neni-" staras por la ideo de "tut-" kaj "ne" respektive.
Kaj "otri-" havas kvar literojn samkiel "neni-".

Kion vi pensas pri ĝi?

Metsis (Arată profil) 1 decembrie 2017, 12:22:50

Oni bezonas aldoni nek "ali-" nek "otri-" en la tabelvortojn. Aliloke, alimaniere ktp. sufiĉas. Ne kompaktu tro multe

Priparolante la tabelvortojn mi havas etan problemon kun la prefikso "ĉi-". Kune kun tabelvorto la prefikso montras iun tutaĵan, ekz. io (nespecifika) → ĉio (la tutaj). Kune kun aliaj vortoj la prefikso montras iun specifikan, ekz. matene (dum iu ajn mateno) → ĉi-matene (la hodiaŭa mateno). La sencoj ŝajnas al mi kontraŭaj.

DuckFiasco (Arată profil) 1 decembrie 2017, 15:18:21

"ĉi" estas partikulo kiu ne akceptas finaĵojn kaj "ĉi-" estas tabelvorta bazo per kiu oni kreas serion de vortoj. Ili ne estas eĉ homonimoj ĉar la tabelvorta ĉi- neniam aperas senfinaĵe. Krome, troviĝas aliaj veraj homonimoj en Esperanto kiel en ĉiu lingvo ridulo.gif

(Prefikse pri la tabelvorto, oni povas kompreneble diri ĉiumatene)

Metsis (Arată profil) 3 decembrie 2017, 18:00:41

Mesajul a fost ascuns.

Metsis (Arată profil) 3 decembrie 2017, 18:04:26

Mi kreis novan fadenon pri "ĉi".

sudanglo (Arată profil) 4 decembrie 2017, 12:46:28

Ies perdo, alies gajno - tiel ĉiam estis kaj neniam estos aliel.

nornen (Arată profil) 4 decembrie 2017, 19:54:12

sudanglo:Ies perdo, alies gajno - tiel ĉiam estis kaj neniam estos aliel.
Tre amuza kaj interesa ideo.

Estas du eblecoj:
A) ali- estas tabelvorto.
Se estus tiel, ĝi havus ĉiujn tabelvortajn formojn:
Kies gajno estis tio? Tio estis alies gajno.
Kiel vi faris tion? Mi faris tion aliel.
Kiam vi faros tion? Mi faros tion aliam.
Kie vi faros tion? Mi faros tion alie.
Kien vi iros? Mi iros alien.
Kial vi faris tion? Mi faris tion alial.
Kiom vi laboris? Mi laboris aliom.
Kio estas tio? Tio estas alio.
Kiu estas tiu homo? Tiu homo estas aliu.

Tamen ali- sendube ne estas tabelvorto. Do restas la dua ebleco.

B) ali- ne estas tabelvorto kaj iaj vortoj povas preni la tabelvortajn formojn.
Kies plej bona amiko estas la hundo? La hundo estas la plej bona amiko homes.
Kiel vi kuras? Mi kuras rapidel.
Kiam vi kuras? Mi kuras matenam.
Kie vi estas? Mi estas ĝardene.
Kien vi iras? Mi iras Parizen.
Kial vi krias? Mi krias ĝojal.
Kiom vi laboris? Mi laboris sufiĉom.
Kio okazas? Akcidento okazas.
Kiu venas? Amiku venas.

Tre amuza.

thyrolf (Arată profil) 5 decembrie 2017, 06:32:13

maliam
malies
malial?

hihihi

Metsis (Arată profil) 5 decembrie 2017, 08:50:46

nornen:
Estas du eblecoj:
A) ali- estas tabelvorto.
Se estus tiel, ĝi havus ĉiujn tabelvortajn formojn:
Tamen ali- sendube ne estas tabelvorto. Do restas la dua ebleco.

B) ali- ne estas tabelvorto kaj iaj vortoj povas preni la tabelvortajn formojn.
Estas ankaŭ la tria ebleco:
Kelkaj vortoj havas kelkajn tabelvortajn formojn, ekz. alies. Aŭ ĉu esceptoj estas tute prohibititaj? ridulo.gif

Kirilo81 (Arată profil) 6 decembrie 2017, 11:35:04

Metsis:
Estas ankaŭ la tria ebleco:
Kelkaj vortoj havas kelkajn tabelvortajn formojn, ekz. alies. Aŭ ĉu esceptoj estas tute prohibititaj? ridulo.gif
Mi pensas, ke la evitoj de esceptoj estas unu el la bazoj de internacia planlingvo. okulumo.gif

Înapoi mai sus