Kwa maudhui
Kujibu

Kial ne "salut'"?

ya Eltwish, 25 Machi 2014

Ujumbe: 11

Lugha: Esperanto

Eltwish (Wasifu wa mtumiaji) 25 Machi 2014 1:42:54 asubuhi

Iom surprizas min, ke mi malofte aŭdas alian salutmanieron krom "saluton". Mi sentas mankon de interjekcio pli mallonga kaj neformala, kiel "ĝis!" por adiaŭi. Ĉu iu ajn diras "hej!"? Ĉu ĝi sonas tro ne-Esperante? Se jes, ŝajnus al mi taŭge uzi "salut!", tamen kiam mi serĉis por kontroli ĉu tiaj salutoj estas uzataj, mi trovis, ke anstataŭe nur "sal!" havas iom da uzado. Tio ĉi ŝajnas al mi sufiĉe amuze... verŝajne pro ĝia simileco al la gustigaĵo. Ĉu neniu diras "salut!"? Al miaj oreloj multe pli plaĉas "salut!" ol "sal!", sed mi bone scias, ke tia argumento ne sufiĉas, kiam iu lingvaĵo jam normiĝis.

Kion vi opinias pri "hej!" kaj "salut!" ?

Oijos (Wasifu wa mtumiaji) 25 Machi 2014 1:56:16 asubuhi

Hej! plaĉus al mi, sed laŭ Plena Ilustrita Vortaro de Esperanto: interjekcio uzata por kuraĝigi, por instigi al gajo

Ĝis estas prepozicio, kaj mi ekindignas, kiam mi spertas ĝian uzadon kiel ekkria vorteto.

Pri salut... hmm... taŭgas al mi kaj mi provos ĝin.

Urho (Wasifu wa mtumiaji) 25 Machi 2014 6:27:43 asubuhi

Hej! taŭgas al mi, ĉar ĝi (Hei!) ekzistas ankaŭ en la finna lingvo.

Kial ne saluton? Ĝi ja estas laŭ la gramatiko de Esperanto.

Bonvolu legi ankaŭ …

auxro (Wasifu wa mtumiaji) 25 Machi 2014 6:38:10 asubuhi

Inter mia amikaro en neformala parolado ni uzas ankaŭ "Sal!"

sudanglo (Wasifu wa mtumiaji) 25 Machi 2014 11:30:26 asubuhi

Pro la ofteco de 'saluton', verŝajne ĉiuj tuj komprenus (en konteksto) 'sal'.

Mi povas pensi pri kelkaj iom longaj vortoj kiuj nuntempe estas uzataj en kurtigita formo; avio - aviadilo, aŭto -automobilo, kinejo - kinematografejo.

Sed ŝajnas ne-rekomendinde diri 'salon', krom se ĉe-table vi volas la salon.

sudanglo (Wasifu wa mtumiaji) 25 Machi 2014 11:45:47 asubuhi

Hej! plaĉus al mi, sed laŭ Plena Ilustrita Vortaro de Esperanto: interjekcio uzata por kuraĝigi, por instigi al gajo
Ŝajnas al mi, ke 'hej' estas uzata por tiri atenton.

El la Tekstaro:

Hej, vi knabinoj malsupre!” kriis voĉo super ni
Hej, civitano, helpu aresti la krimulon!
Hej, knaboj! Ĉu vi havas bonan kapton tie ĉi
Hej, virinoj! — li kriis ekstarinte

sed ankaŭ:

Hej! ŝi salutis. Tiel frue vi venas!

Oijos (Wasifu wa mtumiaji) 26 Machi 2014 12:17:07 asubuhi

sudanglo:
Hej! plaĉus al mi, sed laŭ Plena Ilustrita Vortaro de Esperanto: interjekcio uzata por kuraĝigi, por instigi al gajo
Ŝajnas al mi, ke 'hej' estas uzata por tiri atenton.

El la Tekstaro:

Hej, vi knabinoj malsupre!” kriis voĉo super ni
Hej, civitano, helpu aresti la krimulon!
Hej, knaboj! Ĉu vi havas bonan kapton tie ĉi
Hej, virinoj! — li kriis ekstarinte

sed ankaŭ:

Hej! ŝi salutis. Tiel frue vi venas!
La difino en PIV estas malbona kaj eĉ misa.

dombola (Wasifu wa mtumiaji) 26 Machi 2014 1:49:30 asubuhi

Eltwish: Mi sentas mankon de interjekcio pli mallonga kaj neformala
En ĉi tiu video oni trovas ĉe 1:57 min. mallongan salutmanieron!

efilzeo (Wasifu wa mtumiaji) 26 Machi 2014 7:34:28 asubuhi

dombola:
Eltwish: Mi sentas mankon de interjekcio pli mallonga kaj neformala
En ĉi tiu video oni trovas ĉe 1:57 min. mallongan salutmanieron!
Ave signifas ion alian Esperante tamen. Eble "sanon", kiu estas la originala signifo de "saluton".

kaŝperanto (Wasifu wa mtumiaji) 28 Machi 2014 7:19:56 alasiri

Kial ne, "Longe vivu, kaj prosperu"? okulumo.gif

Por me, "salut" estas preskaŭ tiel longa kiel "saluton", kaj la "-ut" finaĵo estas iom akra. "Sal" sufiĉas.

Kurudi juu