Ku rupapuro rw'ibirimwo
Kwishura

Neniuj trafoj

ca, kivuye

Ubutumwa 8

ururimi: Esperanto

Roberto12 (Kwerekana umwidondoro) 14 Ruheshi 2014 09:57:41

Se oni alklakas vorton ĉi tie kaj ekzistas nenio en la vortaro, ĝi diras "neniuj trafoj". Ĉu pli precize estus diri "neniom da trafoj"?

m_v (Kwerekana umwidondoro) 14 Ruheshi 2014 14:35:43

Laŭ mi, “neniuj” kaj “neniom da” estas sinonimaj, kiel ankaŭ “multaj” kaj “multe da”.

Roberto12 (Kwerekana umwidondoro) 14 Ruheshi 2014 19:11:30

"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"

m_v (Kwerekana umwidondoro) 14 Ruheshi 2014 20:16:48

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Mi samopinias, ke, se oni demandas, estas pli bone elekti la analogan respondon (kiom? -> neniom & kiuj? -> neniuj). Sed sen kunteksto de demando la esprimoj “neniuj trafoj” kaj “neniom da trafoj” havas pli-malpli la saman signifon. Do mi pensas, ke estas tute ĝuste kaj bone uzi “neniuj trafoj” en la lernu!-vortaro.

sergejm (Kwerekana umwidondoro) 15 Ruheshi 2014 04:38:57

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Kiam oni klakas sur la vorto, oni volas scii ĝiajn tradukojn, sed ne kvanton de tradukoj.
Do "neniuj trafoj" pli taŭgas.

Roberto12 (Kwerekana umwidondoro) 15 Ruheshi 2014 09:30:58

Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"

Urho (Kwerekana umwidondoro) 16 Ruheshi 2014 09:28:27

Eble la kompleta frazo povus esti jena:

[En la serĉo troviĝis] neniuj trafoj.

horsto (Kwerekana umwidondoro) 18 Ruheshi 2014 22:55:37

Roberto12:Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"
Mi ne komprenas vian problemon.
Se oni klakas sur vorton oni ne volas scii kiom da trafoj estas trovitaj.
La respondo:
4 trafoj
certe mirigus vin.
Do la respondo:
neniuj trafoj
certe estas ĝusta.

Subira ku ntango