Skip to the content
Reply

„super“ kaj „supra/e“

by Nightflush, December 13, 2014

Messages: 9

Language: Esperanto

Nightflush (User's profile) December 13, 2014, 9:11:51 PM

Kion estas la diferenco inter „super“ kaj „supra/supre“?

Kirilo81 (User's profile) December 13, 2014, 9:42:00 PM

supre estas absoluta esprimo, ĝi montras, ke io troviĝas en la direkto, kiu estas inversa al la efiko de la gravito (germ. oben, pol. na górze, simpla esprimo mankas en la angla).

super signifas, ke io estas pli supre ol io alia, kaj ke tiuj du ne havas kontakton (kun kontakto estus (supre) sur), ĝi estas relativa esprimo (germ. über, pol. nad, ang. over).

sudanglo (User's profile) December 14, 2014, 10:57:35 AM

Ne ĉio kio estas supra estas supera.

Nightflush (User's profile) December 15, 2014, 6:25:40 PM

Dankon!

amigueo (User's profile) July 6, 2015, 6:38:03 PM

ankoraŭa dubo:

se kolombo estas 100 metrojn situalte en Varsovio, kaj falko estas 200 metrojn situalte en Novjorko. ni povas diri ke la falko estas super la kolombo, kaj ke la falko ne estas supre de la kolombo?

dua dubo:
estas pli taŭga vorto ol "situalte"?

mia frato estas 2 metrojn alta,
tamen, li flugas kelkajn kilometrojn situalte, peraviadile.

Rujo (User's profile) July 6, 2015, 7:22:39 PM

En la verko Esperanta Sintakso, de Paul Fructier, paĝo 15, oni vidas ke:
“202. »Sur« diferencas de »super« en tio, ke ĝi montras ordinare tuŝadon de objektoj. »Super« montras, ke afero estas sub alia, sed ne devige, ke ili sin tuŝas reciproke; plie »sur« ne ĉiam rilatas altecon.
Rim. 1. Devenaĵoj: Suriri, suresti, surmeti, surpremi,k. t. p. Superi, supera, supereco, malsupera, malsuperi,malsupereco.
Rim. 2. Adverbe oni uzas pli volonte »supre« ol »sure«. E.: Li staras supre sur la monto. (Z.) »Supre« montras tamen ideon apartan de alteco. (Komparu kun: venu kune kun via amiko. (Z.)
Rim. 3. Malo de »sur« kaj »super« estas »sub«. Oni ne faras en multenombro saman distingon, kian en ununombro. Tamen oni povas diri laŭvole »malsuper«, kvankam D-ro Zamenhof uzas malofte prefikson »mal« por prepozicioj.
Rim. 4. Malo de »supre« estas »malsupre«, kiun oni uzas ofte anstataŭ »sube«. E.: Li rigardas malsupren sur la kampon. (Z.) Li rapide malsupreniris. [dikaj kaj substrekita literoj miaj]

amigueo (User's profile) July 7, 2015, 11:34:39 AM

mi ofte legis "ĉi-supre" kaj "ĉi-sube",
tamen "ĉi-malsube" ŝajnas pli logika kaj ekzakta

??

Altebrilas (User's profile) July 7, 2015, 12:46:18 PM

super estas prepozicio: birdo flugas super la domo
supra estas adjektivo : la supra klaso
supre estas adverbo: li dormas supre (=en la supra lito, se la kunteksto estas klara )

amigueo (User's profile) July 8, 2015, 9:36:16 AM

dankon Altebrilas, via klarigo plaĉas al mi.
kaj konvinkas min ke pli ĝustus "ĉi-malsube" ol "ĉi-supre"

Back to the top