Kwa maudhui
Kujibu

„super“ kaj „supra/e“

ya Nightflush, 13 Desemba 2014

Ujumbe: 9

Lugha: Esperanto

Nightflush (Wasifu wa mtumiaji) 13 Desemba 2014 9:11:51 alasiri

Kion estas la diferenco inter „super“ kaj „supra/supre“?

Kirilo81 (Wasifu wa mtumiaji) 13 Desemba 2014 9:42:00 alasiri

supre estas absoluta esprimo, ĝi montras, ke io troviĝas en la direkto, kiu estas inversa al la efiko de la gravito (germ. oben, pol. na górze, simpla esprimo mankas en la angla).

super signifas, ke io estas pli supre ol io alia, kaj ke tiuj du ne havas kontakton (kun kontakto estus (supre) sur), ĝi estas relativa esprimo (germ. über, pol. nad, ang. over).

sudanglo (Wasifu wa mtumiaji) 14 Desemba 2014 10:57:35 asubuhi

Ne ĉio kio estas supra estas supera.

Nightflush (Wasifu wa mtumiaji) 15 Desemba 2014 6:25:40 alasiri

Dankon!

amigueo (Wasifu wa mtumiaji) 6 Julai 2015 6:38:03 alasiri

ankoraŭa dubo:

se kolombo estas 100 metrojn situalte en Varsovio, kaj falko estas 200 metrojn situalte en Novjorko. ni povas diri ke la falko estas super la kolombo, kaj ke la falko ne estas supre de la kolombo?

dua dubo:
estas pli taŭga vorto ol "situalte"?

mia frato estas 2 metrojn alta,
tamen, li flugas kelkajn kilometrojn situalte, peraviadile.

Rujo (Wasifu wa mtumiaji) 6 Julai 2015 7:22:39 alasiri

En la verko Esperanta Sintakso, de Paul Fructier, paĝo 15, oni vidas ke:
“202. »Sur« diferencas de »super« en tio, ke ĝi montras ordinare tuŝadon de objektoj. »Super« montras, ke afero estas sub alia, sed ne devige, ke ili sin tuŝas reciproke; plie »sur« ne ĉiam rilatas altecon.
Rim. 1. Devenaĵoj: Suriri, suresti, surmeti, surpremi,k. t. p. Superi, supera, supereco, malsupera, malsuperi,malsupereco.
Rim. 2. Adverbe oni uzas pli volonte »supre« ol »sure«. E.: Li staras supre sur la monto. (Z.) »Supre« montras tamen ideon apartan de alteco. (Komparu kun: venu kune kun via amiko. (Z.)
Rim. 3. Malo de »sur« kaj »super« estas »sub«. Oni ne faras en multenombro saman distingon, kian en ununombro. Tamen oni povas diri laŭvole »malsuper«, kvankam D-ro Zamenhof uzas malofte prefikson »mal« por prepozicioj.
Rim. 4. Malo de »supre« estas »malsupre«, kiun oni uzas ofte anstataŭ »sube«. E.: Li rigardas malsupren sur la kampon. (Z.) Li rapide malsupreniris. [dikaj kaj substrekita literoj miaj]

amigueo (Wasifu wa mtumiaji) 7 Julai 2015 11:34:39 asubuhi

mi ofte legis "ĉi-supre" kaj "ĉi-sube",
tamen "ĉi-malsube" ŝajnas pli logika kaj ekzakta

??

Altebrilas (Wasifu wa mtumiaji) 7 Julai 2015 12:46:18 alasiri

super estas prepozicio: birdo flugas super la domo
supra estas adjektivo : la supra klaso
supre estas adverbo: li dormas supre (=en la supra lito, se la kunteksto estas klara )

amigueo (Wasifu wa mtumiaji) 8 Julai 2015 9:36:16 asubuhi

dankon Altebrilas, via klarigo plaĉas al mi.
kaj konvinkas min ke pli ĝustus "ĉi-malsube" ol "ĉi-supre"

Kurudi juu