Skip to the content
Reply

"isto" aŭ "anto"?

by lunaris_filia, January 28, 2015

Messages: 11

Language: Esperanto

lunaris_filia (User's profile) January 28, 2015, 11:00:50 PM

Saluton al ĉiuj,

Hieraŭ mi lernis la sufiksojn "isto" kaj "anto". Sed kial "studanto" uziĝas? Ĉu la studanto ne estas okupado? Ĉu ni povas diri "studisto" anstataŭ "studanto"? Kio estas la diferenco inter "-isto" kaj "-anto"?

Dankon.

richardhall (User's profile) January 29, 2015, 6:04:10 PM

lunaris_filia:Saluton al ĉiuj,

Hieraŭ mi lernis la sufiksojn "isto" kaj "anto". Sed kial "studanto" uziĝas? Ĉu la studanto ne estas okupado? Ĉu ni povas diri "studisto" anstataŭ "studanto"? Kio estas la diferenco inter "-isto" kaj "-anto"?

Dankon.
-anto signifas iu (aŭ io) kiu plenumas iun procezon. Umanto estas umanta homo.
-isto signifas profesiulo, aŭ iu kiu ofte, daŭre aŭ speciale okupiĝas pri io. Foje mi uzas biciklon: mi estas biciklanto. Aliflanke, mia amiko rajdas ofte kaj serioze: li estas biciklisto.

lunaris_filia (User's profile) January 29, 2015, 6:42:45 PM

richardhall:
lunaris_filia:Saluton al ĉiuj,

Hieraŭ mi lernis la sufiksojn "isto" kaj "anto". Sed kial "studanto" uziĝas? Ĉu la studanto ne estas okupado? Ĉu ni povas diri "studisto" anstataŭ "studanto"? Kio estas la diferenco inter "-isto" kaj "-anto"?

Dankon.
-anto signifas iu (aŭ io) kiu plenumas iun procezon. Umanto estas umanta homo.
-isto signifas profesiulo, aŭ iu kiu ofte, daŭre aŭ speciale okupiĝas pri io. Foje mi uzas biciklon: mi estas biciklanto. Aliflanke, mia amiko rajdas ofte kaj serioze: li estas biciklisto.
Dankon!

richardhall (User's profile) January 29, 2015, 7:15:10 PM

Nedankinde. Fakte, mi ne certas kial plentempa matura lernanto ne estas nomata "studiston". Eble estas nure konvencio.

lunaris_filia (User's profile) January 29, 2015, 7:53:00 PM

richardhall:Nedankinde. Fakte, mi ne certas kial plentempa matura lernanto ne estas nomata "studiston". Eble estas nure konvencio.
Nu... Mi opinias tiel. Verŝajne mi bezonas lerni tiajn uzojn.

Rujo (User's profile) January 29, 2015, 8:32:39 PM

Priserĉante la [url=www.tekstaro.com]Tekstaron de Esperanto[/url] oni trovas jenajn rezultojn: por la vorto studisto aperas neniu frazekzemplo; por studanto aperas 69 frazekzemploj kaj por studento aperas 100 frazekzemploj. En la Tekstaro estas proksimume 70 verkoj kaj 4.675.412 da vortoj.

Sxak (User's profile) January 30, 2015, 1:04:31 AM

Rujo: kaj por studento aperas 100 frazekzemploj.
Serĉis: studento - ignoras trafojn en/kun fremdaĵoj - montras 100 signojn - montras maksimume 1000 trafojn - ne uzas signetojn - ne atentas usklecon Ŝanĝi

Suma nombro de trafoj: 467

nornen (User's profile) January 30, 2015, 4:52:52 AM

Kaj ne forgesu, ke ne ĉiu studanto estas studento, nek ĉiu studento estas studanto.

sudanglo (User's profile) January 30, 2015, 11:37:02 AM

Kaj por ĉiu -isto ne estas responda -anto, aŭ inverse.

La vilaĝa panisto eble havas amantinon, kaj bicikisto aŭ aŭtisto povus renversi piediranton, sed senĝene ĵongli la sufiksojn ne ĉiam eblas.

Ĉio dependas de la radiko kaj la ideo portata de ĝi.

lunaris_filia (User's profile) January 30, 2015, 7:37:21 PM

Mi volas danki vin por helpojn afablajn viajn. ridulo.gif

Back to the top