Mergi la conținut
Răspunde

Radikoj kiuj realisme povus esti mem kunmetaĵoj

de Tempodivalse, 4 februarie 2015

Contribuții/Mesaje: 17

Limbă: Esperanto

Tempodivalse (Arată profil) 4 februarie 2015, 03:02:05

En Esperanto nemalofte troviĝas radikoj, kiujn oni teorie povus interpreti kiel kunmetaĵojn de du pli mallongaj radikoj. Ekzemploj estas fi-eri anstataŭ fieri, pap-ero anstataŭ papero.

Tamen, la plimulto de tiaĵoj estas nur ŝercaj, ĉar kiel kunmetaĵoj ili apenaŭ havas sencon (ĉu vere oni povas imagi eron de papo?)

Do en ĉi tiu fadeno mi volas eltrovi tiajn radikojn, kiujn oni realisme povus intenci (senchave) kiel kunmetaĵojn - por ekzemplo, se oni ne sciintus la jaman radikon. Ekzemploj:

aĉeta kaj aĉ-eta

barata kaj bar-ata

domaĝo kaj dom-aĝo

legenda kaj leg-enda

libreto (opero) kaj libr-eto

postulo (ordono) kaj post-ulo (la malantaŭan oni ĉi tial kutime skribas kiel "poste-ulo" )

regulo kaj reg-ulo

Ĉu vi povas plilongigi la liston per aliaj?

Sxak (Arată profil) 4 februarie 2015, 03:10:32

Istvan Ertl:-- Ho, jes, mi povis fini skizon por mia monografio pri la evoluo de dialektaj frotsonoj ĉe manĉuroj! -- entuziamis la diplomita ĉinologino.
Oreltira spertule komprenis la rilaton inter froto, mano kaj ĉuro, ...

amigueo (Arată profil) 4 februarie 2015, 12:40:14

mi aplaŭdas ĉi iniciaton, kaj proponas ludon trovi frazon kie tiu dusignifa vorto havu tiujn du aŭ pli signifojn.

vort-listo tia kaj fraz-listo tia meritas retejon propran, kun belaj ŝpritaj bildoj priaj.

Christa627 (Arată profil) 11 februarie 2015, 05:08:38

respekt-i; re-spekt-i
diamant-o; di-am-ant-o
sintaks-o; sin-taks-o
idiotism-o; idiot-ism-o
volont-e; vol-ont-e

RubyNunes (Arată profil) 11 februarie 2015, 05:26:05

Radikoj absolute ne estas kunmetaĵoj, kvankam homonimoj povas erarige pensigi tion al iu ajn. ^_^

Bruso (Arată profil) 14 februarie 2015, 10:47:09

Okulo (korpoparto), ok-ulo (homo de la cifero 8)

amigueo (Arată profil) 21 februarie 2015, 12:35:32

do, ' homonimoj estas la nomo de tiaj vortoj?
see, ' homonimo estas serioza vorto, tre formala,
ĉu iu konas sinonimon? (ho, alia formalmonstro).

mateno (Arată profil) 21 februarie 2015, 13:48:33

klasika ŝerco (elpensita, mi pensas, de Stano Marĉek) -- kial ĝirafo neniam estas sola? ĉar ĝi ĉiam havas kolegon! ridego.gif

mateno (Arată profil) 21 februarie 2015, 13:53:11

tre amuza fadeno estas tiu ĉi; ekzistas simila fenomeno en Esperanto, kiu nomiĝas "aserpentoj": tio estas paroj da Esperantaj vortoj, kiuj diferenciĝas nur per la komenca litero "a": ekzemple, maro/amaro, kuŝi/akuŝi, moro/amoro, varo/avaro, melo/amelo, boto/aboto ... ekzistas multaj ridego.gif

nornen (Arată profil) 21 februarie 2015, 17:23:07

Al mi ŝajnas iomete danĝera la malsameco inter per'fid'a (pere de fido) kaj perfid'a (kontraŭ la fido).

Înapoi mai sus