До змісту
Відповісти

Pri "li" kaj "si" en unu frazo de Z.

від Frano, 5 травня 2017 р.

Повідомлення: 10

Мова: Esperanto

Frano (Переглянути профіль) 5 травня 2017 р. 18:27:32

En Antaŭparolo al Fundamento Zamenhof skribas: Tiujn ĉi tri verkojn la aŭtoro de Esperanto rigardadis ĉiam kiel leĝojn por li, kaj malgraŭ oftaj tentoj kaj delogoj li neniam permesis al si (almenaŭ konscie) eĉ la plej malgrandan pekon kontraŭ tiuj ĉi leĝoj;

Kial Z uzis unue "li" kaj poste "si" en tiuj du (tre similaj je la unua vido) kazoj ? (aŭ "okazoj" ? ridulo.gif)

P.S.
Bonvolu pardoni! Mi volis meti demandon en Konsultejon sed maltrafis malgajo.gif

sergejm (Переглянути профіль) 5 травня 2017 р. 19:37:17

Influo de rusa lingvo.

Vinisus (Переглянути профіль) 6 травня 2017 р. 12:50:41

Li devis zorgi pri si mem. Li neniam permesis al si fari tion. "Se li skribus: li neniam permesis al li fari tion", tiu li estus alia persono ne si mem. Li vokis sian amikon!

Plej amike.

Frano (Переглянути профіль) 7 травня 2017 р. 06:07:53

Dankon al vi, sergejm kaj Vinisus!

Se li skribus: " li neniam permesis al li fari tion", tiu li estus alia persono ne si mem. Li vokis sian amikon!

Vere! Tamen restas enigmo: kiu estas tiu "li" ?
( en: "... la aŭtoro de Esperanto rigardadis ĉiam kiel leĝojn por li ...")

Ĉu Z eraris (pro Influo de rusa lingvo) ?

Vinisus (Переглянути профіль) 7 травня 2017 р. 13:32:45

"La aŭtoro de Esperanto rigardadis ĉiam kiel leĝojn por li." Li skribis uzante la trian personon t.e. --- Por la aŭtoro de Esperanto ĉiujn ĉi tri verkojn li vidas kiel leĝon. Do, la ĉiuj ĉi tri verkoj estas leĝo por li.

Bert (Переглянути профіль) 7 травня 2017 р. 21:15:01

Mi lernis kiel regula ke « la refleksivo "si" resendas al la subjekto de la laste esprimita ago. »
Por mi tiu ago estas "rigardi" kaj tial mi skribus "leĝo por si" aŭ "sia leĝo", sed ŝajne Zamenhof sentis alian agon apud "leĝo". Kiel oni skribas tiun frazon ruse?

Grown (Переглянути профіль) 8 травня 2017 р. 07:57:45

Kulto al personeco. Mi ne diras ke li estas malbona por kulto al personeco, mi nure iomete ne ŝatas propagandajn teknikojn. Mi rigardas propagandajn teknikojn kiel bonmalbona (read: cheesy).

sergejm (Переглянути профіль) 9 травня 2017 р. 16:41:28

Frano:Vere! Tamen restas enigmo: kiu estas tiu "li" ?
Tiu "li" estas la aŭtoro. Tiel oni uzas ruslingve, Esperante oni povas diri "si" en la menciita frazo, sed se ne estas menciita alia persono, "li" estas ekvivalenta al "si".
Probablaj kaŭzoj kial Z uzis "li" estas 1) Z skribas pri si en tria persono kaj 2) "как" ("kiel") en rusa lingvo komencigas novan subfrazon, kaj se ĉi tiu subfrazo estus plena (t. e. se ĝi havus subjekton kaj verbon) ankaŭ en Esperanto oni devus uzi nur "li".
Kiel leĝoj estas por li = kiel leĝoj estas por la aŭtoro.
Kiel leĝoj estas por si= kiel leĝoj estas por leĝoj.

Frano (Переглянути профіль) 10 травня 2017 р. 12:25:46

Повідомлення сховано.

Frano (Переглянути профіль) 10 травня 2017 р. 13:03:28

sergejm:Probablaj kaŭzoj kial Z uzis "li" estas 1) Z skribas pri si en tria persono kaj 2) "как" ("kiel") en rusa lingvo komencigas novan subfrazon, kaj se ĉi tiu subfrazo estus plena (t. e. se ĝi havus subjekton kaj verbon) ankaŭ en Esperanto oni devus uzi nur "li".
Dankon!

Do, pli precizaj estus tiuj ĉi du variantoj:
Tiujn ĉi tri verkojn la aŭtoro de Esperanto rigardadis ĉiam kiel leĝojn por si,
kaj:
Tiujn ĉi tri verkojn la aŭtoro de Esperanto rigardadis ĉiam kiel ili estus leĝoj por li.

Eble en la unua varianto pli bone estus:
Tiujn ĉi tri verkojn la aŭtoro de Esperanto rigardadis por si ĉiam kiel leĝojn

Назад до початку