Skip to the content
Reply

Nekonata vorto: "enmaŝi"

by Holli, March 12, 2018

Messages: 10

Language: Esperanto

Holli (User's profile) March 12, 2018, 4:24:29 PM

En la rakonto kiun mi legas nun troviĝas la vorto "enmaŝi". Mi ne povis trovi tiun vorton nek en la vortaro nek en la reto. Ĉu iu konas ĝin kaj povas klarigi, kio ĝi signifas? Dankon, amikoj!

sergejm (User's profile) March 12, 2018, 5:19:15 PM

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (User's profile) March 12, 2018, 5:19:31 PM

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (User's profile) March 12, 2018, 5:19:50 PM

Ruse tio estus "лезть в петлю" Mi elektas la trian sencon de PIV. Ankaŭ mi aldonus -igi aŭ -iĝi

thyrolf (User's profile) March 12, 2018, 8:06:21 PM

Ĉu povas estis, ke la vorto fakte skribiĝas "enmarŝi" ?

sergejm (User's profile) March 13, 2018, 4:45:21 AM

Jen estas ekzemplo el tekstaro.com:
Monato:Vilaĝanino estis Katja, junulino, kiu enmaŝiĝis en la homkomercista reto.
Sed tie estas "enmaŝiĝis", kun "-iĝi".
Eblas, ke en la teksto de Holli estas mistajpo, li donu al ni la kuntekston.

amigueo (User's profile) March 13, 2018, 11:11:20 PM

laŭ mi, "enmaŝi" havas similan sencon al "enliti" (esti lite; pli ofte, enlitiĝi), aŭ "enami" (esti en amo, pli ofte, enamiĝi/enamigi), aŭ "ennodi", aŭ "enmaĉi". do "fiŝo enmaŝis kaj ne kapablis fuĝi la reton"

sergejm (User's profile) March 14, 2018, 1:27:00 AM

'ami' kaj 'maĉi' estas verbaj radikoj kaj tio estas tute alia afero, 'en-' estas aldonata al verbo.
Pri 'enliti', mi pensas, vi pravas: 'enliti'='esti en lito', 'enlitiĝi'='veni (estiĝi) en liton', simile pri 'nodo'.
Pri 'enmaŝi': same, sed 'maŝo' estas multsignifa, necesas vidi la kuntekston.

thyrolf (User's profile) March 14, 2018, 6:44:59 AM

la fiŝo enretiĝas kaj ne enmaŝiĝas, ĉu ne? (Mi ne estas fiŝisto, cetere)

sergejm (User's profile) March 14, 2018, 5:36:24 PM

Laŭ la ekzemplo de PIV, enretiĝinta fiŝo povas tramaŝi por liberiĝi. (signifo 2)
Bovisto povas enmaŝigi bovon, sed lian instrumenton oni kutime nomas 'lazo' ('lasso'). (signifo 3)
Oni povas maŝi teksaĵon per trikiloj (signifo 1)
Kaj oni povas enmaŝigi ampermetron kaj voltmetron (signifo 4)

Back to the top