Žinutės: 5
Kalba: Esperanto
Zam_franca (Rodyti profilį) 2020 m. vasaris 6 d. 20:58:51
Ĉu tiuj procentaĵoj estas veraj laŭ vi?
70% : la latina kaj latinidaj lingvoj (franca, latina, itala)
20% : ĝermanaj lingvoj (germana, angla, jida)
5% : slavaj lingvoj (rusa, pola)
5% : aliaj lingvoj (greka, araba, japana...)
nornen (Rodyti profilį) 2020 m. vasaris 6 d. 22:07:14
Eble iom pli da slavaj kaj iom malpli da aliaj.
sudanglo (Rodyti profilį) 2020 m. vasaris 7 d. 14:02:03
Cetere, tiom da vortoj en tipa Esperanta teksto estas kunmetitaĵoj. Kiel klasi ilin, kiam la elementoj havas diversajn lingvo-fontojn?
Zam_franca (Rodyti profilį) 2020 m. vasaris 7 d. 17:03:44
Kiel klasi ilin, kiam la elementoj havas diversajn lingvo-fontojn?Jen bona demando!
Eble iom pli da slavaj kaj iom malpli da aliaj.Laŭ Klaŭdo Pirono estas 10% da slavaj vortoj en Esperanto, sed supozeble tiu nombro enhavas vortojn kiel ekzemple "gazeto" (kiu ekzistas interalie en la rusa, ĉiuokaze vi ja konas la slavajn lingvojn pli ol mi).
Miapense, en la "baza" lingvo, ne multege da tut-slav-devenaj vortoj estas uzataj.
Mi rimarkis, ke ju pli radiko ne ŝajnas esti ege uzata (ekzemple "juk-"), des pli ĝi venas el la germana!
Tamen kompreneble tiu rimarketo rekte venas el mia franclingva menso.
Altebrilas (Rodyti profilį) 2020 m. vasaris 8 d. 10:22:22
Plejofte nunaj statistikoj spegulas nur la vidpunkton de tiu, kiu prezentas ilin. Ĉar ili estas fermitaj, t.e. oni povas scii nek metodon nek bazajn donitaĵojn, oni ne povas kontesti ilin. Tial tiaj statistikoj estaj des pli kritikindaj, ke ili ne estas kritikeblaj.