Příspěvky: 119
Jazyk: Esperanto
Alexandrex (Ukázat profil) 27. února 2021 18:06:39
Esperanto sen antaŭjuĝoj, la libro citita kaj grandaparte kopiita de ci, Morico, ekzistas internete en kompleta versio.
Ĉiu ĝin povas legi ĉi tie: http://miresperanto.com/biblioteko/francini.htm.
Sed ekzistas pluraj problemoj. Unue, la retpaĝo estas pensata por sinsekva ŝanceliĝado inter reŝarĝeblaj ĉapitroj kaj paĝoj, tiel bezonante konstantan internetan ŝaltadon. Due, la teksto prezentas multajn preserarojn, jen homaj preseraroj, jen preseraroj kaŭzitaj de la procezo de skanigado, kiu forigis ĉiujn kromsignojn, aspekto okulfrapa ĉe la nombraj paroloj kaj frazoj per la portugala lingvo kiuj aperas en la libro. Trie, kvankam la originalo, paperpresita, uzas verajn supersignojn, la interneta teksto aperas per hosurogato. Kvare, granda parto de la teksto estas propagando aŭ informo pri eksterlibraj aferoj, anstataŭ la libro mem farita de Ŭoltero Franĉinio, Walter Francini.
Do, mi rearanĝis la kompletan tekston, korektante ĉiujn problemojn kaj konservante similan formaton por la elektronika libro. Nun, vi povas legi la libron per unikodaj supersignoj en unu komunkohera arĥivo de tipo DOC. Aliflanke, vi povas kaj rajtas korekti netrovitajn preserarojn, plibonigi la grafikan aspekton, kaj tiel plu. Mia rearanĝado estas legebla sen interneta ŝaltado, kaj facile presebla surpapere. Ĝi havas ĉirkaŭ cent paĝojn. La nomo de ĉi tiu arĥivo estas Esperanto sen antauxjugxoj.doc.
Kie, ĉe Lernu! aŭ ekster Lernu!, mi povas enŝuti la arĥivon por ke ĉiu povus ĝin elŝuti?
Antaŭviditan dankon al ĉiuj.
Amike, Aleksandro Ksavero Kasanovo Domingo, elektronika poŝto trigrupo @ yahoo . es (trigrupo arobo yahoo punkto es).
morico (Ukázat profil) 1. března 2021 11:04:08
Eble la plej bone estas krei facile alireblan adreson kaj kontakti la rusan adreson http://miresperanto.com/biblioteko/francini.htm
StefKo (Ukázat profil) 1. března 2021 19:57:38
Alexandrex (Ukázat profil) 9. března 2021 16:39:42
Jen ligilo por elŝuti la arĥivon. Ŝajne, ĝi funkcias, sed prefere iu ajn el vi faru teston.
https://drive.google.com/file/d/1KXY6xP0QPQTF291bd...
Amike, Aleksandro Ksavero Kasanovo Domingo, elektronika poŝto trigrupo @ yahoo . es (trigrupo arobo yahoo punkto es).
morico (Ukázat profil) 17. března 2021 23:03:30
Altebrilas:Kion pri tio:Mi provas respondi al la frazo de Margareth Thatcher en 2000: "Ne estas alternativo".Ne estas alternativo (Thatcher)Laŭ mi, la ĉefaj bariloj kuŝas tie. Kaj mi ne vidas kiel agi kontraŭ ili.
2.16 Lingva demando estas eltagordiginda.
.
La angla lingvo estas nun la nacia lingvo la plej internaciigita. La artikolo de Jacques Leclerc [Ĵak Lekler] en la franca de la Universitato de Laval en Kebekio (Kanado) enhavas multe da informoj. https://www.axl.cefan.ulaval.ca/index.html
La angla estas la unua por preskaŭ ĉiuj gravaj indikiloj : elcentaĵo de la internacia komerco kune kun la ĉina, de la monda produktado, de la nombro de ŝtatoj kun la angla kiel oficiala lingvo, de la nombro de angloparolantaj landoj (5)en la Grupo de 20 gravaj landoj (G20); elcentaĵo de la militaj elspezoj, de la eldonitaj libroj, de la scienciaj artikoloj, de la filmoj, de la lingvo sur Interreto (kune kun la ĉina), de la nombro de lernantoj kaj parolantoj en lingvo du (ne naskiĝ-parolantoj)...
La plej gravaj aliaj lingvoj laŭ tiuj indikiloj estas la aliaj labor-lingvoj de la U.N. ( china, hispana, franca, rusa, araba) kaj la aliaj unuaj lingvoj de la landoj de G 20 : japana, germana, portugala, itala, hinda lingvo, malaja, korea, turka. Estas nur 82 oficialaj ŝtataj lingvoj kaj nur 300 skribitaj lingvoj sur 7000. Estas 109 lingvoj, inkluzive Esperanto sur Google Translate, Guglo Tradukilo
Tamen la ne angla-naskiĝ-parolantoj estas 94 % de la monda loĝantaro.
Esperanto estas la nura helpa internacia lingvo kiu sukcesis. Ĝi povas helpi konstrui ekologion de la lingvoj kun ĉiuj lingvoj . Ĝi permesas kreskigi la plurlingvismon, ĉar ĝi estas la plej facila de la parolataj lingvoj (sen esceptoj) kaj ĝi estas bona saltotabulo por lerni aliajn lingvojn.
Plurlingvismo kun Esperanto estas la lingva alternativo kontraŭ la "nur-angla" de sinjorino Thatcher, tre danĝera politiko por la mondo.
morico (Ukázat profil) 18. března 2021 10:42:31
Por mi, la angla estas lingvo-manĝanta, ĉar ĝi estas imperia kaj malfacila. Estas movado kiu pereigas progrese la aliajn lingvojn, unue la plej malfortajn kaj la plej internaciigitajn fakojn - scienco, internacia komerco, instruo de aliaj lingvoj, laboro en internaciaj firmaoj, komputiko ktp-, poste la aliajn lingvojn kaj fakojn. Estis diskuto ĉirkaŭ 1900 inter la ideoj de Kautsky kaj Zamenhof. Iuflanke Kautsky pensis, ke la angla estos la ĉefa lingvo - pro la Usona dinamismo - kaj ĝi anstataŭigos la aliajn ligvojn en la estonteco. Aliflanke Zamenhof pensis ke la helpa facila kaj neŭtra internacia lingvo permesos al ĉiuj lingvoj vivi kaj kreski. Ĉiu vivas kaj laboras pli bone en sia elektita lingvo.
Do, por multe da civitanoj kaj kelkaj ŝtatoj, la lingva politiko estas tag-ordiginda : respekti la lingvojn kaj akcepti ke la helpa internacia lingvo iĝas helpa laborlingvo en internaciaj organizaĵoj kaj saltotabulo por la aliaj lingvoj en la ŝkoloj.
Altebrilas (Ukázat profil) 18. března 2021 11:09:19
Via argumentaro estas plena kaj trafa, mi ŝatas ĝin kaj taksas ĝin utila por debati kun kontraŭuloj pretaj aŭskulti ilin. Sed laŭ mia vidpunkto, la situacio estas kiel la ŝafido de la fabelo front'al la lupo (vi mem uzis metaforon : " la angla estas lingvo-manĝanta"), kaj la lupo fajfas pri raciaj argumentoj. Por mi, tie kuŝas la ĉefa problemo kaj ŝajne preteratenti ĝin aspektas naive (- almenaŭ se nia mondregiono plu demokratias, alikaze estas mi kiu naivas).
morico (Ukázat profil) 21. května 2021 15:01:33
morico (Ukázat profil) 7. dubna 2022 17:06:48
Zamenhof, 1915, "Post la granda milito, Alvoko al la diplomatoj", The British Esperantist, XI. 1915, p. 51-55