Al la enhavo
Respondi

Matematika tasko

de sergejm, 2021-februaro-10

Mesaĝoj: 125

Lingvo: Esperanto

KatjaMcFlores (Montri la profilon) 2022-aŭgusto-01 16:29:22

Suspekteblas, ke Silver kun siaj ŝipanoj fakte ŝatas katojn, kaj tio supozigas, ke ili ne estas tre ferocaj kaj kruelaj uloj.
Nun endas nur ekscii la kvanton de tiuj animaloj, navigantaj sur ilia ŝipo.

KatjaMcFlores (Montri la profilon) 2023-septembro-24 15:31:29

Saluton, karaj kolegoj.
Jen respondo por la antaŭa problemeto:
Sur tiu pirata ŝipo estis 6 (ses) katoj.
--------------------
Kaj jen sekva problemeto:
Al anaso oni donis 9 dolarojn.
Al araneo oni donis 36 dolarojn.
Al abelo oni donis 27 dolarojn.
Surbaze de ĉi-informaĵo respondu, kiom da mono oni donos al kato?

Altebrilas (Montri la profilon) 2024-julio-17 15:14:49

Saluton estimataj forumanoj!

Per la literoj de "ESPERANTO ", oni povas krei kombinaĵojn kiel: E, ES, EE, EENA, TNPR, OTNARESPE,.. ktp.

Kiom da kombinaĵoj oni povas entute fari?

SlavikDze (Montri la profilon) 2024-julio-18 18:45:56

@Altebrilas
Via temo estas certe tre grava.
Sed kiel franculo respondu perfavore al malpli grava demando: ĉu dum ĉi-somera Olimpiko oni povas reale sendanĝere naĝi en Sejno-rivero?

Altebrilas (Montri la profilon) 2024-julio-19 12:37:52

Per televido ni spektis la urbestrinon de Parizo kaj kelkajn aliajn oficialulojn banantajn en la Sejno.

Tion promesis Chirac (pariza urbestro antaŭ ol esti prezidento) kaj ne faris. 30 jarojn kaj 1,4 G€ poste, tia banado finfine okazis.

Sed ĉu tiu fadeno taŭgas?

SlavikDze (Montri la profilon) 2024-julio-19 14:21:46

@Altebrilas
Ankaŭ via temo pri leter-kombinaĵoj ne tute taŭgas por ĉi tiu humure-matematika fadeno.
En via kutima glitece-jezuiteca maniero vi tamen evitis rekte kaj klare respondi al mia demando.
Mi do ripetas ĝin: ĉu, viaopinie, dum ĉi-somera Olimpiko oni povas reale sendanĝere naĝi en Sejno-rivero?

Altebrilas (Montri la profilon) 2024-julio-21 16:31:42

Mi uzis ekzistantan fadenon, kvankam ĝi pli taŭge estus en "ĉio cetera".

Mi ne estas divenisto, sed esperas, ke neniu akcidente aŭ intence venenigos Sejnon.

SlavikDze (Montri la profilon) 2024-aŭgusto-01 10:21:20

Oni informas, ke jam dua-foje ne okazis la planita naĝ-ekzercado en Sejno-rivero.
Tute eblas do, ke bravaj olimpikuloj ne ekhavos ŝancon iom bani sin en la glora pariza kloako.

SlavikDze (Montri la profilon) 2024-aŭgusto-01 12:50:18

Oni informas, ke kadre de Olimpiko triatlonistoj tamen aŭdacis naĝi en Sejno-rivero.
Kiel oni atendis, ĉi-eventon akompanis intensa naŭzado kaj vomado.
Espereble, tiuj kompatindaj naĝuloj ne havos poste seriozajn prisanajn problemojn.

Altebrilas (Montri la profilon) 2024-aŭgusto-03 15:27:22

Kiu rilato pri la temo?........ ...........

Reen al la supro