Til innholdet
Svare

Ĉu Esperanto estas kulto?

fra Nala_Cat15,2021 9 10

Meldinger: 23

Språk: Esperanto

Nala_Cat15 (Å vise profilen) 2021 9 10 05:41:43

Mi ofte vidas tion ke neesperantistoj (kaj fojfoje jaesperantistoj) diri ke esperanto estas kulto. Ĉu vi ĉiuj, kiel esperantistoj, kredas ke esperanto/esperantismo estas kulto? Se jes, Ĉu bonas? Ĉu malbonas? Almenaŭ ĉu esperantistoj estas kultemaj?

sendiulo (Å vise profilen) 2021 9 10 08:09:02

Nu kiel diri... Kiam mi eksciis pri Esperanto, mi estis fascinita de ĝi. Komuna neŭtrala lingvo por la tuta mondo estas grandioza ideo. Kaj ĝia facileco kompare kun ĉiuj naciaj lingvoj estas grava eco, kiun Zamenhof enmetis en sian kreaĵon. Mi ne vidas iun rilaton al kultoj.

Povas esti kulto iu ligas kun esperanto-movado. Nu la movado ekzistas por disvastigo de Esperanto. Ĉu iu kulto ekzistas por bona ideo? Mi dubas.

Kaj krom tio, ekzemple en Afriko, en D. R. Kongo Esperanton oni uzas kiel propedeŭtikon. Pri kulto ankaŭ ne temas.

sergejm (Å vise profilen) 2021 9 10 08:49:55

Esperanto estas bela ideo, sed plejmulto ne vidas tujan utilon de ĝia lernado - pli utile estas lerni la anglan. Kaj eĉ la angla ne necesas - nuna google translate tradukas sufiĉe bone. Kune kun programoj Voice Recognition kaj Text To Speach oni povas paroli kaj tuj recevi voĉan tradukon. Tamen troviĝas iuj frenezuloj, kiuj lernas Esperanton...

Frano (Å vise profilen) 2021 9 10 09:44:32

vikipedio:Kulto estas sistemo de omaĝaj aŭ respektaj praktikoj (ceremonioj, ritoj, preĝoj), per kiuj homoj esprimas sian respekton al dio, diaĵo aŭ speciala persono mita aŭ reala, aŭ eĉ senvivaĵo aŭ fenomeno al kiu estas agnoskata dimensio de supera graveco, eminenteco aŭ sankteco. Kulto estas unu el la elementoj de religioj. En vasta senco, la termino oni povas apliki al moralaj valoroj, (ekzemple de justeco) aŭ sociaj valoroj (ekzemple de la patrio).
https://eo.wikipedia.org/wiki/Kulto
Alivorte la demando estas: Ĉu Esperanto estas sistemo de omaĝaj aŭ respektaj praktikoj per kiuj ni esprimas respekton al iu/io ?
Mi ne konas tian sistemon.

sergejm (Å vise profilen) 2021 9 10 11:08:30

Estas kultoj, kiuj uzas Esperanton, sed Esperanto mem ne estas kulto.

sendiulo (Å vise profilen) 2021 9 11 05:34:44

Interese, en PIV estas la tria signifo de vorto kulto: respektego, kvazaŭreligia adorado. Povas esti konduto de iuj esperantistoj similas al tio kaj tiam iuj pensas, ke Esperanto estas kulto...

sendiulo (Å vise profilen) 2021 9 11 05:40:14

sergejm:Esperanto estas bela ideo, sed plejmulto ne vidas tujan utilon de ĝia lernado - pli utile estas lerni la anglan. Kaj eĉ la angla ne necesas - nuna google translate tradukas sufiĉe bone. Kune kun programoj Voice Recognition kaj Text To Speach oni povas paroli kaj tuj recevi voĉan tradukon. Tamen troviĝas iuj frenezuloj, kiuj lernas Esperanton...
Jes, mi eĉ pensas, ke guglo-tradukilo nocas kaj al Esperanto, kaj al la homaro (ĉar la homoj kutimiĝas traduki ne per sia cerbo, sed per maŝino).

sendiulo (Å vise profilen) 2021 9 11 06:56:06

Aldone, se nia movado havas la himnon kaj la simbolojn, ĉu Esperanto estas kulto? Mi tiel ne opinias.

LM59650 (Å vise profilen) 2021 9 13 07:07:50

Zamenhof iomete similas profeton okulumo.gif

sergejm (Å vise profilen) 2021 9 13 09:21:26

Profeton oni sendube sekvas. Zamenhof ne estis tia.

Tibake til toppen