У садржају

"Nombro de" kaj "nombro da"

од Frano, 13. септембар 2026.

Поруке: 35

Језик: Esperanto

Frano (Погледати профил) 13. септембар 2026. 07.48.35

Mi vidas en Tekstaro de Esperanto, ke la tipaj strukturoj estas:
"la nombro de la X"
kaj
"ia nombro da Y"
Ĉu vi povas klarigi la specifaĵojn de ilia uzado? Dankon.

Altebrilas (Погледати профил) 13. септембар 2026. 12.41.04

La nombro de la tabelvortoj estas 45, kaj Esperanto enhavas ian nombron da aliaj gramatikaj vortetoj.
Mi prefere uzus "iun", ĉar tiu nombro estas tia, kian oni nomas "entjero".

Frano (Погледати профил) 14. септембар 2026. 04.55.32

Altebrilas:La nombro de la tabelvortoj estas 45, kaj Esperanto enhavas ian nombron da aliaj gramatikaj vortetoj.
Dankon!
Bedaŭrinde, mia "neŭra reto" jam malbone lernas el (la? iu?) nombro de (da?) (la? iuj?) ekzemploj.
Ĉu vi povus formuli ĝeneralan regulon?

Altebrilas (Погледати профил) 14. септембар 2026. 09.05.38

Bedaŭrinde, ne temas pri reguloj.

Laŭ PreVo, uzi ia, kia... anstataŭ iu, kiu... estas evitinde, sed Zamenhof mem toleris tion.

mitchalstarc (Погледати профил) 25. септембар 2026. 17.01.03

jfg

amigueo (Погледати профил) 05. октобар 2026. 12.18.08

Altebrilas:
La nombro de la tabelvortoj estas 45, kaj Esperanto enhavas ian nombron da aliaj gramatikaj vortetoj.
Mi prefere uzus "iun", ĉar tiu nombro estas tia, kian oni nomas "entjero".
Kion diri de jenajxoj?:
Tiu nombro estas tia, kiun oni nomas "entjero".
Tiu nombro estas tia, ke oni nomas gxin "entjero".

Altebrilas (Погледати профил) 05. октобар 2026. 17.46.39

La unua strangas. Ĉu tia anstataŭigas "de tiu speco" ?

Se tio validus,
"Tie" anstataŭaigante "en tiu loko",
ankaŭ validus:
Ni kunvenis tie, *kiun vi malpurigis hieraŭ

Ĉu tia regulo estas konsilinda?

amigueo (Погледати профил) 06. октобар 2026. 00.00.42

NePorKomencantoj

Validus ankaŭ:
Tiu nombro estas tia, kion oni nomas "entjero".
Ni kunvenis tie, kion vi malpurigis hieraŭ.
Kaj ankaŭ:
Ili malaperis tial, kiun/kion ni tiom timis.
Ĉio okazis tiam, kiu(j)n neniu antaŭvidis.
Mi amas vin tiom, kiu(j)n Einstein ne kapablis enekvaciigi.
Aĉetu ĉiam, kiu(j)n mi notis (mi notis kelkajn datojn por aĉeti).
Vestaĵoj ĉiaj, kiu(j)n vi kapricos.
Neniel, kiu(j) malpermesins (malpermesitneniel, nenimalpermesitel)

Laŭ mi, la regulo estas logika kaj konsilinda.
Almenaŭ meritas eksperimentin, kaj ĝis nun ĝi ne trublas.

ЮриС (Погледати профил) 11. октобар 2026. 18.57.06

1. la nombro de la X (nombro de specifa grupo)
La prepozicio de uzatas, kiam ni parolas pri specifa, difinita grupo aŭ aparteno. La akcento estas sur la grupo mem, ne nur sur abstrakta kalkulo.
• la nombro de la loĝantoj (la nombro de la loĝantoj [de specifa urbo])
• la nombro de la partoprenantoj (la nombro de la partoprenantoj [de specifa evento])

2. nombro da Y (kvanto de io)
La prepozicio da uzatas post vortoj, kiuj indikas mezuron, kvanton aŭ volumenon (nombro, multo, kilo, glaso), por montri, kio precize estas mezurata. La akcento estas sur nedifinita amaso aŭ kalkulo.
• ia nombro da homoj (ia kvanto da homoj)
• grandaj nombroj da steloj

Se temas pri specifa, difinita grupo ("nombro de kiu precize?") → de.
Se oni povas demandi "kiom?" (mezuro) → da.

Ĉu vi legis la klarigojn en la vortaro de Kondratiev?

Altebrilas (Погледати профил) 12. октобар 2026. 08.11.41

"La kelnero alportis al mi glason de vino. Dum la vespermanĝo, li replenigis dufoje mian glason. Kiam mi eksidis antaŭ stirilon, mi estis trinkinte entute tri glasojn da vino"

Ĉu vi povas fari similan teksteton kun "nombro de" kaj "nombro da" por klarigi la malsamecon?

Вратите се горе