Přejít k obsahu
Odpovědět

Kio estas tiojn ĉijn : « » ?

od uživatele Scytheandsickle ze dne 25. ledna 2009

Příspěvky: 12

Jazyk: Esperanto

Scytheandsickle (Ukázat profil) 25. ledna 2009 3:22:28

Mi ne povas trovi la vorton por « kaj ».

Ili estas noma "guillemet" en la angla, la franca kaj la nederlanda. "Comillas" en la hispana kaj "sjevron" en la norvega kiel la ⟨ ⟩.

Mi pensas "ĉevrono"? Iu scias la vorton?

rosto (Ukázat profil) 25. ledna 2009 6:22:54

Mia varianto:
« » estas angulaj citiloj
« estas malfermanta angula citilo kaj
» estas fermanta angula citilo

P.S. Kio estas tiojn ĉijn

Scytheandsickle (Ukázat profil) 25. ledna 2009 6:33:17

Ah, dankon. Mi pensis ke "Ĉijn" estis stranga. Mi ne pensis.

sergejm (Ukázat profil) 25. ledna 2009 10:28:16

"tio" ne povas havi multenombron, "ĉi" estas neŝanĝebla.
Do la demando devas esti:
Kio estas tio ĉi: « » ?
aŭ:
Kio estas tiuj ĉi signoj: « kaj » ?

rosto (Ukázat profil) 25. ledna 2009 11:20:59

sergejm:"tio" ne povas havi multenombron
Kiu diris al vi tion? Vidu ekzemple ĉi tiun saĝan opinion:
http://www.esperanto.mv.ru/Cetero/ioj.html

horsto (Ukázat profil) 25. ledna 2009 12:28:37

Ĉu tio ne estas nur ideo aŭ propono? Fakte oni ne uzas pluralon por la vorto "tio".
Por mi la fakto, ke "tio" ne havas pluralon, estis ĉiam bona rimedo por distingi ĉu temas pri "tio" aŭ "tiu".

P.S. "Kio estas tioj ĉi" estas ĉiukaze malĝusta, ĉu vi ne estus skribinta: "Kioj estas tioj ĉi"
Nun la problemoj ekas.

rosto (Ukázat profil) 25. ledna 2009 13:18:31

"Kio estas tio ĉi", "Kio estas tioj ĉi", "Kioj estas tioj ĉi" - ĉioj estas korektaj.
horsto:Ĉu tio ne estas nur ideo aŭ propono?
Kia ideo? Kia propono? Kiu kiam malpermesis uzon de pluralo ĉikaze? Tioj estas simplaj tabelvortoj.

sergejm (Ukázat profil) 25. ledna 2009 14:57:24

rosto:
sergejm:"tio" ne povas havi multenombron
Kiu diris al vi tion? Vidu ekzemple ĉi tiun saĝan opinion:
http://www.esperanto.mv.ru/Cetero/ioj.html
Vere, kio/tio/ĉio/io povas iam esti multenombraj, malgraŭ tio ke multaj gramatikoj diras ke ne.
Kio estas tio ĉi « »? Tio ĉi estas (paro da) angulaj citiloj.
Kio estas tioj ĉi « »? Tioj ĉi estas angulaj citiloj.
Kioj estas tioj ĉi « »? Tioj ĉi estas malfermanta kaj fermanta angulaj citiloj.

rosto (Ukázat profil) 26. ledna 2009 18:04:34

Mi trovis jenan belan poezian tekston ĉe http://memorujo.over-blog.com/article-23427951.h... Ĉi tio estas ekzemplo de bona uzo de "ioj kaj tioj" en poezio.
Pluvas kaj ventas... Duboj oktobraj, nenietoj dimanĉaj...

Ej ! Jen pluvo kaj vento..tiktakas gutoj... Frapoj supre, ĉielo nigretas. Animo grizas? ne.. Malordo regas endome, dormetas la cerbo.. Kaj...

Jen. Mi ellasu vortojn, liberigu parolon, ĝuu plaĉon de l'tajpo.. La familianoj jen dormas jen forestas en aĉetoj ekstere..

Ĉu mesaĝon mi eltajpos eksteren, ĉu por tutmonda legantaro mi parolos pri mia laboro, pri francujaj okazaĵoj, pri ioj kaj tioj ?

Ĉu mi diros pri tiu grandega velŝipo kiu apenaŭ povas pasi sub tiu pontego, kiu altas tiom kiom triumfarko en Parizo ?

Ĉu mi rakontos pri epilepsio, malforta memorkapablo ?

Ĉu je la momento diri ion en la memorujo bloga mi trovos la adreson kaj pasvorton ? Mi forgesis.. Do, esploru mi la notkajereton por retrovi ilin.. Jen la la memoro de amnezietulo.
Ĉu mi iĝos tiu ŝtatfunkciulo kiu, maljuniĝante, revenetas al la iama anarkiismemo ?... Jesete..

Venontan fojon mi eldiros kurson pri filozofio, politiko, ĝardenadon...Venontan fojon mi rakontos pri herboj sovaĝaj kiuj invadas razenon ne prizorgitan..

Imperiestro Mongo (Ukázat profil) 27. ledna 2009 0:39:29

Rimarko: La io-vortoj estas uzataj nur ununombre: Per kio (ne «kioj») iras la homoj? Per la piedoj.
[La tuta Esperanto. Dek-tria leciono. 91-an paragrafon. Henrik Seppik.]

Teorie la ĵus diritaj formoj ["ioj", "tioj", "kioj" k.t.p.] tute bone povas havi multenombron tiel same, kiel ili havas akuzativon; sed en la praktiko mi ne konsilas al vi uzi la diritajn vortojn en multenombro, ĉar laŭ mia opinio ilia senco tion ĉi ne permesas. "Tio" prezentas ja ne ian difinitan objekton, sed ian bildon (aŭ abstraktan ideon), kaj bildo restas ĉiam ununombra sendepende de tio, ĉu ĝi konsistas el unu objekto aŭ el multaj.
[La respondo de Zamenhof.]

Amike.

IM

Zpět na začátek