Kwa maudhui
Kujibu

Ĉu vere la filmo Angoroj fine aĉeteblas?

ya Miland, 12 Februari 2009

Ujumbe: 8

Lugha: Esperanto

Miland (Wasifu wa mtumiaji) 12 Februari 2009 2:24:30 alasiri

Angoroj ŝajne aĉetablas ĉi tie. Sed ĉu ĝi estas aĉetinda? Kiel ĝi komparas, pri kvalito, kun Incubus aŭ la pli novaj filmoj de Imagu? Ĝi plaĉis al mi pli ol Incubus, sed eble ne tiom, kiom La Patro.
Kion vi opinias?

sinjoro (Wasifu wa mtumiaji) 16 Februari 2009 10:01:42 asubuhi

Miland:Angoroj ŝajne aĉetablas ĉi tie. Sed ĉu ĝi estas aĉetinda? Kiel ĝi komparas, pri kvalito, kun Incubus aŭ la pli novaj filmoj de Imagu? Ĝi plaĉis al mi pli ol Incubus, sed eble ne tiom, kiom La Patro.
Kion vi opinias?
Inter la filmoj, kiujn vi menciis, Angoroj estas la plej bona laŭ mi. En ĝi ludas bonvoĉaj esperantistaj aktoroj kaj majstra Raymond Schwartz, laŭ sufiĉe normala, krimfilma skemo. Certe ne al ĉiu ĝi plaĉos: tro longas la unua parto (desupre vidata Parizo kaj rakonto pri pulbazaro), iom troigitaj estas dialogoj, kaj la fino estas iom stranga ridulo.gif. Tamen mi tre ĝuis la spektadon.

Incubus estas ankaŭ spektinda, malgraŭ ke ĝi estas stulta kaj ke mi pli multe komprenis de anglaj subskriboj ol de voĉaj dialogoj ridulo.gif Oni ĝin spektu nur pro fuŝuzita Esperanto, ĉar la filmo mem estas malinteresa.

"La patron" mi ne vidis. Mi spektis nur reklamfilmon, en kiu ĝi prezentiĝas kiel sapoperao sen ĉefa ideo; ĉu vi spektis ĝin kaj povas plie priskribi?

Aparte mi povas rekomendi la filmon "La Duonokulvitro" en kiu ludas bonege nur unu brita aktoro. Li ne estas esperantisto, sed lia prononco estas perfekta!

Miland (Wasifu wa mtumiaji) 16 Februari 2009 10:49:52 asubuhi

Mi vidis La Patro. La filmo estas dramo, eble bazita sur novelo. Maljunulo revenas al hejmo, kiun li forlasis dum multaj jaroj. Kial? Ĉu ĉiuj el la familio bonvenigos lin? La fino ŝajnis iom mistera. Miaopinie, ĝi estas spektinda, sed mi ne volas kompari ĝin al La Duonokulvitro, ĉar la du estas malsamaj specoj de filmo; La Patro ne estas komedio.

sev (Wasifu wa mtumiaji) 16 Aprili 2010 5:43:30 alasiri

Angoroj ? Jam en eMule, baldaŭ en Megavideo...

sinjoro (Wasifu wa mtumiaji) 16 Aprili 2010 10:10:21 alasiri

sev:Angoroj ? Jam en eMule, baldaŭ en Megavideo...
jes, oni povas ankaŭ elŝuti la filmon per torento, kiel mi faris ridulo.gif

sev (Wasifu wa mtumiaji) 28 Aprili 2010 9:50:32 alasiri

sinjoro:Incubus estas ankaŭ spektinda, malgraŭ ke ĝi estas stulta kaj ke mi pli multe komprenis de anglaj subskriboj ol de voĉaj dialogoj ridulo.gif Oni ĝin spektu nur pro fuŝuzita Esperanto, ĉar la filmo mem estas malinteresa.
Do, necesas esperantaj subtekstoj por la komencantoj ridulo.gif

sev (Wasifu wa mtumiaji) 30 Aprili 2010 6:06:02 asubuhi

"Angoroj" en megavideo, sed ne kun tre alta kvalito.
http://filmoj.net/forumo/topic.php?id=19&replies...

KienLi (Wasifu wa mtumiaji) 30 Aprili 2010 9:15:21 asubuhi

Baldaŭ en Verda Filmejo aperos la filmoj "Angoroj", "Babel'", "Mephisto", "Tiel estas la viv'", kiuj estis produktitaj aŭ dublitaj en Esperanto.

Ili aperos pli proksime al nia unua jubileo. La Verda Filmejo festos la unuan datrevenon.

Kurudi juu