Към съдържанието
Отговор

Se ekzistus Esperantujo, ĉu vi volus loĝi tie?

от erinja, 17 декември 2009

Съобщения: 32

Език: Esperanto

erinja (Покажи профила) 17 декември 2009, 14:58:19

Se ekzistus vera lando de Esperantujo, ĉu vi volus loĝi tie? Kial, aŭ kial ne?

gyrus (Покажи профила) 17 декември 2009, 16:11:57

Jes, ĉar tio amuzus kaj interesus.

robinast (Покажи профила) 17 декември 2009, 16:31:00

Ne - ĉar mi ne deziras loĝi nenie krom mia hejmlando. Sed certe mi estus ofta gasto en Esperantujo!

AlfRoland (Покажи профила) 17 декември 2009, 17:25:26

Ne, ĉar se ekzistus tia ŝtato esperanto estus nacia lingvo kaj ne plu neŭtrala. Eble tio estus konvena al la framasonoj en Esperanta Civito.

Continuum (Покажи профила) 17 декември 2009, 17:28:06

Kial ne !? rideto.gif tio estus tre interese vivi ĉiukune! sed mi volus la varman sunon tutjare ankaŭ okulumo.gif

horsto (Покажи профила) 17 декември 2009, 21:03:52

AlfRoland:Ne, ĉar se ekzistus tia ŝtato esperanto estus nacia lingvo kaj ne plu neŭtrala.
Vi pravas, Esperanto ne plu estus neŭtrala internacia lingvo se ĝi estus la oficiala lingvo de iu lando.
Krome, ĉu ne estas Esperantujo ĉie, kie Esperantistoj renkontiĝas? Kaj eble eĉ tie, kie unuopulo okupiĝas pri Esperanto.

Miland (Покажи профила) 17 декември 2009, 21:29:21

Mi certe volus viziti tian landon, sed ĉu loĝi tie - mi ne scias.

Estas bone pensiga hipoteza demando. Ĝi sekvigas aliajn demandojn: kia lando estus 'Esperantujo'? Kia estus ĝiaj polisoj al aliaj landoj? Kia estus ĝia sinteno al eksterlandaj Esperantistoj? Ĉu ĝia baza sinteno estu inspirita de la homaranismo de Zamenhof? Kiel oni havigu la teron?

Pli baze, la ideo de lando 'Esperantujo' etendas la ideon de Zamenhof de neŭtrala lingvo al neŭtrala nacio. Ĉu nacio vere povas esti la plej neŭtrala inter ĉiuj aliaj?

roint (Покажи профила) 17 декември 2009, 21:50:20

Fakte, mi verŝajne enmigrus tien. Speciale se ĝi estus regata bone. Eblas ke mi estas tre (aŭ tro) esperema, sed mi efektive pensas ke la homoj ja estus bonaj, konsciencaj aŭ almenaŭ pensemaj. Kaj ĉiukaze, ŝanĝo de paŝo plaĉus al mi nune.

Kial, ĉu vi planas aĉeti ian malgrandan insulon ie?

Frankouche (Покажи профила) 17 декември 2009, 21:59:36

Jes sed mi certe loĝos en iu kvartalo kie uloj cidiras okulumo.gif

Rodrigoo (Покажи профила) 18 декември 2009, 00:56:44

Ceeeeerte ne!
Ve, estus tre teda vekiĝi kaj kanti "La Espero" respekte al la Esperanto-Flago kaj omaĝe al Doktoro Zamenhofo...

Vivu la plurlingvecon!

okulumo.gif

Sammondane,
Ĥod

Обратно нагоре