Sisu juurde
Vasta

Ĉu "necesi" ekzistas ?

kelle poolt astroly, 25. veebruar 2010

Postitused: 7

Keel: Esperanto

astroly (Näita profiili) 25. veebruar 2010 14:49.03

Saluton :
Mi serĉis en la Reta Vortaro tiun ĉi vorton : necesi, sed bedaŭrinde ne trovis ĝin. Pro tio mi pensas ke ĝi eble ne povas esti derivata el la adjektivo necesa.
Ĉu mi pravas ?
Mi antaŭdankas.

tommjames (Näita profiili) 25. veebruar 2010 14:57.48

Preskaŭ ĉiuj adjektivaj radikoj en Reta Vortaro ne havas verbforman difinon, sed tio ne signifas ke oni ne povas uzi ilin verbe. La verbo "necesi" signifas "esti necesa", tre kutima vorto.

darkweasel (Näita profiili) 25. veebruar 2010 14:58.08

Se vi havas adjektivan radikon kaj aldonas verban finaĵon al ĝi, la signifo estas esti .... Do, necesi signifas esti necesa aŭ esti necese.

Espi (Näita profiili) 25. veebruar 2010 18:22.33

darkweasel:Do, necesi signifas esti necesa aŭ esti necese.
Aŭ bezoni, ĉu ne?

darkweasel (Näita profiili) 25. veebruar 2010 18:30.21

Espi:
darkweasel:Do, necesi signifas esti necesa aŭ esti necese.
Aŭ bezoni, ĉu ne?
Ne.

Sxak (Näita profiili) 17. märts 2010 7:47.41

Jes, "necesi" ekzistas
Kaj mi povas aldoni, ke granda ofteco de tiu vorto en iu teksto markas ruslingvan aŭtoron. Malgraŭ, ke ĝia uzo neniam estas eraro, tamen trouzo de tiu vorto fare de iu ruso laŭ mia opinio montras la nekapablon bone traduki.

super-griek (Näita profiili) 31. märts 2010 12:09.29

Espi:
darkweasel:Do, necesi signifas esti necesa aŭ esti necese.
Aŭ bezoni, ĉu ne?
Necesi pli-malpli egalas "esti bezonata":

Se oni volas fari kukojn, oni bezonas ovojn.
Se oni volas fari kukojn, necesas ovoj.
Atentu la akuzativon okulumo.gif

Tagasi üles