Więcej
Odpowiedz

Ĉu "necesi" ekzistas ?

od astroly, 25 lutego 2010

Wpisy: 7

Język: Esperanto

astroly (Pokaż profil) 25 lutego 2010, 14:49:03

Saluton :
Mi serĉis en la Reta Vortaro tiun ĉi vorton : necesi, sed bedaŭrinde ne trovis ĝin. Pro tio mi pensas ke ĝi eble ne povas esti derivata el la adjektivo necesa.
Ĉu mi pravas ?
Mi antaŭdankas.

tommjames (Pokaż profil) 25 lutego 2010, 14:57:48

Preskaŭ ĉiuj adjektivaj radikoj en Reta Vortaro ne havas verbforman difinon, sed tio ne signifas ke oni ne povas uzi ilin verbe. La verbo "necesi" signifas "esti necesa", tre kutima vorto.

darkweasel (Pokaż profil) 25 lutego 2010, 14:58:08

Se vi havas adjektivan radikon kaj aldonas verban finaĵon al ĝi, la signifo estas esti .... Do, necesi signifas esti necesa aŭ esti necese.

Espi (Pokaż profil) 25 lutego 2010, 18:22:33

darkweasel:Do, necesi signifas esti necesa aŭ esti necese.
Aŭ bezoni, ĉu ne?

darkweasel (Pokaż profil) 25 lutego 2010, 18:30:21

Espi:
darkweasel:Do, necesi signifas esti necesa aŭ esti necese.
Aŭ bezoni, ĉu ne?
Ne.

Sxak (Pokaż profil) 17 marca 2010, 07:47:41

Jes, "necesi" ekzistas
Kaj mi povas aldoni, ke granda ofteco de tiu vorto en iu teksto markas ruslingvan aŭtoron. Malgraŭ, ke ĝia uzo neniam estas eraro, tamen trouzo de tiu vorto fare de iu ruso laŭ mia opinio montras la nekapablon bone traduki.

super-griek (Pokaż profil) 31 marca 2010, 12:09:29

Espi:
darkweasel:Do, necesi signifas esti necesa aŭ esti necese.
Aŭ bezoni, ĉu ne?
Necesi pli-malpli egalas "esti bezonata":

Se oni volas fari kukojn, oni bezonas ovojn.
Se oni volas fari kukojn, necesas ovoj.
Atentu la akuzativon okulumo.gif

Wróć do góry