Al la enhavo
Respondi

Ĉu vi deziras ion ajn ŝanĝi en esperanto?

de Eddycgn, 2011-januaro-15

Mesaĝoj: 85

Lingvo: Esperanto

Eddycgn (Montri la profilon) 2011-januaro-15 19:03:17

Ĉu vi deziras ke io ajn estu ŝanĝita je la gramatiko, la skribmaniero aŭ la aliaj reguloj de esperanto?

Mi legis multajn proponojn kaj volas scii kiom estas la procento de kiuj deziras ŝanĝojn.

Hispanio (Montri la profilon) 2011-januaro-15 19:25:06

TUTE NE shoko.gif

vidas vandenis (Montri la profilon) 2011-januaro-15 21:35:32

Eddycgn:Ĉu vi deziras ke io ajn estu ŝanĝita je la gramatiko, la skribmaniero aŭ la aliaj reguloj de esperanto?

Mi legis multaj proponojn kaj volas scii kiom estas la procento de kiuj deziras ŝanĝojn.
Unue,kion NE ŜANĜI-NE elimini la AKUZATIVON.

rafano (Montri la profilon) 2011-januaro-15 21:55:30

Jes! Mi volas ke la nombro da parolantoj kresku!

geo1963 (Montri la profilon) 2011-januaro-15 21:59:14

Eddycgn:Ĉu vi deziras ke io ajn estu ŝanĝita je la gramatiko, la skribmaniero aŭ la aliaj reguloj de esperanto?

Mi legis multaj proponojn kaj volas scii kiom estas la procento de kiuj deziras ŝanĝojn.
Kaj vi, ĉu vi deziras ŝanĝojn en la germana lingvo? Se ne, kial ne?
Esperanto estas bona lingvo kaj ĝis nun ne tute esplorita de esperantistaro. Ĝi certe ne bezonas ŝanĝojn - ĝi bezonas novajn ideojn por esprimi la realecon, same kiel ĉiu ajn viva lingvo.

Sxak (Montri la profilon) 2011-januaro-16 02:02:28

geo1963:
Kaj vi, ĉu vi deziras ŝanĝojn en la germana lingvo? Se ne, kial ne? .
Mi supozas ke li, estante italo loĝanta en Germanio, ĝuste deziras tiajn ŝanĝojn ridulo.gif)

RiotNrrd (Montri la profilon) 2011-januaro-16 02:06:28

Ne. La aktualaj reguloj taŭgas bone.

Terurĉjo (Montri la profilon) 2011-januaro-16 07:32:48

Jen estas jam ŝanĝita Esperanto, sen ĉapeloj, sen deviga uzado de akuzatuvo kaj kun aliaj multegaj plibonigaĵoj:

Modernigita Esperanto.

Do, sukcesojn!

zan (Montri la profilon) 2011-januaro-16 08:15:25

Esperanton oni jam uzadas en la mondo. Multaj Esperantaj libroj jam estis eldonitaj kaj novaj lernantoj legas ilin. Do mi pensas, ke neniu povos ŝanĝi disvastiĝintan Esperanton, eĉ se ĝi havas malkontentigajn detalojn por iu.

darkweasel (Montri la profilon) 2011-januaro-16 10:32:59

Terurĉjo:Jen estas jam ŝanĝita Esperanto, sen ĉapeloj, sen deviga uzado de akuzatuvo kaj kun aliaj multegaj plimalbonigaĵoj:
Mi korektis vian frazon por vi! sal.gif

Respondante al la demando, mi nur dezirus, ke homoj ĉesu uzi aĉajn landnomojn kiel Germanio anstataŭ Germanujo kaj Esperantigojn de produkt-, var- kaj personnomoj. Tio tamen ne ŝanĝus ion en Esperanto mem ...

Reen al la supro