Příspěvky: 24
Jazyk: Esperanto
ceigered (Ukázat profil) 1. února 2011 15:17:04
(vi povas respondi al tiun ĉi demandanto nur uzante "jes" aŭ "ne", nature kaj sen aliaj vorto krom "jes" kaj "ne")
En la angla forumo ni diskutis inter unu la alian la temon de la uzo de "jes" kaj "ne", kiam la origina demando estas laŭ la strukturo de "Ĉu (...) ne (...)?", ekzemple:
"Ĉu vi ne venos al la festo"
A) "Jes, mi venos"
B) "Jes, mi ne venos"
C) "Ne, mi venos"
D) "Ne, mi ne venos".
Tiuj respondoj ja estas kompreneblaj, sed la problemo aperas al ni kiam la respondanto uzas nur la "jes" aŭ la "ne", aŭ se la demandanto ne komprenas uzon (de jesa/nea vorto kiu estas uzata kun jesa/nea frazo) kiu ne estas en sia denaska lingvo.
Do, enketon por vi ĉiuj kiuj parolas multajn lingvojn kaj ne nur (aŭ "ne" sen la "nur") la anglan lingvon!
El la angla forumo:
Mi:"Se oni demandus al vi "Ĉu vi ne donos ĝin al mi?", kaj vi volus diri "Mi (ja/ne) donos ĝin al vi", sed vi nur povus diri "jes" aŭ "ne", kiel vi respondus - sen tropensado pri tiu ĉi demando!
Eddycgn (Ukázat profil) 1. února 2011 17:30:54
En mia lingvo (la itala), duoblaj negacioj estas permesataj.
Mi eble dirus tion ankaŭ esperante, do mi kredas ke ĝi malpermesatas = eraras.
Genjix (Ukázat profil) 1. února 2011 19:36:17
dobri (Ukázat profil) 1. února 2011 20:37:46
Ĝustan frazon: "Mi neniam faris ion similan." oni kutime diras en la ĉeĥa laŭvorte:"Mi neniam ne faris nenion similan."
zan (Ukázat profil) 2. února 2011 0:47:33
ceigered:La demando por la enketo: Se oni demandus al vi "Ĉu vi ne donos ĝin al mi?", kaj vi volus diri "Mi (ja/ne) donos ĝin al vi", sed vi nur povus diri "jes" aŭ "ne", kiel vi respondus? - sen tropensado pri tiu ĉi demando!En la japana lingvo al simpla demand-frazo oni respondas:
"Ĉu vi ne iris tien?" "Jes(,mi ne iris)." aŭ "Ne(,mi iris kontraŭ via supozo)."
Sed kiam la demand-frazo signifas ian peton k.s., la respondo varias.
"Ĉu vi ne iros?(Ni iru.)" "Jes(,ni iru)." aŭ "Ne(,mi ne volas iri)."
Tio tute dependas de la situacio.
Sed en Esperanto mi lernis, ke plejparto de eŭropanoj respondas malsame kiel ni. Ili respondas "Ĉu vi ne iris tien?" "Ne(,mi ne iris)." Do nepre imitu tion. Japana maniero estas eraro en Esperanto. Mi lernis tiel. Aŭ , se ne volas tiel, nepre aldonu frazon."Jes, mi ne iris."
ceigered (Ukázat profil) 2. února 2011 6:06:30
Certe, Esperante, oni devus respondi klare kaj kun la bezoninda kunteksto. Sed mia demando estas por kompreni kiel ni ĉiuj kiel esperantistoj pensas pri "jes" kaj "ne", do la celo de la demando estas bedaŭrinde eta (do mi ne donis pluajn respondojn). Eble, la rezulto de la enketo povas helpi plibonigi la jesa-neaj frazojn de lernantoj (sed mi ne vere scias pri ĝi).
Zan, via respondo interesas min - la Japana sistemo ŝajnas al mi logika. Eble en la angla lingvo oni fojfoje uzas la saman metodon.
Terurĉjo, mi ne komprenas vian respondon pri la "ĉi"
. Ĉu mi trouzas ĝin? Mia stranga multlingva menso volas uzi nur "tiu" ofte, sed al mia angla menso, tio estas malbona ĉar en la angla lingvo estas forta distingo pri proksimeco. Konfuze! 
Duoblaj neoj estas strangaj, sed tre komunaj nuntempe (eĉ en la angla, kaj eĉ laŭregula Afrikansa ankaŭ havas duoblan negacion - "Ek kan nie Afrikaans goed praat nie" (tiu eble estas malbone skribita frazo)!)
zan (Ukázat profil) 3. února 2011 1:00:54
Kiel estas en la aliaj orientaj lingvoj? Ĉu ĉiam la orienta sistemo?
Kaj kiel estas en la 'okcidentaj' lingvoj? Ĉu ĉiam la okcidenta sistemo?
*1)
Kiam nea demando havas kaŝitan veran signifon, en la japana oni ofte respondas al la kaŝita signifo.
'Ĉu vi ne volas kafon?(Se vi volas, bonvolu trinki.)' 'Jes!(Mi volas trinki.)' aŭ 'Ne.(dankon.)'
'Ĉu vi ne ĉeestis en la lasta kongreso?(Mi certas pri via ĉeesto, sed se maltrafas, mi ĝenos vin.)' 'Jes!(Ja mi ĉeestis! Ĉu ankaŭ vi?)' aŭ 'Ne..(Bedaŭrinde, vi mise rekonis min.)'
marcuscf (Ukázat profil) 4. února 2011 14:20:59
Se temas akcepto al nea invito, portugale oni simple povas ripeti la verbon. Se temas pri malakcepto, oni ofte povas aldoni motivon por la neo: "Ne, mi estas laca", sed simpla "ne" sufiĉas.
Tamen vidu ĉi tiun ekzemplon:
(post iom da babilado pri Esperanto, amiko demandas
- Do, (ĉu oni povas konkludi ke) Esperanto ne havas neregulajn verbojn?
- Jes / Prave / Ĝuste / Tio (tio => tiel estas)
La demando estas nea, sed ekzistas kaŝita demando: "ĉu oni povas konkludi ke...?", kaj al tiu demando mi emas respondi "jes"...
Komplika afero.
darkweasel (Ukázat profil) 4. února 2011 17:36:18
Por respondi pozitivan demandon, oni uzas ja por "jes" kaj nein por "ne".
Por respondi negativan demandon, oni uzas doch por "jes" laŭ la okcidenta sistemo/"ne" laŭ la orienta sistemo kaj nein por "ne" laŭ la okcidenta sistemo/"jes" laŭ la orienta sistemo.
Pro tio, mi uzas la okcidentan sistemon en Esperanto. Mi do respondus al ĉu vi ne donos ĝin al mi? aŭ per jes, mi (ja) donos aŭ per ne, mi ne donos. Mi ne respondus per nura jes aŭ ne, ĉar tio estus miskomprenebla.
Pro influo de mia denaska lingvo, simple ŝajnus al mi tro strange respondi ne, mi donos.
Ne estas tamen eraro uzi la orientan sistemon. Laŭ mi estas plej bone simple ĉiam eldiri, kion oni celas, kiam oni respondas negativan demandon. Tiel oni tute ne riskas esti miskomprenata.
sudanglo (Ukázat profil) 5. února 2011 11:41:15
Kaj super ĉio gravas ke estu kohera sistemo por eviti miskomprenojn.
Estus same strange respondi al la demando Ĉu vi vidis neniun'? per 'Neniun, mi vidis John'
La sistemo de mallongaj respondoj al negative Ĉu demandoj kun NE devus esti la sama kiel tiu por demandoj en kiu la negativa vorto estas Neniam, Neniu, Nenion kaj Nenie.
Ĉu vi neniam trinkas kafon? Neniam
Ĉu vi havas neniun ideon? Absolute Neniun
Ĉu vi rimarkis nenion strangan. Tute ne, nenion.
Notu bone ke PMEG ne rekomendas la tiel nomatan orientan sistemon. Sed estas iom surprize ke PMEG eĉ komentis ĝin.
En ĉiuj libroj kiujn mi legis, kaj mi legis sufice multe en Esperanto. mi neniam rimarkis eĉ unu ekzemplon de tiu inversa sistemo.
Cetere se oni volas respondi en maniero pli konsenta kun la parolinto vi ĉiam povas diri Prave/vi pravas (kio ne egalas al Jes).
Vi ne povas prunti al mi 1000 eŭrojn? Ne respondu Jes!!!