NJ Esperantist:Mi iom scivolas ĉu 'senĝene' taŭgus. Laŭ mi tiu vorto egalas la angla 'no problem'.

Verŝajne ne por francoj, ĉar en la franca "sans-gêne" (literale "senĝenulo") signifas malĝentila persono. Do ili eble ne komprenus kial vi taksas ilian dankon malĝentila.

Ralph Glomp:Plej ofte mi respondas "volonte", sed nur, se mi vere libervole faris la demanditan taskon

Tio ŝajnas al mi bona varianto. Por iuj okazoj ne tiel plaĉas al mi 'nedankinde'. Ŝajne iuj pensas ke 'nedankinde' taŭgas por ĉiuj okazoj. Interese, ĉu estas akcepteble uzi aliajn vortojn kiel 'volonte' aŭ 'plezure'?

NJ Esperantist:Kiel Vi Kutime Respondas al 'Dankon'?

Mi preferas diri: NedakENDe. Ĉar kiam vi diras, nedankINDe, vi esprimas, ke la afero kiun vi faris aŭ donis, ne valoras, ne estas inda je danko. Per nedankENDe vi esprimas, ke ne necesas danki, eĉ se ĝi valoras.
La lingvo fakte per la vorto "nedankinde" ŝtonigis esprimon, kiu ne tion diras, kion ni volas. Ĉu ne?

Katalin2593:
La lingvo fakte per la vorto "nedankinde" ŝtonigis esprimon, kiu ne tion diras, kion ni volas. Ĉu ne?

Mi komprenas vian argumenton, kaj mi certagrade konsentas. Ankaŭ al mi ne vere plaĉas 'nedankinde', sed kiel vi diris, ĝi ja ŝtoniĝis. Eble ni ne pensu pri la laŭlitera signifo de tiu vorto, ni ne tro analizu ĝin - sed ni eble simple akceptu ĝin kiel la kutima respondo al 'dankon'?! Tio estas tamen iom malfacila al mi, mi konfesas.

Katalin2593: Per nedankENDe vi esprimas, ke ne necesas danki, eĉ se ĝi valoras.

Tio ne vere helpas min, ĉar mi opinias ke oni ja ĉiam diru 'dankon' - necesas tia ĝentileco!

Katalin2593:

NJ Esperantist:Kiel Vi Kutime Respondas al 'Dankon'?

Mi preferas diri: NedakENDe. Ĉar kiam vi diras, nedankINDe, vi esprimas, ke la afero kiun vi faris aŭ donis, ne valoras, ne estas inda je danko. Per nedankENDe vi esprimas, ke ne necesas danki, eĉ se ĝi valoras.
La lingvo fakte per la vorto "nedankinde" ŝtonigis esprimon, kiu ne tion diras, kion ni volas. Ĉu ne?

Mi neniam pensis pri 'nedankENDe'. Vi pravas, sed mi pensas ke 'nedankinde' estas pli uzata ĉar ĝi estas pli humila.

Amike,

Daniel.

P.S. Se vi estas kiu mi pensas... ĉu via klavaro ankoraŭ funkcias (ĝi estas tre bonkvalita)? ĉu ĝi ankoraŭ gluiĝas?

Katalin2593:
Mi preferas diri: NedakENDe. Ĉar kiam vi diras, nedankINDe, vi esprimas, ke la afero kiun vi faris aŭ donis, ne valoras, ne estas inda je danko. Per nedankENDe vi esprimas, ke ne necesas danki, eĉ se ĝi valoras.
La lingvo fakte per la vorto "nedankinde" ŝtonigis esprimon, kiu ne tion diras, kion ni volas. Ĉu ne?

Iu jam respondis al mi nedankende!

Mi komprenis ĝin kiel ĝentilan rememorigon, ke mi forgesis danki...