Přejít k obsahu
Odpovědět

multo da, kelko da, sufiĉo da

od uživatele zan ze dne 13. června 2011

Příspěvky: 5

Jazyk: Esperanto

zan (Ukázat profil) 13. června 2011 11:50:52

Unu el la enigmoj en Esperanto, kaj verŝajne la plej, estas "multe da, kelke da, sufiĉe da", nome, "O-vorteca uzo de kvantaj E-vortoj".

Laŭ PMEG "multo da" estas permesita, sed "kelko da" ne estas uzata. Pri "sufiĉo da" PMEG eĉ ne mencias.

Tio estas regulo aŭ nura kutimo, mi supozas. Sed mi volas informiĝi, kial fariĝis tiel. Kial oni uzadas ilin tiel? Ĉu ne estus pli logika, se oni uzus ilin kiel substantivojn?

En la reto troviĝas "kelko da" kaj "sufiĉo da". Ĉu estontece ni ĝenerale uzos tiujn O-vortojn anstataŭ O-vortecaj E-vortoj?

Altebrilas (Ukázat profil) 13. června 2011 13:34:25

Zamenhof ne estis matematikisto. La parto de la lingvo, kiu rilatas pri kvantoj estas bedaŭrinde la malplej logika parto de la lingvo.

Oni devas parkere lerni esprimojn kiel "multe da", por paroli flue kompreneblan esperanton, t.e. kiu ne ŝokas la kutimojn de la aŭskultantoj.

Mustelvulpo (Ukázat profil) 13. června 2011 21:18:37

Mi opinias ke permesas diri, "Mi havas kelkon da pomoj" (kial ne?)sed "Mi havas kelkajn pomojn" estas multe pli preferata.

zan (Ukázat profil) 14. června 2011 8:30:08

Mi mem pensis. Antaŭ ol kulpigi "multe da, kelke da, sufiĉe da", mi devus diri pri "kiom da, iom da, pli da, tro da". "Kiom, iom, pli, tro" estas E-vorteĉj vortetoj laŭ PMEG, t.e. adverboj sen -e, kiuj signifas kvanton.

Kontraŭe tute ĝustas "milionon da, deko da, cento da", kiuj estas o-vortoj kaj povas nature fariĝi ĉu subjekton ĉu objekton.

Do, "mult(-e/-o) da, kelk(-e/-o) da, sufiĉ(-e/-o) da" havas du eblecojn.

Mi supozas, ke Zamenhof unue kreis "kiom, tiom, iom". OM-vortoj estas uzataj kaj E-vortece, kaj O-vortece laŭ PMEG. Tio estas iel stranga kaj tamen akceptebla kiel "escepto".

En la reto eĉ troviĝas "kiomo da, tiomo da, iomo da". Ha! Ankaŭ "plio da, troo da, troon da". Mi ne konsentas tiajn uzojn.

darkweasel (Ukázat profil) 14. června 2011 8:50:47

zan:
En la reto eĉ troviĝas "kiomo da, tiomo da, iomo da". Ha! Ankaŭ "plio da, troo da, troon da". Mi ne konsentas tiajn uzojn.
Mi opinias, ke ili povas esti utila por akuzativigi tiajn esprimojn.

Zpět na začátek