Skip to the content
Reply

multo da, kelko da, sufiĉo da

by zan, June 13, 2011

Messages: 5

Language: Esperanto

zan (User's profile) June 13, 2011, 11:50:52 AM

Unu el la enigmoj en Esperanto, kaj verŝajne la plej, estas "multe da, kelke da, sufiĉe da", nome, "O-vorteca uzo de kvantaj E-vortoj".

Laŭ PMEG "multo da" estas permesita, sed "kelko da" ne estas uzata. Pri "sufiĉo da" PMEG eĉ ne mencias.

Tio estas regulo aŭ nura kutimo, mi supozas. Sed mi volas informiĝi, kial fariĝis tiel. Kial oni uzadas ilin tiel? Ĉu ne estus pli logika, se oni uzus ilin kiel substantivojn?

En la reto troviĝas "kelko da" kaj "sufiĉo da". Ĉu estontece ni ĝenerale uzos tiujn O-vortojn anstataŭ O-vortecaj E-vortoj?

Altebrilas (User's profile) June 13, 2011, 1:34:25 PM

Zamenhof ne estis matematikisto. La parto de la lingvo, kiu rilatas pri kvantoj estas bedaŭrinde la malplej logika parto de la lingvo.

Oni devas parkere lerni esprimojn kiel "multe da", por paroli flue kompreneblan esperanton, t.e. kiu ne ŝokas la kutimojn de la aŭskultantoj.

Mustelvulpo (User's profile) June 13, 2011, 9:18:37 PM

Mi opinias ke permesas diri, "Mi havas kelkon da pomoj" (kial ne?)sed "Mi havas kelkajn pomojn" estas multe pli preferata.

zan (User's profile) June 14, 2011, 8:30:08 AM

Mi mem pensis. Antaŭ ol kulpigi "multe da, kelke da, sufiĉe da", mi devus diri pri "kiom da, iom da, pli da, tro da". "Kiom, iom, pli, tro" estas E-vorteĉj vortetoj laŭ PMEG, t.e. adverboj sen -e, kiuj signifas kvanton.

Kontraŭe tute ĝustas "milionon da, deko da, cento da", kiuj estas o-vortoj kaj povas nature fariĝi ĉu subjekton ĉu objekton.

Do, "mult(-e/-o) da, kelk(-e/-o) da, sufiĉ(-e/-o) da" havas du eblecojn.

Mi supozas, ke Zamenhof unue kreis "kiom, tiom, iom". OM-vortoj estas uzataj kaj E-vortece, kaj O-vortece laŭ PMEG. Tio estas iel stranga kaj tamen akceptebla kiel "escepto".

En la reto eĉ troviĝas "kiomo da, tiomo da, iomo da". Ha! Ankaŭ "plio da, troo da, troon da". Mi ne konsentas tiajn uzojn.

darkweasel (User's profile) June 14, 2011, 8:50:47 AM

zan:
En la reto eĉ troviĝas "kiomo da, tiomo da, iomo da". Ha! Ankaŭ "plio da, troo da, troon da". Mi ne konsentas tiajn uzojn.
Mi opinias, ke ili povas esti utila por akuzativigi tiajn esprimojn.

Back to the top