Al la enhavo
Respondi

Kio da tioj estas ĝusta?

de Vorĉjo, 2011-julio-29

Mesaĝoj: 4

Lingvo: Esperanto

Vorĉjo (Montri la profilon) 2011-julio-29 03:43:51

"Mi havas sperton pri lingvoj"
"Mi havas sperton en lingvoj"
"Mi havas sperton kun lingvoj"
"Mi estas sperta pri lingvoj"
"Mi estas sperta en lingvoj"
"Mi estas sperta kun lingvoj"

La PIV uzas "sperta en" kaj "sperto kun," sed devus esti "sperta pri" kaj "sperto pri," ĉu ne?

Miland (Montri la profilon) 2011-julio-29 09:46:57

La prepozicio pri certe estas pli ofte uzata antaŭ sperto, tamen miaopinie aliaj, ekz. en aŭ kun eblas.

darkweasel (Montri la profilon) 2011-julio-29 10:32:26

Laŭ mi ĉiuj eblas.

RiotNrrd (Montri la profilon) 2011-aŭgusto-06 04:41:58

Ĉar la prepozicioj en tiuj frazoj negravas (aŭ neklaras), la ĝusta prepozicio estas "je" (kvankam la aliaj prepozicioj ne tute malĝustas).

Kaj la substantivaj kaj adjektivaj metodoj ("havas sperton" / "estas sperta") taŭgas.

Ankaŭ, "spertas" funkcias. "Mi spertas je lingvoj" egalas la aliajn.

Aŭ, oni povas uzi adverbon anstataŭ la prepozicio: "Mi spertas lingve" ankaŭ samas.

Reen al la supro