Ke daftar isi
Balas

Pri "li" kaj "si" en unu frazo de Z.

dari Frano, 5 Mei 2017

Pesan: 10

Bahasa: Esperanto

Frano (Tunjukkan profil) 5 Mei 2017 18.27.32

En Antaŭparolo al Fundamento Zamenhof skribas: Tiujn ĉi tri verkojn la aŭtoro de Esperanto rigardadis ĉiam kiel leĝojn por li, kaj malgraŭ oftaj tentoj kaj delogoj li neniam permesis al si (almenaŭ konscie) eĉ la plej malgrandan pekon kontraŭ tiuj ĉi leĝoj;

Kial Z uzis unue "li" kaj poste "si" en tiuj du (tre similaj je la unua vido) kazoj ? (aŭ "okazoj" ? ridulo.gif)

P.S.
Bonvolu pardoni! Mi volis meti demandon en Konsultejon sed maltrafis malgajo.gif

sergejm (Tunjukkan profil) 5 Mei 2017 19.37.17

Influo de rusa lingvo.

Vinisus (Tunjukkan profil) 6 Mei 2017 12.50.41

Li devis zorgi pri si mem. Li neniam permesis al si fari tion. "Se li skribus: li neniam permesis al li fari tion", tiu li estus alia persono ne si mem. Li vokis sian amikon!

Plej amike.

Frano (Tunjukkan profil) 7 Mei 2017 06.07.53

Dankon al vi, sergejm kaj Vinisus!

Se li skribus: " li neniam permesis al li fari tion", tiu li estus alia persono ne si mem. Li vokis sian amikon!

Vere! Tamen restas enigmo: kiu estas tiu "li" ?
( en: "... la aŭtoro de Esperanto rigardadis ĉiam kiel leĝojn por li ...")

Ĉu Z eraris (pro Influo de rusa lingvo) ?

Vinisus (Tunjukkan profil) 7 Mei 2017 13.32.45

"La aŭtoro de Esperanto rigardadis ĉiam kiel leĝojn por li." Li skribis uzante la trian personon t.e. --- Por la aŭtoro de Esperanto ĉiujn ĉi tri verkojn li vidas kiel leĝon. Do, la ĉiuj ĉi tri verkoj estas leĝo por li.

Bert (Tunjukkan profil) 7 Mei 2017 21.15.01

Mi lernis kiel regula ke « la refleksivo "si" resendas al la subjekto de la laste esprimita ago. »
Por mi tiu ago estas "rigardi" kaj tial mi skribus "leĝo por si" aŭ "sia leĝo", sed ŝajne Zamenhof sentis alian agon apud "leĝo". Kiel oni skribas tiun frazon ruse?

Grown (Tunjukkan profil) 8 Mei 2017 07.57.45

Kulto al personeco. Mi ne diras ke li estas malbona por kulto al personeco, mi nure iomete ne ŝatas propagandajn teknikojn. Mi rigardas propagandajn teknikojn kiel bonmalbona (read: cheesy).

sergejm (Tunjukkan profil) 9 Mei 2017 16.41.28

Frano:Vere! Tamen restas enigmo: kiu estas tiu "li" ?
Tiu "li" estas la aŭtoro. Tiel oni uzas ruslingve, Esperante oni povas diri "si" en la menciita frazo, sed se ne estas menciita alia persono, "li" estas ekvivalenta al "si".
Probablaj kaŭzoj kial Z uzis "li" estas 1) Z skribas pri si en tria persono kaj 2) "как" ("kiel") en rusa lingvo komencigas novan subfrazon, kaj se ĉi tiu subfrazo estus plena (t. e. se ĝi havus subjekton kaj verbon) ankaŭ en Esperanto oni devus uzi nur "li".
Kiel leĝoj estas por li = kiel leĝoj estas por la aŭtoro.
Kiel leĝoj estas por si= kiel leĝoj estas por leĝoj.

Frano (Tunjukkan profil) 10 Mei 2017 12.25.46

Pesan telah disembunyikan.

Frano (Tunjukkan profil) 10 Mei 2017 13.03.28

sergejm:Probablaj kaŭzoj kial Z uzis "li" estas 1) Z skribas pri si en tria persono kaj 2) "как" ("kiel") en rusa lingvo komencigas novan subfrazon, kaj se ĉi tiu subfrazo estus plena (t. e. se ĝi havus subjekton kaj verbon) ankaŭ en Esperanto oni devus uzi nur "li".
Dankon!

Do, pli precizaj estus tiuj ĉi du variantoj:
Tiujn ĉi tri verkojn la aŭtoro de Esperanto rigardadis ĉiam kiel leĝojn por si,
kaj:
Tiujn ĉi tri verkojn la aŭtoro de Esperanto rigardadis ĉiam kiel ili estus leĝoj por li.

Eble en la unua varianto pli bone estus:
Tiujn ĉi tri verkojn la aŭtoro de Esperanto rigardadis por si ĉiam kiel leĝojn

Kembali ke atas