Miland:

miĥil:.. kial vi tiom ŝatas emfazi ke temas pri 'eksaj' ateistoj?

Ĉar ili helpas montri, ke ateismo estas eraro, kaj ke fojfoje homoj eskapis el ĝi. Ilia ekzemplo do povas helpi serĉantojn al la vero.

Vi sugestas do ke pli da homoj 'eskapas' el ateistmo ol inverse. Mi supozas ke tio estas je nenio bazita (nu, kion alian ni atendu de religiulo). Ankaŭ ekzistas homoj kiuj movas la alian direkton. Kaj la fakto ke nuntempe ekzistas sufiĉe multe da ateistoj pruvas ke tio okazis ne malofte.

Sed baze tio simple ne estas grava. Gravas la enhavo. La fakto ĉu la aŭtoro havas barbon estas simile aferkoncerna al kio li estis jarojn antaŭ skribo de la libro.

Plejofte argumento kia 'mi antaŭe estis ateisto kaj nun ne plu' estas sufiĉe ofenda, ofenda al la inteleko, ĉar per tio oni do ŝajne volas sugesti al ateisto ke temas pri ia natura moviĝo al supereca stato kaj ke fakte la argumentoj krome povas esti ignorataj.

Miland: ke la pasio kaj rikanado de ateistoj ne implicas ke ili pravas.

Neniu asertas tion. La manko de pruvoj ĉe la religia flanko montras ke tiu flanko malpravas, kaj la foje sufiĉe absurdaj argumentoj kiujn aplikas la diistoj (ekz. tiu 'argumento el unua kaŭzo' estas vere ne pli ol ridinda) kaŭzas ke iom da rikanado foje ne povas ne okazi.

miĥil:Vi sugestas do ke pli da homoj 'eskapas' el ateistmo ol inverse.

Efektive, mi nek konas la kvanton, nek ĝi gravas al mi. Sufiĉas ke kelkaj homoj eskapis el ateismo.

miĥil:Plejofte argumento kia 'mi antaŭe estis ateisto kaj nun ne plu' estas sufiĉe ofenda .. oni do ŝajne volas sugesti al ateisto ke temas pri ia natura moviĝo al supereca stato

Efektive, mi suspektas, ke sufiĉe ofte, eskapo el ateismo estas, ne nur moviĝo per natura povo sole, sed donaco el Ĉielo, bonkora ago de Dio.

miĥil:

Miland:..rikanado de ateistoj ne implicas ke ili pravas.

..ne pli ol ridinda..

Bona ekzemplo. Serĉantoj do studu la libron de Hahn!

Miland: Efektive, mi suspektas, ke sufiĉe ofte, eskapo el ateismo estas, ne nur moviĝo per natura povo sole, sed donaco el Ĉielo, bonkora ago de Dio.

Ah ja, ni do supozu ke la bonkora Dio simple lasos ĉiujn aliajn forputri en infero. Tre bonkora, kiom imprese.

Miland:

miĥil:

Miland:..rikanado de ateistoj ne implicas ke ili pravas.

..ne pli ol ridinda..

Bona ekzemplo. Serĉantoj do studu la libron de Hahn!

Mi komprenas ke vi ne estas kapabla mem rezonadi, sed ne estas inde tiom evidentigi tion. Se vi memstare trovas tiun absurdan argumenton de 'unua kaŭzo' ne komplete ridinda, do klarigu kial ne.

Interreta konekto.

Redakto:

[url=http://www.ipernity.com/doc/68280/album/189761|R2B%3Boff%3D36%3Bview%3D1?roff]=54&]pliaj[/url]

miĥil:..infero.

Evidente Flew forlasis ateismon pro sia rezonado. Tre eble, tamen, ke Dio helpis lin.

Pri infero, kiel Gandhi diris en la filmo, nur Dio decidas kiu iras tien.

miĥil:Mi komprenas ke vi ne estas kapabla mem rezonadi..

Mi dubas ĉu provo klarigi iun ajn argumenton pri la ekziston de Dio helpus vin. Se vi volas scion, serĉu ĝin. Se ne - tio estu via afero.

Miland:

miĥil:Mi komprenas ke vi ne estas kapabla mem rezonadi..

Mi dubas ĉu provo klarigi iun ajn argumenton pri la ekziston de Dio helpus vin. Se vi volas scion, serĉu ĝin. Se ne - tio estu via afero.

[/quote]Ni provizore supozu ke mi ja 'volas scion'. Kaj cetere povus esti pliaj legantoj (jes jes, ankaŭ mi foje naivas). Ek. Mi aŭskultas. Nur pludirekti al anglalingvaj libroj en ĉi tia forumo estas ja iom malsprite. Ŝajnus al mi ke la ideo estas ke ni interŝanĝu niajn proprajn vidpunktojn.

Mi proponas ke vi ekz. iom klarigu kaj defendu tiun argumenton de 'unua kaŭzo' kaj tiam mi klarigos al vi kial laŭ mi ĝi estas 'ridinda'.

miĥil:Ni provizore supozu ke mi ja 'volas scion'..

Eĉ se jes, mi mem ne pretendas havi propran sperton de Dio; mi do estas nur simpatiulo al tiaj homoj, kiujn mi kredas spertis Lin. Pro tio, miaopinie mi ne rajtas gvidi vin plu. Farinte kelkajn sugestojn, mi atingis mian justan limon.

Se vi volas pli da gvidado, mi sugestas ke vi serĉu homojn, kiuj mem spertis Dion. La plej bona signo, miaopinie, estos ilia malavareco, kaj bonkoreco al aliaj homoj. Mi menciu forpasintan ekzemplon: la familio Ten Boom. Eble helpos vin fari "pilgrimon" al ilia domo kaj muzeo en Haarlem, kie ili kaŝis kaj helpis judojn fuĝantajn.

Miland:

miĥil:Ni provizore supozu ke mi ja 'volas scion'..

Eĉ se jes, mi mem ne pretendas havi propran sperton de Dio

Mi petis defendi la argumenton de unua kaŭzo. Vi simple daŭre ŝanĝas la temon.

Propraj spertoj ne diras multon. Ekzistas homoj kiuj 'propre spertis' esti forkaptataj de eksterteruloj. Ankaŭ tiuj evidente haluciniĝis.

Miland:mi do estas nur simpatiulo al tiaj homoj

Ĉu religiuloj estas simpatiaj, tio ne estas la demando. La demando estas ĉu Dio ekzistas.

Paulinho:Ni kredas ke dio estas patr(in)o, kiu eterne sin esprimas. Ni nomas la dian esprimon “filon”.
La amo inter la patr(in)o kaj la filo estas ankaŭ dia amo. Tian dian amon ni nomas “sanktan spiriton". La tri sin amas reciproke. Do ni kredas ke dio estas ama komunumo.

Kiel 'ama komunumo' povis krei la universon?

Paulinho:Konsekvence: ni estos ju pli homa des pli ni amas: la bildo aproksimas la realecon. Pro tio en la lastaj 20 jaroj sep aŭ ok premioj nobeloj de paco estas katolikaj (ekster aliaj kristanoj).

Mi fakte trovis nur 6. Sed vi kiel Miland ŝajne volas insisti ke 'boneco' de anoj de la religio iel rilatas al la vero de ĝi. Ne estas logika konekto.

Paulinho:Nun koncerne respondi al Jakovo:
Iu viro kaluminiis najbaron, kaj post pentis

Do, fakte via reago povas esti resumata al 'Jakovo mensogis, kaj Patrina Teresa estis nur tre tre bona'.

Ŝi ricevis multajn milionojn da dolaroj, sed restis en Kalkuto precipe 'prizorgi' (sufiĉe aĉemaniere) la mortontojn. Ŝi povis tre facile provizi ilin per modernaj, bonaj kuracoj, sed ne faris. Kiel Hitchens esprimis 'ŝi amis la povrecon, ne la povrajn'. Ja ekzistis iom da diskuto pri ĉu ŝi vere bone agis. Nur diri ĉion tion senpere 'kalumnio' ne sonas tre saĝe, ankaŭ ne se oni faras tion per ia parabolo.

miĥil:Mi petis defendi la argumenton de unua kaŭzo..

Mi dubas ke tio helpus vin. Ĉiuokaze, miaopinie, mi faris ĉion, kion mi povas aŭ rajtas fari por vi, do Adiaŭ.