K vsebini
Odgovori

Adjektivaj perverbaj priskriboj kaj vortorda liberteco

od Ilmen, 24. februar 2012

Sporočila: 48

Jezik: Esperanto

Ilmen (Prikaži profil) 24. februar 2012 13:07:18

Bonan tagon al ĉiuj. Mi volas demandi al vi pri adjektivaj perverbaj priskriboj kaj vortorda liberteco.
Adjektiva perverba priskribo, alinome predikata adjektivo, estas adjektivo, kiu priskribas la rezultan staton de la ago (aŭ la perceptatan staton de io okaze de perceptaj verboj kiel "vidi") anstataŭ la subjekton aŭ la objekton de la verbo, do ili ne havas akuzativon.
Kutima ekzempla frazo estas "mi farbis la pordon ruĝa", kie la adjektivo "ruĝa" priskribas la rezultan staton de la pordo farbita.

Tamen, en kelkaj kazoj, mi havas la impreson, ke adjektivaj perverbaj priskriboj povas konflikti kun ordinaraj subjektaj adjektivoj, kiuj ankaŭ ne havas akuzativon, kiel en la jena frazo:
"La maljunulo desegnis lin staranta."

En tia frazo, ĉu la adjektivo, tiukaze "staranta", povas celi la subjekton anstataŭ la resultan staton de la objekto, la staton de la desegnaĵo tiuokaze?
Ja aŭ la vorta pozicio gravas tiaokaze pri ekscii tiun, kiu estas ĝia celo, kaj do ekscii ĉu ĝi estas perverba aŭ ne?

Dankon antaŭe.

Roberto12 (Prikaži profil) 24. februar 2012 14:45:01

Mi ne 100 elcente komprenas vian mesaĝon, sed mi konas la situacion ĉar mi pensis pri ĝi en la paseo. La problemo estas ke subjekto kaj predikato estas nedistingeblaj, do oni devas uzi SVO-vortordon kun ili. Mi mem ne zorgas pri ĉi tio, ĉar mi kredas ke la solvo estus havi predikatan inflekcion tiel en Volapuko, kaj bedaŭrinde ĉi tiu estus tro ekzota por internacia lingvo...

Redakto: Ni havas ĉi tie argumenton por la amata akuzativo. Sen ĝi, kiel oni distingus inter subjektoj, objektoj, kaj predikatoj?

Hyperboreus (Prikaži profil) 24. februar 2012 15:55:27

Forigite

Ilmen (Prikaži profil) 24. februar 2012 21:22:53

Eta rimarko, mi skribus tion, «estas nesciebla ĉu "staranta" rilatas al la subjekto aŭ al la objekto», ĉar "se" = "kondiĉe de". okulumo.gif
Krome, mi ne legus la adjektivo kiel celanta la desegnatulon, ĉar tiaokaze la adjektivo prenus akuzativon: "La maljunulo desegnis lin starantan.". okulumo.gif
Plejprobable ĝi priskribas la staton de lia desegnaĵo: li estas desegnita kiel staranta, eĉ se tiam li estis sidanta.

Kaj jes, uzi "starante" estas bona ideo pri indiki neplursence la subjekto (la desegnanto) kiel la celo de la priskribo.

Roberto12 -> Mi ne diris ion ajn kontraŭ la akuzativo. Kial vi diris tion?

Hyperboreus (Prikaži profil) 24. februar 2012 21:30:00

Forigite

Roberto12 (Prikaži profil) 24. februar 2012 21:42:16

Ilmen:Mi ne diris ion ajn kontraŭ la akuzativo. Kial vi diris tion?
Mi nur rimarkis ke la ekzisto de la akuzativo permesas la neambiguan uzon de predikatoj. Ĉi tiu estas ĝenerala komento kaj ne respondo al vi.

Hyperboreus (Prikaži profil) 24. februar 2012 23:32:00

Forigite

sudanglo (Prikaži profil) 25. februar 2012 09:59:06

Esperanto ebligas tri formulojn

1. Mi desegnis lin starante
2. Mi desegnis lin staranta
3. Mi desegnis lin starantan

1. - Mi staris
2. - En la desegno li staras (ĉu li staris dum li modelis por mi, oni ne scias)
3. - Li staris dum mi desegnis (ĉu en la desegno li estas staranta, oni ne scias)

Ondo (Prikaži profil) 25. februar 2012 16:49:30

Sudanglo perfekte klarigis la aferon.

Hyperboreus (Prikaži profil) 25. februar 2012 18:22:01

Forigite

Nazaj na začetek