Til innholdet
Svare

alilokeroj

fra Montajxonglisto,2012 10 11

Meldinger: 13

Språk: Esperanto

Montajxonglisto (Å vise profilen) 2012 10 11 13:37:18

Saluton,
Mi pripensis vorton, sed mi ne certas pri tio kio oni pensas vidante ĝin.
Mi do dezirus scii kiel vi komprenas la vorton alilokeroj?
Dankon por viaj opinoj!

Tjeri (Å vise profilen) 2012 10 11 14:07:41

Mi ne komprenas tion, kio estus eroj de aliaj lokoj, nek keroj de alilo.

antoniomoya (Å vise profilen) 2012 10 11 17:26:13

loko = lieu, site
lokero = une (petite) partie d'un site.
ali-lokeroj = d'autres petites parties d'un site.

Tiel mi komprenas tiun vorton. Sed mi ne scias ĉu vi volis diri tion aŭ ne.

Amike.

Tjeri (Å vise profilen) 2012 10 11 17:35:17

Ero ne estas parto de io, ero estas "unu el la konsistigaj elementoj de tutaĵo" (PIV), sablerojn, neĝerojn, frazerojn, plumerojn mi komprenas, sed lokerojn, aŭ ekzemple ĉieleron, ne havas signifon.

Montajxonglisto (Å vise profilen) 2012 10 11 18:29:44

Dankon!
Tion, kio mi celis diri estas :
- loko, lieu
- aliloko, autre lieu, ailleurs
- alilokeroj, fragments d'ailleurs

Mi volis uzi pli vasta, "bildata", senco, sed Tjeri pravas, ero estas "konsistiga elemento", ne nur parto...

Ĉu ne estus vortoj, en kiuj oni uzas -er en pli vasta senco de "parto"?

darkweasel (Å vise profilen) 2012 10 11 19:51:32

Montajxonglisto:
- alilokeroj, fragments d'ailleurs
Mi eĉ ne scias, kion tio signifas en la franca, kaj per retserĉo mi ne trovis ion klerigan. Ĉu vi povas klarigi?

Montajxonglisto (Å vise profilen) 2012 10 11 21:39:38

Pardonu!
- la franca "ailleurs" signifas "aliloke"
- kaj "fragments" ĝuste estas "eroj, pecoj"
La esprimo "fragments d'ailleurs" tute ne estas io komuna, sed tio, iom poezia, ekzemple taŭgas por vojaĝlibro aŭ io simila.
Ĉu tio klarigas?

darkweasel (Å vise profilen) 2012 10 12 05:15:13

Montajxonglisto:
Ĉu tio klarigas?
Ne. Mi ja scias, kion signifas fragment kaj ailleurs (mi ja scias la francan iom), sed tamen ne komprenas la sencon - ĉu temas pri partoj (de io alia), kiuj devenas de alia loko?

Montajxonglisto (Å vise profilen) 2012 10 12 07:43:43

Unue vi devas bone kompreni ke tio ne estas esprimo uzata por preciza senco. Se vi demandas al franculoj kio signifas tiun esprimon, ekster la kunteksto ili ne scios.

Ĝi estas iom poezia kaj, en mia menso, bone taŭgas por vojaĝaj rakontoj, kie oni parolas pri kelkaj pejzaĝoj kiuj oni vidis, kelkaj odoroj kiuj oni sentis, kelkaj vortoj kiuj oni aŭdis, ktp., do : kelkaj pecoj el alilokoj.

darkweasel (Å vise profilen) 2012 10 12 11:55:15

Montajxonglisto:Unue vi devas bone kompreni ke tio ne estas esprimo uzata por preciza senco. Se vi demandas al franculoj kio signifas tiun esprimon, ekster la kunteksto ili ne scios.

Ĝi estas iom poezia kaj, en mia menso, bone taŭgas por vojaĝaj rakontoj, kie oni parolas pri kelkaj pejzaĝoj kiuj oni vidis, kelkaj odoroj kiuj oni sentis, kelkaj vortoj kiuj oni aŭdis, ktp., do : kelkaj pecoj el alilokoj.
Bone, dankon, nun mi komprenas. Ĉu eble fremdaj/alilokaj impresoj estas bona Esperanta termino por tio ĉi?

Tibake til toppen