Vai all’indice
Rispondi

Forte staras muroj de/da miljaroj

di Demian, 24 novembre 2012

Messaggi: 7

Lingua: Esperanto

Demian (Mostra il profilo) 24 novembre 2012 17:27:40

Pardonu se la demando estas stulta. Mi estis aŭskultanta al La Espero neantaŭlonge kaj ekrimarkis ion strangan(?). Kial oni uzas 'de' en tiu frazo de la himno anstataŭ de 'da'?

darkweasel (Mostra il profilo) 24 novembre 2012 18:28:37

Ĉu muroj estas iuspeca mezuro? demando.gif

sudanglo (Mostra il profilo) 24 novembre 2012 18:57:01

Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.

Demian (Mostra il profilo) 25 novembre 2012 12:24:19

sudanglo:Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.
Dankon! Mi komprenas!

* Mi havas dek jarojn.
* Mi estas dekjaraĝa.
* Mi havas dek da jaroj.
* Mi estas esperantisto de dek [da] jaroj.

sudanglo (Mostra il profilo) 25 novembre 2012 13:18:01

Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.

Tamen 'mi vidis en la strato knabon de dek jaroj kun lia patrino' ja ŝajnas implici ke la knabo estis dekjaraĝa.

Tjeri (Mostra il profilo) 25 novembre 2012 13:26:43

* Mi havas dek da jaroj.
Tio estas erara.
Mi havas dek jarojn, aŭ mi havas dekon da jaroj.

Demian (Mostra il profilo) 25 novembre 2012 15:24:16

sudanglo:Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.
Dankon por klarigo. Sed la kvara frazo neniel ligas al la unuaj tri. Eble mia esprimmaniero kaŭzis konfuzon.

Tjeri:Tio estas erara.
Mi havas dek jarojn, aŭ mi havas dekon da jaroj.
Ege dankas vin por korekti!

Torna all’inizio